Samantha: ಡಿನ್ನರ್ ಡೇಟ್​ಗಾಗಿ ಶೂಟಿಂಗ್​​ನಿಂದ ಬ್ರೇಕ್ ತೆಗೆದುಕೊಂಡ ಸಮಂತಾ!

ಸೌತ್ ಸಿನಿಮಾ ನಟಿ ಸಮಂತಾ ರುತ್ ಪ್ರಭು ಅವರು ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳನ್ನು ಮಾಡುತ್ತಲೇ ಇದ್ದಾರೆ. ತಮ್ಮ ಮಾಜಿ ಪತಿ ನಾಗ ಚೈತನ್ಯ ಅವರಿಗಿಂತಲೂ ಆ್ಯಕ್ಟಿವ್ ಆಗಿ ಮೂವಿಗಳನ್ನು ಮಾಡುತ್ತಿದ್ದಾರೆ ಈ ಚೆಲುವೆ.

ಸಮಂತಾ ಅವರು ಹಲವಾರು ಪ್ರಾಜೆಕ್ಟ್​ಗಳನ್ನು ಒಪ್ಪಿಕೊಂಡು ಅವುಗಳ ಕೆಲಸಲ್ಲಿ ಬ್ಯುಸಿಯಾಗಿರುವಾಗ ಅದರ ಮಧ್ಯೆಯೂ ಬ್ರೇಕ್ ಮಾಡಿ ಡಿನ್ನರ್ ಡೇಟ್ ಹೋಗಿದ್ದಾರೆ. ಮಯೋಸಿಟಿಸ್, ಟ್ರೀಟ್ಮೆಂಟ್ ಎಂದು ಬ್ಯುಸಿಯಾಗಿರುವ ನಟಿ ಅಪರೂಪಕ್ಕೆ ಹೊರಗಡೆ ಬಂದು ಖುಷಿ ಖುಷಿಯಾಗಿ ಡಿನ್ನರ್ ಎಂಜಾಯ್ ಮಾಡಿದ್ದು ಫೋಟೋ ಕೂಡಾ ಶೇರ್ ಮಾಡಿದ್ದಾರೆ.

ನಟಿ ತಮ್ಮ ತಾಯಿಯೊಂದಿಗೆ ಊಟಕ್ಕೆ ಬಂದಿದ್ದಾರೆ. ತಾಯಿಯೊಂದಿಗೆ ಹೊರಗಡೆ ಊಟಕ್ಕೆ ಬಂದಿದ್ದು ಅದರ ಫೋಟೋವನ್ನು ಕೂಡಾ ನಟಿ ಶೇರ್ ಮಾಡಿದ್ದಾರೆ. ಫೋಟೋದಲ್ಲಿ ನಟಿ ಐಸ್​ಕ್ರೀಂ ತಿನ್ನುತ್ತಿರುವುದನ್ನು ಕಾಣಬಹುದು.

ಸಮಂತಾ ಅವರು ಸಿಟೆಡಾಲ್ ವೆಬ್ ಸಿರೀಸ್​ ಮೂಲಕ ಪ್ರೇಕ್ಷಕರ ಮುಂದೆ ಬರಲು ರೆಡಿಯಾಗಿದ್ದಾರೆ. ಬಾಲಿವುಡ್ ನಟ ವರುಣ್ ಧವನ್ ಜೊತೆ ಸ್ಕ್ರೀನ್ ಶೇರ್ ಮಾಡಲಿದ್ದಾರೆ ಈ ನಟಿ.

ಇದಕ್ಕೂ ಮುನ್ನ ಸಮಂತಾ ಅವರು ಯಶೋದಾ, ಶಾಕುಂತಲಂ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಯಶೋದಾ ಸಿನಿಮಾ ತಕ್ಕಮಟ್ಟಿಗೆ ಹಿಟ್ ಆಗಿದೆ. ಆದರೆ ಶಾಕುಂತಲಂ ಸಿನಿಮಾ ಫ್ಲಾಪ್ ಆಯಿತು.

ಸಮಂತಾ ಪುಷ್ಪ ಸಿನಿಮಾದಲ್ಲಿ ಊ ಅಂಟಾವಾ ಸಾಂಗ್​​ಗೆ ಡ್ಯಾನ್ಸ್ ಮಾಡಿ ಸೈ ಎನಿಸಿಕೊಂಡಿದ್ದರು. ಅವರ ಡ್ಯಾನ್ಸ್ ವಿಡಿಯೋ ವೈರಲ್ ಆಗಿತ್ತು. ಅತ್ಯಧಿಕ ವೀಕ್ಷಣೆ ಪಡೆದ ಹಾಡಿನ ಮೂಲಕ ಸಮಂತಾ ಕ್ರೇಜ್ ಹೆಚ್ಚಾಗಿದೆ.

ಆದರೆ ಪುಷ್ಪ 2 ಸಿನಿಮಾದಲ್ಲಿ ಸಮಂತಾ ನಟಿಸುತ್ತಿಲ್ಲ. ಹಾಲಿವುಡ್​ನಲ್ಲಿ ಪ್ರಿಯಾಂಕಾ ಚೋಪ್ರಾ ಅವರು ಸಿಟೆಡಾಲ್ ಸರಣಿಯಲ್ಲಿ ನಟಿಸಿದ್ದರೆ ಇಂಡಿಯನ್ ವರ್ಷನ್ ಪ್ರಾಜೆಕ್ಟ್​ನಲ್ಲಿ ತೆಲುಗು ನಟಿ ಹಾಗೂ ಬಾಲಿವುಡ್ ನಟ ಜೋಡಿಯಾಗಿ ಮಿಂಚಲಿದ್ದಾರೆ.