Samantha Nagachaitanya Divorce: ಹೈದರಾಬಾದಿನಲ್ಲಿ ಶೂಟಿಂಗ್ ನಡುವೆ ಕಣ್ಣೀರಿಟ್ಟ ನಟಿ ಸಮಂತಾ..!

ಏ ಮಾಯ ಚೆಶಾವೆ ಸಿನಿಮಾದ ಮೂಲಕ ಸಮಂತಾ ಹಾಗೂ ನಾಗ ಚೈತನ್ಯ ಪರಿಚಯವಾಗಿತ್ತು. ಈ ಪರಿಚಯ ಪ್ರೀತಿಯಾಗಿ ಬದಲಾಗಿ ನಂತರದಲ್ಲಿ ಅವರು ವಿವಾಹವಾಗುವ ಮೂಲಕ ಸಾಕಷ್ಟು ಮಂದಿಗೆ ಶಾಕ್​ ಕೊಟ್ಟಿದ್ದರು. ತಮಿಳು ಹುಡುಗಿ ತೆಲುಗು ಕುಟುಂಬದ ಸೊಸೆಯಾಗಿ ನಿನ್ನೆಗೆ 4 ವರ್ಷ. ಆದರೆ, ಅದಾಗಲೇ ಈ ಜೋಡಿ ಬೇರೆಯಾಗಿದ್ದಾರೆ.

ಅಕ್ಟೋಬರ್ 2ರಂದು  ನಾಗಚೈತನ್ಯ ಹಾಗೂ ಸಮಂತಾ ತಮ್ಮ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿರುವ ಖಾತೆಗಳ ಮೂಲಕ ತಮ್ಮ ವಿಚ್ಛೇದನದ ವಿಷಯವನ್ನು ಬಹಿರಂಗಪಡಿಸಿದ್ದರು. ಆಗ ನಿಜಕ್ಕೂ ಈ ಜೋಡಿಯ ಅಭಿಮಾನಿಗಳ ಮನಸ್ಸು ಮುರಿದುಬಿತ್ತು.

ಪ್ರೀತಿಸಿ ವಿವಾಹವಾಗಿ ಜೀವನ ಹಂಚಿಕೊಂಡಿದ್ದ ನಾವು ಈಗ ದೂರಾಗಿದ್ದೇವೆ. ಆದರೆ ನಮ್ಮ ನಡುವೆ ಆ ಸ್ನೇಹ ಬಂಧ ಮಾತ್ರ ಕೊನೆವರೆಗೂ ಇರುತ್ತದೆ. ಆದರೆ, ನಾವು ನಮ್ಮದೇ ಆದ ದಾರಿಗಳನ್ನು ಆಯ್ಕೆ ಮಾಡಿಕೊಂಡಿದ್ದು, ಅದರಲ್ಲೇ ಹೋಗಲು ನಿರ್ಧರಿಸಿದ್ದಾಗಿ ತಿಳಿಸಿದ್ದರು. ಇಂತಹ ಕಷ್ಟದ ಸಮಯದಲ್ಲಿ ಅಭಿಮಾನಿಗಳು ನಮ್ಮ ಖಾಸಗಿತನವನ್ನು ಗೌರವಿ ಎಂದು ಮನವಿ ಮಾಡಿದ್ದರು.

ಇದಾದ ಬೆನ್ನಲ್ಲೇ ಸಮಂತಾ ಮೊದಲ ಸಲ ಜಾಹೀರಾತೊಂದರ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದರು. ಹೈದರಾಬಾದಿನ ಮುಕರಂಜಾ ಜೂನಿಯರ್ ಕಾಲೇಜಿನಲ್ಲಿ ನಡೆಯುತ್ತಿರುವ ಜಾಹೀರಾತಿನ ಚಿತ್ರೀಕರಣ ನಡೆಯುತ್ತಿದೆ.

ಶೂಟಿಂಗ್ ವೇಳೆ ಗ್ಯಾಪ್​ನಲ್ಲಿ ಸಮಂತಾ ಇದ್ದಕ್ಕಿದ್ದಂತೆ ಕಣ್ಣೀರಿಟ್ಟಿದ್ದಾರಂತೆ. ಅವರ ಕಣ್ಣೀರಿಗೆ ಕಾರಣ ಅವರ ವಿಚ್ಛೇದನದ ವಿಷಯ ಎಂದು ಹೇಳಲಾಗುತ್ತಿದೆ. ಅಲ್ಲದೆ ವಿಚ್ಛೇದನದ ವಿಷಯ ಬಹಿರಂಗವಾಗಿ ಹೇಳಿದ ನಂತರ ಅವರ ಮನಸ್ಸಿನಲ್ಲಿರುವ ನೋವು ಕಣ್ಣೀರಿನ ರೂಪದಲ್ಲಿ ಹೊರ ಬಂದಿದೆ ಎನ್ನಲಾಗುತ್ತಿದೆ.

ಶೂಟಿಂಗ್ ಸೆಟ್​ನಲ್ಲಿ ಸಮಂತಾ ಕಣ್ಣೀರಿಟ್ಟ ವಿಷಯವನ್ನು ಅಲ್ಲಿ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದ ಯೂನಿಟ್​ನ ಸದಸ್ಯರೇ ಹೇಳಿಕೊಂಡಿದ್ದಾರಂತೆ. ಸಮಂತಾ ಅವರ ಕೈಯಲ್ಲಿ ಸದ್ಯ ತೆಲುಗು ಹಾಗೂ ತಮಿಳು ಸಿನಿಮಾಗಳಿವೆ.