Samantha: ಹೈದ್ರಾಬಾದ್​ನಿಂದ ಮುಂಬೈಗೆ ಸಮಂತಾ ಶಿಫ್ಟ್! ಸ್ಯಾಮ್ ಖರೀದಿಸಿದ ದುಬಾರಿ ಫ್ಲಾಟ್ ಬೆಲೆ ಎಷ್ಟು?

ನಟಿ ಸಮಂತಾ ರುತ್ ಪ್ರಭು ಹೈದ್ರಾಬಾದ್ ಬಿಟ್ಟು ಮುಂಬೈನಲ್ಲಿ ನೆಲೆಸಿದ್ದಾರಂತೆ. ಸಮಂತಾ ರುತ್ ಪ್ರಭು 3 ಬೆಡ್ ರೂಂ ಇರುವ ಹೊಸ ಮನೆ ಖರೀದಿಸಿದ್ದಾರೆ ಎಂದು ವರದಿ ಆಗಿದೆ.

ಹೈದ್ರಾಬಾದ್ನಿಂದ ಸಮಂತಾ ಮುಂಬೈ ಅಪಾರ್ಟ್​ಮೆಂಟ್​ಗೆ ಶಿಫ್ಟ್ ಆಗಿದ್ದಾರಂತೆ. ದುಬಾರಿ ಮನೆ ಕೋಟಿ ಕೋಟಿ ಬೆಲೆಬಾಳಲಿದೆ.

ಮುಂಬೈನಲ್ಲಿ ಸಮಂತಾ ತೆಗೆದುಕೊಂಡ ಮನೆ ದುಬಾರಿಯಾಗಿದೆ. ಇದಕ್ಕಾಗಿ ಅವರು 15 ಕೋಟಿ ರೂಪಾಯಿ ನೀಡಿದ್ದಾರೆ ಎನ್ನಲಾಗಿದೆ.

ಇತ್ತೀಚೆಗೆ ಸಮಂತಾ ಅವರು ಸನ್​ ಸೆಟ್​ ಫೋಟೋ ಹಂಚಿಕೊಂಡಿದ್ದರು. ಅದು ಅವರ ಹೊಸ ಮನೆಯ ಬಾಲ್ಕನಿಯಲ್ಲಿ ತೆಗೆದ ಫೋಟೋ ಎಂದು ಹೇಳಲಾಗುತ್ತಿದೆ.

ನವೆಂಬರ್ 11, 2022ರಂದು ಯಶೋದ ಸಿನಿಮಾ ರಿಲೀಸ್ ಆಗಿ ಸೂಪರ್ ಹಿಟ್ ಆಯ್ತು. ಚಿತ್ರವು ಪ್ರಸ್ತುತ ಅಮೆಜಾನ್ ಪ್ರೈಮ್​ನಲ್ಲಿ ಸ್ಟ್ರೀಮ್ ಆಗುತ್ತಿದೆ. ಸಾಲು ಸಾಲು ಸಿನಿಮಾಗಳಲ್ಲಿ ಸಮಂತಾ ಬ್ಯುಸಿ ಆಗಿದ್ದಾರೆ.

ಸಮಂತಾ 2ನೇ ಹಿಂದಿ ಪ್ರಾಜೆಕ್ಟ್​ನ ಶೂಟಿಂಗ್​ನಲ್ಲಿ ಬ್ಯುಸಿ ಆಗಿದ್ದಾರೆ. ವರುಣ್ ಧವನ್ ಅವರೊಂದಿಗೆ ಬಹುನಿರೀಕ್ಷಿತ ಸಿಟಾಡೆಲ್ ಸೀರಿಸ್ ನಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಪ್ರಾಜೆಕ್ಟ್ ಗಾಗಿಯೇ ಸಮಂತಾ ಮುಂಬೈಗೆ ಶಿಫ್ಟ್ ಆಗಿದ್ದಾರೆ ಎನ್ನಲಾಗ್ತಿದೆ.

ಸಮಂತಾ ಅಭಿನಯದ ಬಹುನಿರೀಕ್ಷಿತ ಸಿನಿಮಾ ಶಾಕುಂತಲಂ ಸಿನಿಮಾ ಕೂಡ ರಿಲೀಸ್​ಗೆ ರೆಡಿಯಾಗಿದೆ. ಸಿನಿಮಾದಲ್ಲಿ ಪ್ರಚಾರದಲ್ಲಿ ಸ್ಯಾಮ್ ಬ್ಯುಸಿ ಆಗಿದ್ದಾರೆ.