Samantha: ನಿನ್ನೆ ನಾಗ ಚೈತನ್ಯ ಇಂದು ಸಮಂತಾ! ಹಳೆ ನೆನಪುಗಳ ಬಗ್ಗೆ ಮಾತಾಡಿದ ಸ್ಯಾಮ್ ಹೇಳಿದ್ದೇನು?

ನಾಗ ಚೈತನ್ಯ ಜೊತೆ ವಿಚ್ಛೇದನ, ಟೀಕೆ, ಟ್ರೋಲ್ ಬಳಿಕ ಎದುರಾದ ಗಂಭೀರ ಕಾಯಿಲೆ ಸೇರಿದಂತೆ ಸಾಲು ಸಾಲು ಸಂಕಷ್ಟಕ್ಕೆ ಸಿಲುಕಿದ್ದ ಸಮಂತಾ, ಇದೀಗ ಎಲ್ಲಾ ಕಷ್ಟಗಳನ್ನು ಎದುರಿಸಿ ಮುನ್ನುಗ್ಗುತ್ತಿದ್ದಾರೆ. ಇದೀಗ ಸ್ಯಾಮ್​ಗೆ ಹಳೆ ನೆನಪು ಕಾಡಿದಂತೆ ಕಾಣ್ತಿದೆ. ಹೀಗಾಗಿ ಫೋಸ್ಟ್ ಒಂದನ್ನು ಮಾಡುವ ಮೂಲಕ ಮನದ ಮಾತು ತಿಳಿಸಿದ್ದಾರೆ.

ಸಮಂತಾ ಸಿನಿಮಾ ರಂಗದಲ್ಲಿ ನಾಯಕಿಯಾಗಿ 13 ವರ್ಷಗಳನ್ನು ಪೂರೈಸಿದ್ದಾರೆ. ಅವರ ಮೊದಲ ಚಿತ್ರ ‘ ಏ ಮಾಯ ಚೇಸಾವೆ’ ಬಿಡುಗಡೆಯಾಗಿ ಹದಿಮೂರು ವರ್ಷಗಳು ಕಳೆದಿವೆ. ಹಲವು ವರ್ಷಗಳ ಈ ಪಯಣದಲ್ಲಿ ಸಮಂತಾ ಟಾಪ್ ಹೀರೋಯಿನ್ ಆಗಿ ಮಿಂಚಿದ್ದಾರೆ. ತಮ್ಮ ಅಭಿಮಾನಿಗಳಿಂದಲೇ ನಾನು ಈ ಮಟ್ಟಕ್ಕೆ ಬಂದಿದ್ದೇನೆ ಎಂದು ಸಮಂತಾ ಭಾವನಾತ್ಮಕ ಪೋಸ್ಟ್ ಹಾಕಿದ್ದಾರೆ.

ನನ್ನ ಈ ಜರ್ನಿಯಲ್ಲಿ ಅನೇಕ ವಿಷಯಗಳು ನೋವುಂಟುಮಾಡಿವೆ. ಇನ್ನು ಮುಂದೆ ನನಗೆ ಯಾವ ವಿಚಾರಕ್ಕೂ ನೋವಾಗುವುದಿಲ್ಲ. ನಾನು ಎಷ್ಟೇ ಬೆಳೆದರೂ, ಎಷ್ಟೇ ದೂರಕ್ಕೆ ಜರ್ನಿ ಸಾಗಿದರು ಅಭಿಮಾನಿಗಳು ತೋರಿಸಿದ ಪ್ರೀತಿಯನ್ನು ನಾನು ಮರೆಯುವುದಿಲ್ಲ. ಪ್ರತಿದಿನ ಹೊಸ ವಿಷಯಗಳನ್ನು ನನಗೆ ಪರಿಚಯಿಸಿದ್ದಕ್ಕಾಗಿ ಧನ್ಯವಾದಗಳು ಎಂದು ಸಮಂತಾ ಹೇಳಿದ್ದಾರೆ.

ಹಿಂದಿನ ಕಹಿ ನೆನಪುಗಳಿಂದ ಸಾಕಷ್ಟು ಕಲಿತಿದ್ದೇನೆ ಎಂದು ಸಮಂತಾ ಹೇಳಿದ್ದಾರೆ. ಆದರೆ ಸಮಂತಾ ಅವರಿಗೆ ತುಂಬಾ ನೋವುಂಟು ಮಾಡಿದ ವಿಚಾರ ಯಾವುದು ಎನ್ನುವ ವಿಷಯವನ್ನು ಮಾತ್ರ ಸ್ಪಷ್ಟವಾಗಿ ತಿಳಿಸಿಲ್ಲ.

ಅಕ್ಕಿನೇನಿ ನಾಗ ಚೈತನ್ಯ ಬಗ್ಗೆ ಪರೋಕ್ಷವಾಗಿ ಸಮಂತಾ ಈ ರೀತಿ ಪೋಸ್ಟ್ ಮಾಡಿದ್ದಾರಾ ಅನ್ನುವ ಪ್ರಶ್ನೆ ಎದ್ದಿದ್ದು ಸೋಶಿಯಲ್ ಮೀಡಿಯಾದಲ್ಲಿ ಹಾಟ್ ಟಾಪಿಕ್ ಆಗಿದೆ. ನಾಗಚೈತನ್ಯ ಜೊತೆಗೆ ವಿಚ್ಛೇದನದ ಬಳಿಕ ಸಮಂತಾ ಮಾಜಿ ಪತಿ ಬಗ್ಗೆ ಇದುವರೆಗೂ ಮಾತಾಡಿಲ್ಲ.

ಏ ಮಾಯಾ ಚೇಸಾವೆ ಸಿನಿಮಾ 13 ವರ್ಷ ಪೂರೈಸಿದ ಹಿನ್ನೆಲೆ ನಾಗ ಚೈತನ್ಯ ಕೂಡ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಫೋಟೋವನ್ನು ಹಂಚಿಕೊಂಡಿದ್ರು. ಚೈತು ಫೋಟೋದಲ್ಲಿ ಸಮಂತಾ ನೋಡಿದ ನೆಟ್ಟಿಗರು ಮಾಜಿ ಪತ್ನಿಯ ನೆನಪು ಕಾಡ್ತಿದೆ ಎಂದು ಕಮೆಂಟ್ ಮಾಡಿದ್ರು.

ಇದೀಗ ನಟಿ ಸಮಂತಾ ರುತ್ ಪ್ರಭು ಕೂಡ ಹಳೇ ನೆನಪುಗಳ ಬಗ್ಗೆ ಮಾತಾಡಿದ್ದು ನೋಡಿದ್ರೆ. ಇಬ್ಬರಿಗೂ ಏ ಮಾಯಾ ಚೇಸವೆ ಸಿನಿಮಾ ನೆನಪಾಗಿ, ಹಳೇ ಪ್ರೀತಿ, ಸಂಬಂಧ ಕಾಡಿದೆ ಎಂದು ಅಭಿಮಾನಿಗಳು ಹೇಳ್ತಿದ್ದಾರೆ.

2017 ರಲ್ಲಿ ವಿವಾಹವಾದ ನಾಗ ಚೈತನ್ಯ- ಸಮಂತಾ ಅಕ್ಟೋಬರ್ 2, 2021 ರಂದು ತಮ್ಮ ವಿಚ್ಛೇದನವನ್ನು ಅಧಿಕೃತವಾಗಿ ಘೋಷಿಸಿದ್ರು. ಅಂದಿನಿಂದ ಈ ಇಬ್ಬರಿಗೆ ಸಂಬಂಧಿಸಿದ ಹಲವು ವಿಷಯಗಳು ವೈರಲ್ ಆಗುತ್ತಿವೆ.