South Actress: ತಿನ್ನೋಕೂ ದುಡ್ಡಿರಲಿಲ್ಲ! ಈ ಸೀರೆ ಉಟ್ಟ ಸಿಂಪಲ್ ಹುಡುಗಿ ಈಗ ಸೂಪರ್​ಸ್ಟಾರ್

ಈ ಫೋಟೋದಲ್ಲಿ ಸುಂದರವಾದ ಪಿಂಕ್ ಬಣ್ಣದ, ನೀಲಿ ಬಣ್ಣದ ಬಾರ್ಡರ್​ನ ಸೀರೆ ಉಟ್ಟ ಹುಡುಗಿ ಯಾರು ಗೊತ್ತಾ? ತುಂಬಾ ಸರಳವಾಗಿರುವ ಫೋಟೋ ಉಟ್ಟುಕೊಂಡು ಸುಂದರವಾಗಿ ಕಾಣಿಸಿದ ಈ ಚೆಲುವೆ ಈಗ ಸ್ಟಾರ್ ನಟಿ.

ಹೌದು. ಈ ಫೋಟೋದಲ್ಲಿ ಕಾಣುತ್ತಿರುವುದು ಇನ್ಯಾರೂ ಅಲ್ಲ ನಟಿ ಸಮಂತಾ ರುತ್ ಪ್ರಭು ಅವರು. ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಅತ್ಯಂತ ಬೇಡಿಕೆಯಲ್ಲಿರುವ ನಟಿ ಇವರು. ನಟಿಯ ಹಳೆಯ ಫೋಟೋ ಎಲ್ಲಾ ಕಡೆಗಳಲ್ಲಿ ವೈರಲ್ ಆಗಿದೆ.

ಸಮಂತಾ ರುತ್ ಪ್ರಭು ಅವರು ಈಗ ಸೂಪರ್​ಸ್ಟಾರ್ ಆಗಿದ್ದರೂ ಅವರ ಬಾಲ್ಯ ಹೂವಿನ ಹಾದಿಯಾಗಿರಲಿಲ್ಲ. ನಟಿ ತುಂಬಾ ಕಷ್ಟಗಳನ್ನು ಎದುರಿಸಿ ಮೇಲೆ ಬಂದರು. ಅವರ ಬಾಲ್ಯ ಸವಾಲುಗಳಿಂದ ತುಂಬಿತ್ತು.

ಆದರೆ ಅವರು ಕೇಳಿದ್ದು ಒಂದೇ ಮಾತು. ಅವರ ಪೋಷಕರು ಚೆನ್ನಾಗಿ ಓದು, ಆಗ ಮಾತ್ರ ದೊಡ್ಡದಾಗಿ ಏನಾದರೂ ಮಾಡಲು ಸಾಧ್ಯ ಎಂದು ಹೇಳುತ್ತಿದ್ದರು. ಇದನ್ನು ಮಾತ್ರ ನಟಿ ಗಂಭೀರವಾಗಿ ಪರಿಗಣಿಸಿದ್ದರು.

ತಮ್ಮ ಪೋಷಕರ ಸಲಹೆಯಂತೆ ನಟಿ ಶೈಕ್ಷಣಿಕವಾಗಿ ಒಮ್ಮೆಯೂ ಹಿಂದೆ ಬೀಳಿಲ್ಲ. ನಟಿ ಯಾವಾಗಲೂ ಕಲಿಯುವುದರಲ್ಲಿ ಮುಂದಿದ್ದರು. ಅದುವೇ ಅವರಿಗೆ ವರವೂ ಆಗಿತ್ತು. ಆದರೆ ಅವರ ಮನೆಯ ಸಂಪಾದನೆ ಮಾತ್ರ ಕಡಿಮೆ ಇತ್ತು.

ಸಮಂತಾ ರುತ್ ಪ್ರಭು ಆ ಸಂದರ್ಭದಲ್ಲಿ ಮನೆಗೆ ನೆರವಾಗಲು ಸೇಲ್ಸ್ ಗರ್ಲ್ ಆಗಿಯೂ ಕೆಲಸ ಮಾಡಿದ್ದರು. ಸಮಂತಾಗೆ ಮಾಡೆಲಿಂಗ್​ನಲ್ಲಿಯೂ ವಿಪರೀತ ಆಸಕ್ತಿ ಇತ್ತು. ಕಲಿಕೆಯ ಜೊತೆ ಜೊತೆಗೂ ನಟಿ ಮನೋರಂಜನಾ ಲೋಕಕ್ಕೆ ಕಾಲಿಟ್ಟು ತಮ್ಮ ಹೊಸ ಪ್ರಯಾಣ ಶುರು ಮಾಡಿದರು.

ಸಮಂತಾ ರುತ್ ಪ್ರಭು ಅವರು ಸದ್ಯ ವೆಬ್​ ಸಿರೀಸ್ ಸಿಟೆಡಾಲ್​ನಲ್ಲಿ ಕೆಲಸ ಮಾಡುತ್ತಿದ್ದಾರೆ. ಅವರ ಈ ಹಿಂದಿನ ಸಿನಿಮಾ ಯಶೋದಾ ಹಿಟ್ ಆದರೂ ಶಾಕುಂತಲಂ ಫ್ಲಾಪ್ ಆಯಿತು.