Samantha: ಐ ಲವ್ ಯೂ ಎಂದು ಪೋಸ್ಟ್ ಮಾಡಿದ ಸ್ಯಾಮ್! ಯಾರಿಗೆ ಈ ಪ್ರೀತಿಯ ಸಂದೇಶ?

ನಾಗ ಚೈತನ್ಯ ಜೊತೆಗಿನ ವಿಚ್ಛೇದನದ ನಂತರ ಸಮಂತಾ ಭಾರೀ ಸುದ್ದಿಯಲ್ಲಿದ್ದಾರೆ. ಆಕೆಯ ವೈಯಕ್ತಿಕ ವಿಷಯಗಳ ಜೊತೆಗೆ ಸಿನಿಮಾ ಸುದ್ದಿಗಳು ಕೂಡ ಹಾಟ್ ಟಾಪಿಕ್ ಆಗುತ್ತಿವೆ. ಮತ್ತೊಂದೆಡೆ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆ್ಯಕ್ಟಿವ್ ಆಗಿರುವ ಸಮಂತಾ ಪೋಸ್ಟ್​ಗಳು ಕೂಡ ವೈರಲ್ ಆಗುತ್ತಿವೆ.

ಇತ್ತೀಚೆಗಷ್ಟೇ ಸಮಂತಾ ಟಾಲಿವುಡ್ ನಿರ್ದೇಶಕಿ ನಂದಿನಿ ರೆಡ್ಡಿ ಅವರ ಜೊತೆಗೆ ಫ್ರೆಂಡ್ಶಿಪ್ ಬಗ್ಗೆ ಮಾತಾಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಸ್ನೇಹಿತೆ ಬಗ್ಗೆ ಪೋಸ್ಟ್ ಹಾಕಿದ್ದಾರೆ. ನಂದಿನಿ ರೆಡ್ಡಿ ಜೊತೆ ಮೊದಲಿನಿಂದಲೂ ಉತ್ತಮ ಗೆಳೆತನ ಕಾಯ್ದುಕೊಂಡು ಬಂದಿರುವ ಸಮಂತಾ ತಮ್ಮ ಹುಟ್ಟುಹಬ್ಬದ ಸಂದರ್ಭದಲ್ಲಿ ಭಾವನಾತ್ಮಕ ಪೋಸ್ಟ್ ಹಾಕಿದ್ದಾರೆ.

ನಂದಿನಿ ರೆಡ್ಡಿಯಂತಹ ಗೆಳತಿ ಎಲ್ಲರ ಜೀವನದಲ್ಲೂ ಇರಬೇಕು ಎಂದು ಸಮಂತಾ ಹಾಕಿರುವ ಪೋಸ್ಟ್ ವೈರಲ್ ಆಗಿದೆ. ನಿಮ್ಮಂತಹ ಸ್ನೇಹವನ್ನು ಹೊಂದಿದ್ದರೆ, ಯಾವುದೇ ನೋವು ಅಥವಾ ಸಂಕಟ ಎಂದಿಗೂ ಇರುವುದಿಲ್ಲ. ನೀವು ನೋವಿನಲ್ಲೂ ನಗುತ್ತೀರಿ. ಈ ಜನ್ಮದಲ್ಲಿ ನೀನಿಲ್ಲದೆ ನಾನೇನು ಮಾಡಲಿ? ನಂದಿನಿ ರೆಡ್ಡಿ, ನಾನು ನಿನ್ನನ್ನು ಹೇಳಲಾಗದಷ್ಟು ಪ್ರೀತಿಸುತ್ತೇನೆ. ಹುಟ್ಟುಹಬ್ಬದ ಶುಭಾಶಯಗಳು ಸಮಂತಾ ಎಂದು ಬರೆದಿದ್ದಾರೆ.

ಸಮಂತಾ ಮಾಡಿದ ಈ ಪೋಸ್ಟ್ ನೋಡಿದ ನಂತರ ನಂದಿನಿ ರೆಡ್ಡಿ ಉತ್ತರಿಸಿದ್ದಾರೆ. ಸ್ಯಾಮ್.. ಬೇಹುಗ್ಸ್.. ಎಂದು ಧನ್ಯವಾದ ಹೇಳುವ ಮೂಲಕ ಸಂತಸ ವ್ಯಕ್ತಪಡಿಸಿದರು. ಈ ಪೋಸ್ಟ್ ನೋಡಿದ ನೆಟ್ಟಿಗರು ಕೂಡ ನಂದಿನಿ ರೆಡ್ಡಿಗೆ ದೊಡ್ಡ ಮಟ್ಟದಲ್ಲಿ ಅಭಿನಂದನೆ ಸಲ್ಲಿಸುತ್ತಿದ್ದಾರೆ.

ಈ ಹಿಂದೆ ಸಮಂತಾ-ನಂದಿನಿ ರೆಡ್ಡಿ ಜೋಡಿಯಲ್ಲಿ 'ಜಬರ್ದಸ್ತ್' ಸಿನಿಮಾ ಮಾಡಿದ್ರು. ಇತ್ತೀಚೆಗೆ ಸಮಂತಾ-ನಂದಿನಿ ರೆಡ್ಡಿ ಅವರು ಓ ಬೇಬಿ ಎಂಬ ಲೇಡಿ ಓರಿಯೆಂಟೆಡ್ ಚಿತ್ರದ ಮೂಲಕ ಯಶಸ್ಸನ್ನು ಪಡೆದರು.

ಅಕ್ಕಿನೇನಿ ನಾಗ ಚೈತನ್ಯ ಜೊತೆಗಿನ ವಿಚ್ಛೇದನದ ನಂತರ, ಸಮಂತಾ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. ಟಾಲಿವುಡ್ ಜೊತೆಗೆ ಬಾಲಿವುಡ್ ಚಿತ್ರಗಳಲ್ಲಿ ಅವಕಾಶ ಗಿಟ್ಟಿಸಿಕೊಂಡು ವಿನೂತನ ಪ್ರಯೋಗಗಳನ್ನು ಮಾಡುತ್ತಿದ್ದಾರೆ. ಸಮಂತಾ ಧೈರ್ಯವಾಗಿ ಮುನ್ನುಗ್ಗುತ್ತಿರುವ ರೀತಿಯನ್ನು ಅನೇಕರು ಮೆಚ್ಚಿದ್ದಾರೆ.

ಇತ್ತೀಚೆಗಷ್ಟೇ ಮೈಯೋಸಿಟಿಸ್ ಎಂಬ ಅಪರೂಪದ ಕಾಯಿಲೆಯಿಂದ ಬಳಲಿ ಮನೆಯಲ್ಲಿ ಕೆಲ ತಿಂಗಳು ರೆಸ್ಟ್ ತೆಗೆದುಕೊಂಡಿದ್ದ ಸಮಂತಾ ಇದೀಗ ಸಿನಿಮಾ ಶೂಟಿಂಗ್ನಲ್ಲಿ ಬ್ಯುಸಿ ಆಗಿದ್ದಾರೆ. ಅನೇಕ ಸಿನಿಮಾಗಳಿಗೆ ಡೇಟ್ಸ್ ನೀಡುತ್ತಿದ್ದಾರೆ. ಶೀಘ್ರದಲ್ಲಿ ಸಮಂತಾ ತೆರೆ ಮೇಲೆ ಅಬ್ಬರಿಸಲಿದ್ದಾರೆ.

ಈಗಾಗಲೇ ಶಾಕುಂತಲಂ ಸಿನಿಮಾ ಮುಗಿಸಿರುವ ಸಮಂತಾ, ರಾಜ್-ಡಿಕೆ ನಿರ್ದೇಶನದ ಸಿಡಾಟೆಲ್ ವೆಬ್ ಸಿರೀಸ್ ಸೆಟ್ಗೆ ಬಂದಿದ್ದಾರೆ. ಇದರೊಂದಿಗೆ ಸಮಂತಾ ವಿಜಯ್ ದೇವರಕೊಂಡ ಜೊತೆ ಖುಷಿ ಸಿನಿಮಾ ಮಾಡುತ್ತಿದ್ದಾರೆ. ಶಿವ ನಿರ್ವಾಣ ನಿರ್ದೇಶನ ಮಾಡುತ್ತಿರುವ ಈ ಸಿನಿಮಾ ಭಾರೀ ನಿರೀಕ್ಷೆ ಹುಟ್ಟಿಸಿದೆ.