Samantha: ಟಾಲಿವುಡ್ ನಿರ್ಮಾಪಕರಿಗೆ ಕೈ ಕೊಟ್ಟ ಸಮಂತಾ! ಸ್ಯಾಮ್ ಡಿಮ್ಯಾಂಡ್ ಕೇಳಿ ಬೆಚ್ಚಿಬಿದ್ದ ಸಿನಿಮಾ ಟೀಮ್!

ವಿಜಯ್ ದೇವರಕೊಂಡ ಜೊತೆ ಖುಷಿ ಸಿನಿಮಾ ಮಾಡುತ್ತಿರುವ ನಟಿ ಸಮಂತಾ ಅನಾರೋಗ್ಯ ಕಾರಣದಿಂದ ಶೂಟಿಂಗ್ಗೆ ಹಾಜರಾಗಿಲ್ಲ. ಹೀಗಾಗಿ ಸಿನಿಮಾ ಶೂಟಿಂಗ್ ಕೂಡ ಮುಂದೂಡಲಾಗಿತ್ತು.

ಇದೀಗ ಚೇತರಿಕೆ ಕಂಡ ಬಳಿಕ ಸಮಂತಾ ತೆಲುಗಿನ ಖುಷಿ ಸಿನಿಮಾಗೆ ಡೇಟ್ ಕೊಡಲು ಸತಾಯಿಸುತ್ತಿದ್ದಾರೆ. ಜೊತೆಗೆ ನಿರ್ದೇಶಕರು ಹಾಗೂ ನಿರ್ಮಾಪಕರ ಬಳಿ ಕೆಲ ಡಿಮ್ಯಾಂಡ್ ಮುಂದಿಟ್ಟಿದ್ದಾರೆ ಎನ್ನುವ ಸುದ್ದಿ ಹರಿದಾಡ್ತಿದೆ.

ಸಮಂತಾ ಅವರ ಆರೋಗ್ಯದ ಕಾರಣದಿಂದಲೇ ಕೆಲವು ತಿಂಗಳುಗಳಿಂದ ಖುಷಿ ಚಿತ್ರ ಸ್ಥಗಿತಗೊಂಡಿತ್ತು. ಇದೀಗ ಚೇತರಿಸಿಕೊಂಡಿರುವ ಸಮಂತಾ, ನಟ ವಿಜಯ್ ದೇವರಕೊಂಡ ಸಿನಿಮಾ ಬಿಟ್ಟು ವೆಬ್ ಸೀರಿಸ್​ಗೆ ಡೇಟ್ಸ್ ಕೊಟ್ಟಿದ್ದಾರಂತೆ.

ಅಷ್ಟೇ ಅಲ್ಲದೇ ಖುಷಿ ಚಿತ್ರದ ಕಥೆಯನ್ನೇ ಬದಲಿಸುವಂತೆ ಸಮಂತಾ ಪಟ್ಟು ಹಿಡಿದಿದ್ದಾರಂತೆ. ಸಮಂತಾ ಡಿಮ್ಯಾಂಡ್ ಕೇಳಿ ನಿರ್ದೇಶಕ ಹಾಗೂ ನಿರ್ಮಾಪಕರೇ ಬೆಚ್ಚಿಬಿದ್ದಿದ್ದಾರೆ.

ಸಿನಿಮಾದಲ್ಲಿ ನನ್ನ ಪಾತ್ರಕ್ಕೆ ಪ್ರಾಮುಖ್ಯತೆ ಕಡಿಮೆ ಇದೆ ಹೀಗಾಗಿ ನನ್ನ ಪಾತ್ರಕ್ಕೆ ಹೆಚ್ಚು ಆದ್ಯತೆ ನೀಡಬೇಕು. ಕೊಂಚ ಕಥೆ ಬದಲಿಸುವಂತೆ ನಟಿ ಸಮಂತಾ ನಿರ್ದೇಶಕ ಹಾಗೂ ನಿರ್ಮಾಪಕರ ಬಳಿ ಕೇಳಿದ್ದಾರಂತೆ.

ಕಥೆ ಬದಲಿಸುವಂತೆ ಡಿಮ್ಯಾಂಡ್ ಮಾಡಿದ ಬಳಿಕ ಸಮಂತಾ ತೆಲುಗಿನ ಖುಷಿ ಚಿತ್ರಕ್ಕೆ ಡೇಟ್ಸ್ ನೀಡದೆ ವೆಬ್ ಸೀರಿಸ್​ಗೆ ನೀಡಿದ್ದು ಚಿತ್ರತಂಡದ ಅಸಮಾಧಾನಕ್ಕೆ ಕಾರಣವಾಗಿದೆ.

ನಟಿ ಸಮಂತಾ ಅಭಿನಯದ ಶಾಕುಂತಲಂ ಸಿನಿಮಾ ಬಿಡುಗಡೆಗೆ ರೆಡಿಯಾಗಿದ್ದು, ಚಿತ್ರದ ಪ್ರಚಾರದಲ್ಲಿ ನಟಿ ಸಮಂತಾ ಬ್ಯುಸಿ ಆಗಿದ್ದಾರೆ.

ಶಾಕುಂತಲಂ ಸಿನಿಮಾವನ್ನು ಗುಣಶೇಖರ್ ನಿರ್ದೇಶಿಸಿದ್ದು, ನೀಲಿಮಾ ಗುಣ ಮತ್ತು ದಿಲ್ ರಾಜು ಜಂಟಿಯಾಗಿ ನಿರ್ಮಿಸಿದ್ದಾರೆ. ಈ ಸಿನಿಮಾ ಫೆಬ್ರವರಿ 17 ರಂದು ತೆರೆಗೆ ಬರಲಿದೆ.