Samantha: ಸಿನಿಮಾ ಮಾತ್ರವಲ್ಲ ಇನ್​ಸ್ಟಾಗ್ರಾಮ್​ನಿಂದಲೂ ಕೋಟಿ ಕೋಟಿ ಗಳಿಸ್ತಾರೆ ಈ ಸೌತ್ ನಟಿ

ಸೌತ್ ಸ್ಟಾರ್ ಹೀರೋಯಿನ್​ಗಳಲ್ಲಿ ಸಮಂತಾ ಕೂಡ ಒಬ್ಬರು. ಇತ್ತೀಚೆಗಷ್ಟೇ ಸಮಂತಾ ಅಭಿನಯದ ಯಶೋದಾ ಸಿನಿಮಾ ಕೂಡ ಭರ್ಜರಿ ಯಶಸ್ಸು ಕಂಡಿತ್ತು. ಈ ಹಿಂದೆ ಸಮಂತಾ ಅಭಿನಯದ ಪುಷ್ಪ ಚಿತ್ರ ಕೂಡ ಅವರಿಗೆ ಒಳ್ಳೆಯ ಹೆಸರು ತಂದುಕೊಟ್ಟಿದೆ.

ಪುಷ್ಷ 2 ಚಿತ್ರದಲ್ಲಿ ಊ ಅಂಟಾವಾ ಹಾಡಿಗೆ ಸಮಂತಾ ಹೆಜ್ಜೆ ಹಾಕಿದ್ದು, ಆ ಹಾಡು ಕೂಡ ಸೂಪರ್ ಹಿಟ್ ಆಗಿತ್ತು. ಈ ಹಾಡಿನ ಮೂಲಕ ಸಮಂತಾ ಬಾಲಿವುಡ್‌ನಲ್ಲಿಯೂ ಗುರುತಿಸಿಕೊಂಡರು. ಇದರೊಂದಿಗೆ ಸ್ಯಾಮ್​ಗೆ ಈಗ ಬಾಲಿವುಡ್ ನಲ್ಲೂ ಆಫರ್ ಬರುತ್ತಿವೆ.

ಕಳೆದ ಕೆಲವು ವರ್ಷಗಳಿಂದ ಆರೋಗ್ಯದ ಕಾರಣದಿಂದ ಸಮಂತಾ ಸಿನಿಮಾ ಶೂಟಿಂಗ್‌ನಿಂದದೂರ ಉಳಿದಿದ್ದರು. ಮಯೋಸಿಟಿಸ್‌ನಿಂದಾಗಿ ಸ್ಯಾಮ್ ಸಿನಿಮಾಗಳಿಗೆ ಬ್ರೇಕ್ ನೀಡಿದರು. ಆದರೆ ಸಿನಿಮಾಗಳ ಹೊರತಾಗಿ, ಸ್ಯಾಮ್ ತನ್ನ ಸೋಷಿಯಲ್ ಮೀಡಿಯಾ ಹ್ಯಾಂಡಲ್‌ಗಳ ಮೂಲಕವೂ ಉತ್ತಮ ಆದಾಯವನ್ನು ಗಳಿಸುತ್ತಾರೆ.

ಸಮಂತಾ ಸೋಷಿಯಲ್ ಮೀಡಿಯಾದಲ್ಲೂ ಸಖತ್ ಆ್ಯಕ್ಟಿವ್ ಆಗಿದ್ದಾರೆ. ಅವರು Instagram ನಲ್ಲಿ 24.8 ಮಿಲಿಯನ್ ಫಾಲೋವರ್ಸ್​ಗಳನ್ನು ಹೊಂದಿದ್ದಾರೆ. ಆದರೆ ಆ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ.

ಸೋಷಿಯಲ್ ಮೀಡಿಯಾದಲ್ಲಿ ಸಮಂತಾ ಅವರಿಗೆ ಅಪಾರ ಅಭಿಮಾನಿಗಳಿರುವ ಕಾರಣ ಅವರು ವಿವಿಧ ಉನ್ನತಗಳ ಕಂಪನಿಗಳಿಗೆ ಹೆಚ್ಚು ಬೇಡಿಕೆಯಿರುವ ಬ್ರಾಂಡ್ ಅಂಬಾಸಿಡರ್ ಆಗಿದ್ದಾರೆ. ಇದರೊಂದಿಗೆ ನಟಿ ಒಂದು ತಿಂಗಳಿನಲ್ಲಿಯೇ ಕೋಟಿಗಟ್ಟಲೆ ಸಂಪಾದನೆ ಮಾಡುತ್ತಾರೆ.

ನಟಿ ಸೋಷಿಯಲ್ ಮೀಡಿಯಾ ಮೂಲಕ ಗಳಿಸುವ ಸಂಭಾವನೆ ಎಷ್ಟು ಅಂತ ಗೊತ್ತಾದರೆ ಖಂಡಿತಾ ಶಾಕ್ ಆಗುತ್ತೀರಿ. ಕಾರಣ ನಟಿಯ ಇನ್​​ಸ್ಟಾಗ್ರಾಮ್ ಸಂಪಾದನೆ ಚಿಕ್ಕ ಮೊತ್ತವೇನಲ್ಲ.

ಸಮಂತಾ ತನ್ನ ಸೋಷಿಯಲ್ ಮೀಡಿಯಾ ಬ್ರ್ಯಾಂಡ್ ಪ್ರಮೋಷನ್​ಗಳ ಮೂಲಕ ತಿಂಗಳಿಗೆ ರೂ. ಸುಮಾರು 3 ಕೋಟಿ ಗಳಿಸುತ್ತಾರಂತೆ. ನಟಿ ಇನ್‌ಸ್ಟಾಗ್ರಾಮ್‌ನಲ್ಲಿ ಪ್ರಚಾರ ಪೋಸ್ಟ್‌ಗಳಿಗಾಗಿ ಸುಮಾರು ರೂ. 20 ಲಕ್ಷ ಚಾರ್ಜ್ ಮಾಡುತ್ತಾರೆ.

ಈ ಹಿಂದೆ ಸಮಂತಾ ತನ್ನ ಪ್ರಮೋಷನಲ್ ಪೋಸ್ಟ್‌ಗಾಗಿ ರೂ. 8-10 ಲಕ್ಷ ರೂ ಚಾರ್ಜ್ ಮಾಡುತ್ತಿದ್ದರು. ಹೈ-ಎಂಡ್ ಫ್ಯಾಶನ್ ಬ್ರ್ಯಾಂಡ್‌ಗಳ ಜೊತೆಗೆ, ಸಮಂತಾ ತಮ್ಮ ಇನ್‌ಸ್ಟಾಗ್ರಾಮ್ ಮೂಲಕ ಆರೋಗ್ಯ ಉತ್ಪನ್ನಗಳನ್ನು ಸಹ ಪ್ರಚಾರ ಮಾಡುತ್ತಾರೆ.

ಅವರು Myntra, Munch, PhonePe, Mamaearth ನಂತಹ ವಿವಿಧ ಉತ್ಪನ್ನಗಳಿಗೆ ಬ್ರಾಂಡ್ ಅಂಬಾಸಿಡರ್ ಆಗಿದ್ದಾರೆ. ಈ ಬಗ್ಗೆ ನಟಿ ಪೋಸ್ಟ್ ಮಾಡುತ್ತಲೇ ಇರುತ್ತಾರೆ.

ಸಮಂತಾ ಪ್ರಸ್ತುತ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಸದ್ಯ ಸ್ಯಾಮ್ ಅಭಿನಯದ ಶಾಕುಂತಲಂ ಸಿನಿಮಾ ರಿಲೀಸ್ ಆಗುತ್ತಿದೆ. ಈ ಚಿತ್ರವನ್ನು ಖ್ಯಾತ ನಿರ್ದೇಶಕ ಗುಣಶೇಖರ್ ನಿರ್ಮಿಸುತ್ತಿದ್ದಾರೆ. ಮತ್ತೊಂದೆಡೆ ವಿಜಯ್ ದೇವರಕೊಂಡ ಜೊತೆ ಖುಷಿ ಸಿನಿಮಾದಲ್ಲಿ ಸಮಂತಾ ನಟಿಸಲಿದ್ದಾರೆ. ಇತ್ತೀಚೆಗಷ್ಟೇ ಈ ಸಿನಿಮಾದ ಶೂಟಿಂಗ್ ಕೂಡ ಶುರುವಾಗಿದೆ.