Samantha: ಡಿವೋರ್ಸ್ ಆದ್ರೂ ಸಮಂತಾ ಮೈಮೇಲಿದೆ ನಾಗ ಚೈತನ್ಯ ಟ್ಯಾಟೂ

ಟ್ಯೂಟೂ ಎಂದರೆ ಬಹಳಷ್ಟು ಜನರಿಗೆ ಕ್ರೇಜ್. ಸೆಲೆಬ್ರಿಟಿಗಳಿಗೂ ಟ್ಯಾಟೂ ಬಗ್ಗೆ ಪ್ರೀತಿ ಇದೆ. ಸಮಂತಾ ಹಾಗೂ ನಾಗ ಚೈತನ್ಯ ಅವರ ಲವ್​ಸ್ಟೋರಿ ಯಾರಿಗೆ ಗೊತ್ತಿಲ್ಲ ಹೇಳಿ? ಆದರೆ ಈ ಜೋಡಿ ಡಿವೋರ್ಸ್ ಆಗಿ ಬಹಳಷ್ಟು ಸಮಯ ಆದರೂ ಸಮಂತಾ ಮೈಮೇಲೆ ಇನ್ನೂ ನಾಗ ಚೈತನ್ಯ ಸಹಿಯ ಕುರುಹು ಬಾಕಿ ಇದೆ.

ಹೌದು ಸಮಂತಾ ಅವರು ನಾಗ ಚೈತನ್ಯ ಸಿಗ್ನೇಚರ್​ನ್ನು ಮೈಮೇಲೆ ಟ್ಯಾಟೂ ಮಾಡಿಕೊಂಡಿದ್ದರು. ಡಿವೋರ್ಸ್ ಆಗಿ ಇಷ್ಟು ಸಮಯವಾದರೂ ನಟಿ ಅದನ್ನು ಇನ್ನೂ ತೆಗೆದಿಲ್ಲ ಎನ್ನುವುದು ಎಲ್ಲರ ಅಚ್ಚರಿಗೆ ಕಾರಣ

ಸಮಂತಾ ದೇಹದ ಮೇಲೆ ವಿವಿಧ ಟ್ಯಾಟೂಗಳಿವೆ. ಇದರಲ್ಲಿ ಅವರ ಪತಿಯ ಸಹಿಯ ಟ್ಯಾಟೂ ಕೂಡ ಇದೆ. ವಿಚ್ಛೇದನ ಪಡೆದಿದ್ದರೂ ಸಮಂತಾ ಟ್ಯಾಟೂ ಮಾತ್ರ ಹಾಗೆಯೇ ಇಟ್ಟುಕೊಂಡಿದ್ದಾರೆ. ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಮೇಡಂ ಅದನ್ನು ತೆಗೆಸಿ ಎಂದು ನೆಟ್ಟಿಗರು ಒತ್ತಾಯಿಸುತ್ತಿದ್ದಾರೆ.

ಸುಮಾರು 10 ವರ್ಷಗಳ ಕಾಲ ಸಮಂತಾ ಮತ್ತು ನಾಗ ಚೈತನ್ಯ ಪ್ರೇಮಿಗಳಾಗಿದ್ದರು. ಆರಂಭದಲ್ಲಿ ಇವರಿಬ್ಬರೂ ಸ್ನೇಹಿತರಾಗಿದ್ದರು. ನಂತರ ಮದುವೆ ಆದರು. ಇವರ ಮದುವೆಗೆ ನಾಲ್ಕು ವರ್ಷ ತುಂಬುವುದರೊಳಗೆ ವಿಚ್ಛೇದಿತರಾದರು.

ಸಮಂತಾ ದೇಹದ ಮೇಲೆ ಮೂರು ಟ್ಯಾಟೂಗಳಿವೆ. ಅವರು ಬೆನ್ನಿನಲ್ಲಿ ವೈಎಂಸಿ ಎಂದು ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಇದರ ಅರ್ಥ ‘ಯೇ ಮಾಯಾ ಚೇಸಾವೆ’. ಈ ಸಿನಿಮಾ ರಾತ್ರೋರಾತ್ರಿ ಸಮಂತಾ ಅವರನ್ನು ಸ್ಟಾರ್​ ಆಗಿ ಮಾಡಿತು.

ಮತ್ತೊಂದು ಟ್ಯಾಟೂನಲ್ಲಿ ನಾಗ ಚೈತನ್ಯ ಅವರ ಸಹಿ ಇದೆ. ಇದು ಹೊಟ್ಟೆ ಬಳಿ ಇದೆ. ಸಾಕಷ್ಟು ಫೋಟೋಶೂಟ್​​ಗಳಲ್ಲಿ ಈ ಟ್ಯಾಟೂ ರಿವೀಲ್ ಆಗಿದೆ. ಈಗಲೂ ಈ ಟ್ಯಾಟೂ ಹಾಗೆಯೇ ಇದೆ.

ಪ್ರಿಯಾಂಕಾ ಚೋಪ್ರಾ ನಟನೆಯ ‘ಸಿಟಾಡೆಲ್​’ ಸೀರಿಸ್​ ಪ್ರೀಮೀಯರ್ ಶೋ ವೀಕ್ಷಣೆಗೆ ಅವರಿಗೆ ಆಹ್ವಾನ ಬಂದಿತ್ತು. ಹೀಗಾಗಿ ನಟಿ ಲಂಡನ್​ಗೆ ತೆರಳಿದ್ದರು. ಈ ವೇಳೆ ತೆಗೆಸಿದ ಫೋಟೋ ವೈರಲ್ ಆಗಿತ್ತು. ಇದರಲ್ಲಿಯೂ ನಾಗ ಚೈತನ್ಯ ಸಹಿ ಇರುವ ಟ್ಯಾಟು ಕಾಣಿಸಿತ್ತು.

ಸಮಂತಾ ಅವರ ಶಾಕುಂತಲಂ ಹಾಗೂ ಯಶೋದಾ ಸಿನಿಮಾ ನಿರೀಕ್ಷಿತ ಮಟ್ಟದಲ್ಲಿ ಸದ್ದು ಮಾಡಲಿಲ್ಲ. ಈ ಸಿನಿಮಾಗಳೆರಡೂ ಕೂಡಾ ದೊಡ್ಡ ಹಿಟ್ ಆಗುತ್ತವೆ ಎಂದು ನಿರೀಕ್ಷಿಸಲಾಗಿತ್ತು.