Tiger 3: ಶೂಟಿಂಗ್ ವೇಳೆ ಸಲ್ಮಾನ್ ಖಾನ್​ಗೆ ಗಾಯ! ಹೇಗಿದ್ದಾರೆ ನಟ?

ಕಿಸಿ ಕಾ ಭಾಯ್ ಕಿಸಿ ಕಿ ಜಾನ್ ಸಿನಿಮಾ ರಿಲೀಸ್ ನಂತರ ಸಲ್ಮಾನ್ ಖಾನ್ ಅವರು ಟೈಗರ್ 3 ಮೂಲಕ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ. ಸಿನಿಮಾ ಈ ವರ್ಷ ಕೊನೆಗೆ ರಿಲೀಸ್ ಆಗುವ ಸಾಧ್ಯತೆ ಇದ್ದು ಶೂಟಿಂಗ್ ಭರದಿಂದ ಸಾಗಿದೆ. ಈ ನಡುವೆ ನಟನಿಗೆ ಶೂಟಿಂಗ್ ವೇಳೆಯೇ ಗಾಯವಾಗಿದೆ.

ನಟ ಟ್ವಿಟರ್​ನಲ್ಲಿ ಶೂಟಿಂಗ್ ಅಪ್ಡೇಟ್ ಕೊಟ್ಟಿದ್ದು, ನನಗೆ ಭುಜ ಮೇಲೆ ಸ್ವಲ್ಪ ಗಾಯವಾಗಿದೆ. ಟೈಗರ್ ಸಿನಿಮಾ ಶೂಟಿಂಗ್​​ನಲ್ಲಿರುವ ನಟ ಟೈಗರ್ ಝಮ್ಕಿ ಹೇ (ಟೈಗರ್​​ಗೆ ಗಾಯವಾಗಿದೆ) ಎಂದು ಬರೆದಿದ್ದಾರೆ. ನಟನ ಅಭಿಮಾನಿಗಳು ಅವರು ಶೀಘ್ರ ಗುಣಮುಖರಾಗಲಿ ಎಂದು ಹಾರೈಸಿದ್ದಾರೆ.

ಗುರುವಾರ ನಟ ಈ ಕುರಿತು ಅಪ್ಡೇಟ್ ಕೊಟ್ಟಿದ್ದಾರೆ. ನೀವು ಭುಜದ ಮೇಲೆ ಜಗತ್ತಿನ ಭಾರ ಹೊತ್ತುಕೊಂಡಿದ್ದೀರಿ ಎಂದುಕೊಂಡರೆ ದುನಿಯಾ ಮರೆತುಬಿಡಿ, 5 ಕಿಲೋ ಡಂಬೆಲ್ ಎತ್ತಿ ಎಂದು ನಟ ಟ್ವೀಟ್ ಮಾಡಿದ್ದಾರೆ. ನಟ ಗತಮ್ಮ ಶರ್ಟ್​ಲೆಸ್ ಫೋಟೋ ಕೂಡಾ ಶೇರ್ ಮಾಡಿದ್ದಾರೆ.

ಅವರ ಅಭಿಮಾನಿಗಳೆಲ್ಲ ಕಮೆಂಟ್ ಮಾಡಿ ಲವ್ ಯೂ ಬಾಯ್, ಹುಷಾರಾಗಿರಿ ಎಂದು ಹೇಳಿದ್ದಾರೆ. ಇನ್ನೊಬ್ಬರು ಕಮೆಂಟ್ ಮಾಡಿ ಪಠಾಣ್ ಸೀನ್ ಪೋಸ್ಟ್ ಮಾಡಿ ಪೈನ್​ಕಿಲ್ಲರ್ ಕೆಲಸ ಮಾಡುತ್ತದೆ ಎಂದು ಹೇಳಿದ್ದಾರೆ.

ಬಾಲಿವುಡ್ ಖ್ಯಾತ ನಟ ಸಲ್ಮಾನ್ ಖಾನ್ ತಂಗಿ ಅರ್ಪಿತಾ ಖಾನ್ ಮನೆಯಲ್ಲಿ ಕಳ್ಳತನ ನಡೆದಿದೆ. ಬಾಲಿವುಡ್ ಸ್ಟಾರ್ ನಟನ ಸಹೋದರಿಯ ಮನೆಗೇ ಕಳ್ಳ ನುಗ್ಗಿರುವುದು ಸ್ವಲ್ಪಮಟ್ಟಿಗೆ ಆತಂಕ ಸೃಷ್ಟಿಸಿದೆ.

ಸೋಮವಾರದಂದು ಘಟನೆ ನಡೆದಿದ್ದು, ಮಂಗಳವಾರ ಕಳ್ಳ ಸಿಕ್ಕಿಬಿದ್ದಿದ್ದಾನೆ. ಥಾಣೆ ಜಿಲ್ಲೆಯಲ್ಲಿ ಕಳ್ಳನನ್ನು ಅರೆಸ್ಟ್ ಮಾಡಲಾಗಿದೆ. ಅರ್ಪಿತಾ ಅವರ ಲಕ್ಷುರಿ ಇಯರಿಂಗ್ಸ್ ಕದಿಯಲಾಗಿತ್ತು.

ಸಂದೀಪ್ ಹೆಗ್ಡೆ 5 ಲಕ್ಷ ಬೆಲೆ ಬಾಳುವ ಡೈಮಂಡ್ ಸ್ಟಡ್ ಗೋಲ್ಡ್ ಇಯರಿಂಗ್ಸ್​​ನ್ನು ಅರ್ಪಿತಾ ಅವರ ಮನೆಯಿಂದ ಕದ್ದಿದ್ದಾನೆ. ಅರ್ಪಿತಾ ಅವರು ಪೊಲೀಸ್ ಠಾಣೆಗೆ ಬಂದು ಕೇಸ್ ದಾಖಲಿಸಿದ್ದಾರೆ ಎಂದು ಮುಂಬೈನ ಖಾರ್ ಪೊಲೀಸ್​ ಸ್ಟೇಷನ್​ನ ಅಧಿಕಾರಿ ತಿಳಿಸಿದ್ದಾರೆ.