Bollywood Bachelors: ಇನ್ನೂ ಮದ್ವೆಯಾಗದೇ ಉಳಿದ ಬಾಲಿವುಡ್ ಬ್ಯಾಚುಲರ್ಸ್ ಇವರು!

ನಾವು ಮದುವೆಯ ಬಗ್ಗೆ ಮಾತನಾಡುತ್ತಿದ್ದರೆ, ಅದರಲ್ಲೂ ಕೂಡ ಬಾಲಿವುಡ್ ಸ್ಟಾರ್‌ಗಳ ಬಗ್ಗೆ ಮಾತನಾಡುತ್ತಿದ್ದರೆ, ಮೊದಲು ನೆನಪಾಗುವ ಹೆಸರು ಬಾಲಿವುಡ್‌ನ 'ದಬಾಂಗ್' ಸಲ್ಮಾನ್ ಖಾನ್. ಈ ಸೂಪರ್‌ಸ್ಟಾರ್‌ಗೆ ಮದುವೆ ಯಾವಾಗ ಎಂದು ಎಲ್ಲೆಡೆ ಅಭಿಮಾನಿಗಳು ಕೇಳುತ್ತಲೇ ಇದ್ದಾರೆ!

ಸಲ್ಲು ಯಾವಾಗಲೂ ತಮ್ಮ ಮದುವೆಗೆ ಸಂಬಂಧಿಸಿದ ಪ್ರತಿಯೊಂದು ಪ್ರಶ್ನೆಯನ್ನು ನಿರ್ಲಕ್ಷಿಸುತ್ತಾರೆ. ಆದರೆ ಅನೇಕ ನಟಿಯರೊಂದಿಗಿನ ತನ್ನ ಪ್ರೀತಿ ಪ್ರೇಮದ ಅಫೇರ್‌ನಿಂದಾಗಿ ಸಲ್ಮಾನ್ ಯಾವಾಗಲೂ ಸುದ್ದಿಯಲ್ಲೇ ಇರುತ್ತಾರೆ.

ನಟಿ ಪೂಜಾ ಹೆಗ್ಡೆ ಅವರೊಂದಿಗೆ ಸಲ್ಮಾನ್ ಖಾನ್ ಹೆಸರು ಥಳುಕು ಹಾಕಿಕೊಂಡಿದೆ. ಅವರಿಗಿಂತ 24 ವರ್ಷ ಚಿಕ್ಕವರಾಗಿದ್ದಾರೆ, ಆದಾಗ್ಯೂ ಸಲ್ಮಾನ್ ಜೀವನದಲ್ಲಿ ಇಂತಹ ವದಂತಿಗಳು ಸಾಮಾನ್ಯವಾಗಿದೆ, ಏಕೆಂದರೆ ಈ ಮೊದಲು ಸಲ್ಮಾನ್ ಹೆಸರು ಅನೇಕ ನಟಿಯರೊಂದಿಗೆ ಸೇರಿಕೊಂಡಿದೆ. ಈಗ ವಿಷಯ ಏನೆಂದರೆ ಇದೇ ಡಿಸೆಂಬರ್ 27ಕ್ಕೆ ಸಲ್ಮಾನ್ ಗೆ 57 ವರ್ಷ!

ಬಾಲಿವುಡ್ ನಟ ಅಕ್ಷಯ್ ಖನ್ನಾ ಅವರಿಗೆ 47 ವರ್ಷ ಮತ್ತು ಅವರು ಇನ್ನೂ ಬ್ಯಾಚುಲರ್. ಅವರು ತಮ್ಮ ವೃತ್ತಿಜೀವನದಲ್ಲಿ ಅನೇಕ ಹಿಟ್ ಚಿತ್ರಗಳಲ್ಲಿ ಕೆಲಸ ಮಾಡಿದ್ದಾರೆ ಮತ್ತು ಇನ್ನೂ ಬಾಲಿವುಡ್‌ನಲ್ಲಿ ಸಕ್ರಿಯರಾಗಿದ್ದಾರೆ, ಆದರೆ ಮದುವೆಯ ವಿಷಯಕ್ಕೆ ಬಂದಾಗ ಇವರು ಮೌನ ತಾಳುತ್ತಾರೆ!

ನಟ ರಣದೀಪ್ ಹೂಡಾ ಅವರಿಗೆ 46 ವರ್ಷ ವಯಸ್ಸಾಗಿದೆ! ಅವರು ಬಾಲಿವುಡ್‌ನಲ್ಲಿ ವಿಭಿನ್ನ ಐಡೆಂಟಿಟಿ ಮಾಡಿದ್ದಾರೆ. ಅವರು ಸ್ವಲ್ಪ ಸೀರಿಯಸ್ ಟೈಪ್ ನಟರಾಗಿದ್ದು, ಅದೇ ರೀತಿಯಲ್ಲಿ ಚಿತ್ರಗಳನ್ನು ಆಯ್ಕೆ ಮಾಡುತ್ತಾರೆ.

ಆದಾಗ್ಯೂ, ರಣದೀಪ್ ಹೂಡಾ ಅವರ ಪ್ರೇಮ ಪ್ರಕರಣಗಳ ಬಗ್ಗೆ ಸಾಕಷ್ಟು ವದಂತಿಗಳು ಹರಡಿದ್ದವು. ನೀತು ಚಂದ್ರ ಮತ್ತು ಸುಶ್ಮಿತಾ ಸೇನ್ ಅವರಂತಹ ನಟಿಯರೊಂದಿಗೆ ಅವರ ಹೆಸರುಗಳು ಕೇಳಿ ಬಂದಿದ್ದವು.

ಖ್ಯಾತ ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ ಅವರಿಗೂ 50 ವರ್ಷ ವಯಸ್ಸಾಗಿದೆ ಮತ್ತು ಅವರೂ ಮದುವೆಯಾಗಿಲ್ಲ, ಸದ್ಯ ಅವರು ಸಿಂಗಲ್ ಡ್ಯಾಡ್ ಆಗಿದ್ದಾರೆ. ಬಾಡಿಗೆ ತಾಯ್ತನದ ಮೂಲಕ ಅವರಿಗೆ ಮಗ 'ಯಶ್ ಜೋಹರ್' ಮತ್ತು ಮಗಳು 'ರೂಹಿ ಜೋಹರ್' ಇದ್ದಾರೆ. ಮಾಧ್ಯಮಗಳ ವರದಿಗಳ ಪ್ರಕಾರ, ಮದುವೆಯಾಗದೇ ಇರುವ ಕಾರಣ ತುಂಬಾ ವಿಶೇಷವಾಗಿದೆ.

ಮದುವೆಯು ತನ್ನ ಹಣೆಬರಹದಲ್ಲಾಗಲೀ ಅಥವಾ ತನ್ನ ಆಲೋಚನೆಯಲ್ಲಾಗಲೀ ಇಲ್ಲದಿರುವುದರಿಂದ ತಾನು ತುಂಬಾ ಅದೃಷ್ಟಶಾಲಿ ಎಂದು ಪರಿಗಣಿಸುತ್ತೇನೆ ಎಂದು ಕರಣ್ ಹೇಳುತ್ತಾರೆ. ಅವರು ತಮ್ಮ ಕಂಪನಿಯೊಂದಿಗೆ ಸಂಬಂಧ ಹೊಂದಿದ್ದಾರೆ ಮತ್ತು ಅವರ ಪ್ರತಿಯೊಂದು ಚಿತ್ರವು ಅವರ ಮಗು ಎಂದು ಅವರು ನಂಬುತ್ತಾರೆ. ನೀನು ಮದುವೆಯಾಗಬೇಡ, ಸುಖವಾಗಿರು ಎಂದು ಆಶೀರ್ವಾದ ಪಡೆದಿದ್ದೇನೆ ಎಂದೂ ಹೇಳುತ್ತಾರೆ.

ಚಲನಚಿತ್ರ ನಿರ್ದೇಶಕ ಸಾಜಿದ್ ಖಾನ್ ಇತ್ತೀಚಿನ ದಿನಗಳಲ್ಲಿ ಬಹಳಷ್ಟು ಸುದ್ದಿಯಲ್ಲಿದ್ದಾರೆ. ಸಾಜಿದ್ ಟಿವಿಯ ಪ್ರಸಿದ್ಧ ರಿಯಾಲಿಟಿ ಶೋ 'ಬಿಗ್ ಬಾಸ್ 16' ನ ಭಾಗವಾಗಿದ್ದಾರೆ, ಅಲ್ಲಿ ಅವರು ಸಾಕಷ್ಟು ಸದ್ದು ಮಾಡುತ್ತಿದ್ದಾರೆ, ಆದರೆ ಈ 52 ವರ್ಷದ ನಿರ್ದೇಶಕರು ಸಹ ಇನ್ನೂ ಮದುವೆಯಾಗಿಲ್ಲ.

ಸಾಜಿಕ್ ಗೆ ಮದುವೆ ಬೇಡವೆಂದಲ್ಲ, ನಿಶ್ಚಿತಾರ್ಥ ಕೂಡ ಆಗಿತ್ತು, ಆದರೆ ಅದು ಮುರಿದುಬಿತ್ತು. ಮಾಧ್ಯಮ ವರದಿಗಳ ಪ್ರಕಾರ, ಸಾಜಿದ್ ಅವರ ಹೆಸರು ಅನೇಕ ನಟಿಯರೊಂದಿಗೆ ಕೇಳಿ ಬಂದಿತ್ತು. ಆದರೆ ಸದ್ಯ ಅವರೂ ಬ್ಯಾಚುಲರೇ!