Samantha: 100 ಕೋಟಿಯ ಮನೆಯಿದ್ರೂ ಹೈದರಾಬಾದ್​ನಲ್ಲಿ ಫ್ಲ್ಯಾಟ್ ಖರೀದಿಸಿದ ಸಮಂತಾ! ಈ ಫ್ಲ್ಯಾಟ್ ಬೆಲೆ ಎಷ್ಟು ಗೊತ್ತಾ?

ಇತ್ತೀಚೆಗೆ ಸಮಂತಾ ಮುಂಬೈನಲ್ಲಿ ಹೊಸ ಫ್ಲಾಟ್ ಖರೀದಿಸಿದ್ದಾರೆ ಎಂಬ ಸುದ್ದಿ ಹೊರಬಿದ್ದಿದೆ. ಬಾಲಿವುಡ್​ನಿಂದ ಆಫರ್ ಮೇಲೆ ಆಫರ್​ಗಳು ಬರುತ್ತಿರುವ ಹಿನ್ನೆಲೆ ನಟಿ ಮುಂಬೈನಲ್ಲಿ ಸ್ವಂತ ಮನೆಯನ್ನು ಖರೀದಿಸಿದ್ದರು.

ಮುಂಬೈನ ಪ್ರಮುಖ ಭಾಗದಲ್ಲಿರುವ ಸ್ಟಾರ್ ನಿವಾಸವನ್ನು ಸಮಂತಾ 15 ಕೋಟಿಗೆ ಪಡೆದುಕೊಂಡಿದ್ದಾರೆ. ದಕ್ಷಿಣ ಭಾರತದ ತಾರೆ ರಶ್ಮಿಕಾ ಕೂಡ ಇತ್ತೀಚೆಗೆ ಇದೇ ಜಾಗದಲ್ಲಿ ಮನೆ ಖರೀದಿಸಿದ್ದರು.

ಇತ್ತೀಚಿನ ಸುದ್ದಿಯ ಪ್ರಕಾರ, ಸಮಂತಾ ಹೈದರಾಬಾದ್ನಲ್ಲಿ ಹೊಸ ಫ್ಲಾಟ್ ಅನ್ನು ಖರೀದಿಸಿದ್ದಾರೆ. ಎಕನಾಮಿಕ್ ಟೈಮ್ಸ್ ವರದಿ ಪ್ರಕಾರ ಸಮಂತಾ ಅವರ ಹೊಸ ಮನೆಯನ್ನು ಹೈದರಾಬಾದ್​ನಲ್ಲಿ ಖರೀದಿಸಿದ್ದಾರೆ

ಈ ಡ್ಯುಪ್ಲೆಕ್ಸ್ ಅಪಾರ್ಟ್​ಮೆಂಟ್​ಗಾಗಿ ಸಮಂತಾ 7.8 ಕೋಟಿ ರೂಪಾಯಿ ಖರ್ಚು ಮಾಡಿದ್ದಾರೆ. ಸಮಂತಾ ಅವರ ಹೊಸ ಮನೆ ಹೈದರಾಬಾದ್​ನ ಆರೆಂಜ್ ಕೌಂಟಿಯಲ್ಲಿದೆ. ಈ ಫ್ಲಾಟ್ 7,944 ಚದರ ಅಡಿ ಇದ್ದು, 13 ಮತ್ತು 14ನೇ ಫ್ಲೋರ್​ನಲ್ಲಿದೆ.

ಸದ್ಯ ಸಮಂತಾ ಹೈದರಾಬಾಡ್​ನಲ್ಲಿಯೇ ಕೋಟಿ ಕೋಟಿ ವೆಚ್ಚದ ಮತ್ತೊಂದು ಮನೆಯಲ್ಲಿ ವಾಸವಾಗಿದ್ದಾರೆ. ಜುಬ್ಲಿ ಹಿಲ್ಸ್​ನಲ್ಲಿರುವ ಮನೆ 100 ಕೋಟಿ ಮೌಲ್ಯದ ಮನೆ ಇವರದ್ದಾಗಿದೆ. ಆದ್ರೂ ಸಮಂತಾ ಹೊಸ ಫ್ಲ್ಯಾಟ್ ಖರೀದಿಸಿದ್ದಾರೆ.

ಸಮಂತಾ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಶಾಕುಂತಲಂ ಥಿಯೇಟರ್​ಗಳಲ್ಲಿ ಕಳೆಪೆ ಪ್ರದರ್ಶನ ಕಂಡಿದೆ. ಸಿನಿಮಾ ರಿಲೀಸ್ ಆದ ದಿನವೇ ಮಿಶ್ರಪ್ರತಿಕ್ರಿಯೆ ಕೇಳಿಬಂದಿತ್ತು. ಸಿನಿಮಾದಿಂದ ನಿರ್ಮಾಪಕರಿಗೆ ಭಾರೀ ನಷ್ಟವಾಗಿದೆ.

ತೆಲುಗಿನಲ್ಲಿ ವಿಜಯ್ ದೇವರಕೊಂಡ ಜೊತೆಗಿನ ಖುಷಿ ಮತ್ತು ಬಾಲಿವುಡ್ ನಲ್ಲಿ ವರುಣ್ ಧವನ್ ಜೊತೆಗಿನ ಸಿಟಾಡೆಲ್ ಶೂಟಿಂಗ್​ನಲ್ಲಿ ಸ್ಯಾಮ್ ಬ್ಯುಸಿ ಆಗಿದ್ದಾರೆ. ಅಮೆಜಾನ್ ಪ್ರೈಮ್​ನಲ್ಲಿ ಬಿಡುಗಡೆಯಾದ ಪ್ರಿಯಾಂಕಾ ಚೋಪ್ರಾ ಅವರ ಸಿಟಾಡೆಲ್​ನ ಹಿಂದಿ ರಿಮೇಕ್​ನಲ್ಲಿ ಸಮಂತಾ ನಾಯಕಿಯಾಗಿ ನಟಿಸಲಿದ್ದಾರೆ.

ತೆಲುಗು ಚಿತ್ರ ಮಹಾನಟಿ ನಂತರ ಸಮಂತಾ ಮತ್ತು ವಿಜಯ್ ದೇವರಕೊಂಡ ಖುಷಿ ಸಿನಿಮಾದಲ್ಲಿ ಜೋಡಿಯಾಗಿ ನಟಿಸಿದ್ದಾರೆ. ‘ಖುಷಿ’ ಸಿನಿಮಾ ಕಾಶ್ಮೀರದ ಹಿನ್ನೆಲೆ ರೋಮ್ಯಾಂಟಿಕ್ ಚಿತ್ರವಾಗಿದೆ.