Samantha Ruth Prabhu: ಗಣಿತದಲ್ಲಿ ಸಮಂತಾ ಮಾರ್ಕ್ಸ್ ಎಷ್ಟು ಗೊತ್ತಾ?

ತೆಲುಗು ನಟಿ ಸಮಂತಾ ಅವರು ಬ್ರೈಟ್ & ಸ್ಮಾರ್ಟ್ ಎನ್ನುವುದರಲ್ಲಿ ಡೌಟೇ ಇಲ್ಲ. ನಿಮಗೆ ಗೊತ್ತಾ? ಸಿನಿಮಾ ಅಷ್ಟೇ ಅಲ್ಲ ಶಿಕ್ಷಣದಲ್ಲಿಯೂ ಸಮಂತಾ ಸೂಪರ್. ಅವರ ಪರ್ಫಾಮೆನ್ಸ್ ಶೀಟ್ ನೋಡಿದರೆ ಅವರು ಬ್ರೈಟ್ ಸ್ಟೂಡೆಂಟ್ ಎನ್ನುವುದು ಗೊತ್ತಾಗುತ್ತದೆ.

ನಟಿ ಸಮಂತಾ ರುತ್​ ಪ್ರಭು ಶೈಕ್ಷಣಿಕ ವಿಚಾರದಲ್ಲೂ ಅವರು ಬ್ರಿಲಿಯಂಟ್​ ವಿದ್ಯಾರ್ಥಿನಿ. ಸದ್ಯ ನಟಿಯ 10ನೇ ತರಗತಿಯ ಮಾರ್ಕ್ಸ್​ ಕಾರ್ಡ್​ ವೈರಲ್ ಆಗಿದೆ. ಆರಂಭದ ದಿನಗಳಿಂದಲೂ ಸಮಂತಾ ಅವರು ಬುದ್ಧಿವಂತ ವಿದ್ಯಾರ್ಥಿನಿಯಾಗಿದ್ದರು.

ಎಲ್ಲಾ ಸಬ್ಜೆಕ್ಟ್​ನಲ್ಲಿಯೂ ಸಮಂತಾ ಚೆನ್ನಾಗಿ ಅಂಕ ಗಳಿಸಿದ್ದಾರೆ. ಶಾಕುಂತಲಂ ನಟಿಯ ಮಾರ್ಕ್ಸ್ ಕಾರ್ಡ್ ನೋಡಿ ನೋಡಿ ಅಭಿಮಾನಿಗಳು ಹೆಮ್ಮೆಪಟ್ಟಿದ್ದಾರೆ. ನೀವು ಸುಂದರಿ ಮಾತ್ರವಲ್ಲ ತುಂಬಾ ಬುದ್ಧಿವಂತೆ ಕೂಡಾ ಹೌದು ಎಂದು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ.

ಸಮಂತಾ ಅವರು ಇಂಗ್ಲಿಷ್​ನಲ್ಲಿ 100ರಲ್ಲಿ 90 ಹಾಗೂ ಮ್ಯಾಥ್ಸ್​ನಲ್ಲಿ 100ರಲ್ಲಿ 100 ಮಾರ್ಕ್ಸ್ ಗಳಿಸಿ ಸೈ ಎನಿಸಿಕೊಂಡಿದ್ದರು. ನಟಿ 10ನೇ ತರಗತಿ ಪಾಸ್ ಮಾಡಿದ್ದು 2001-2002ರ ಸಂದರ್ಭದಲ್ಲಿ. ಈ ಚೆಲುವೆ ಓದಿದ್ದೆಲ್ಲಾ ಚೆನ್ನೈನಲ್ಲಿಯೇ.

ನಟಿ ಸಮಂತಾ ಅವರು ಸದ್ಯ ಟಾಲಿವುಡ್​ನಲ್ಲಿ ಹೆಚ್ಚು ಸಿನಿಮಾಗಳನ್ನು ಮಾಡುತ್ತಿದ್ದಾರೆ. ಮುಖ್ಯವಾಗಿ ತಮಿಳು ಹಾಗೂ ತೆಲುಗು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ ಸಮಂತಾ. ಆದರೆ ಈಗ ತೆಲುಗಿನಲ್ಲಿಯೇ ಯಶೋದಾ, ಶಾಕುಂತಲಂ ಸಿನಿಮಾಗಳನ್ನು ಮಾಡಿದ್ದಾರೆ.

ಸಮಂತಾ ಅವರು ಶಾಕುಂತಲಂನಲ್ಲಿ ಸಖತ್ ಸ್ಟೈಲಿಷ್ ಆಗಿದ್ದು ಅವರ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು. ಆದರೆ ಈ ಸಿನಿಮಾ ಹಿಟ್ ಆಗಲಿಲ್ಲ. ಯಶೋದಾ ಸಿನಿಮಾದಷ್ಟು ಕೂಡಾ ಉತ್ತಮ ಪ್ರತಿಕ್ರಿಯೆ ಪಡೆಯಲು ಸಾಧ್ಯವಾಗಲಿಲ್ಲ.

ಇತ್ತೀಚೆಗಷ್ಟೇ ಮೈಯೋಸಿಟಿಸ್ ಎಂಬ ಖಾಯಿಲೆಗೆ ತುತ್ತಾಗಿದ್ದ ಸಮಂತಾ ಕೆಲ ದಿನಗಳ ಕಾಲ ವಿಶ್ರಾಂತಿ ತೆಗೆದುಕೊಂಡಿದ್ದರು. ಇದೀಗ ಮತ್ತೆ ಸಿನಿಮಾ ಸೆಟ್ಗೆ ಬಂದು ಬ್ಯುಸಿಯಾಗಿದ್ದಾರೆ. ಅವರ ಕೈಯಲ್ಲಿರುವ ಎಲ್ಲಾ ಚಿತ್ರಗಳನ್ನು ಪೂರ್ಣಗೊಳಿಸಲು ಕೆಲಸ ಮಾಡುತ್ತಿದ್ದಾರೆ.

ವೈಯುಕ್ತಿಕ ಜೀವನದಲ್ಲಿ ಹಲವು ಏಳುಬೀಳುಗಳನ್ನು ಎದುರಿಸುತ್ತಿದ್ದರೂ ಸಮಂತಾ ಗಟ್ಟಿಯಾಗಿ ನಿಂತಿದ್ದಾರೆ. ಪಾಸಿಟಿವ್ ಆಗಿ ಯೋಚಿಸುತ್ತಾ ಮುನ್ನಡೆದಿದ್ದಾರೆ. ಸ್ಯಾಮ್ ತನ್ನ ವೈಯಕ್ತಿಕ ಜೀವನದಲ್ಲಿ ಎದುರಾಗುವ ಸಮಸ್ಯೆಗಳು ತನ್ನ ವೃತ್ತಿಜೀವನದ ಮೇಲೆ ಪರಿಣಾಮ ಬೀರದಂತೆ ನೋಡಿಕೊಳ್ಳುತ್ತಿದ್ದಾರೆ.

ರಾಜ್-ಡಿಕೆ ನಿರ್ದೇಶನದ ಸಿಡಾಟೆಲ್ ವೆಬ್ ಸರಣಿಯ ಶೂಟಿಂಗ್ ಸೆಟ್​ಗಳಲ್ಲಿ ಸಮಂತಾ ಬ್ಯುಸಿ ಆಗಿದ್ದಾರೆ. ವಿಜಯ್ ದೇವರಕೊಂಡ ಅವರೊಂದಿಗೆ ಖುಷಿ ಚಿತ್ರ ಮಾಡುತ್ತಿದ್ದಾರೆ. ಶಿವ ನಿರ್ವಾಣ ನಿರ್ದೇಶನದ ಈ ಸಿನಿಮಾದ ಮೇಲೆ ಸಮಂತಾ ಅಭಿಮಾನಿಗಳು ಸಾಕಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ.