Arpita Khan: ಸಲ್ಮಾನ್ ಖಾನ್ ತಂಗಿಯ ಮನೆಯಿಂದ ಭಾರೀ ಮೌಲ್ಯದ ವಸ್ತು ಕಳ್ಳತನ!

ಬಾಲಿವುಡ್ ಖ್ಯಾತ ನಟ ಸಲ್ಮಾನ್ ಖಾನ್ ತಂಗಿ ಅರ್ಪಿತಾ ಖಾನ್ ಮನೆಯಲ್ಲಿ ಕಳ್ಳತನ ನಡೆದಿದೆ. ಬಾಲಿವುಡ್ ಸ್ಟಾರ್ ನಟನ ಸಹೋದರಿಯ ಮನೆಗೇ ಕಳ್ಳ ನುಗ್ಗಿರುವುದು ಸ್ವಲ್ಪಮಟ್ಟಿಗೆ ಆತಂಕ ಸೃಷ್ಟಿಸಿದೆ.

ಮುಂಬೈನ ಮನೆಯಿಂದ ಅರ್ಪಿತಾ ಖಾನ್ ಅವರ 5 ಲಕ್ಷ ಬೆಲೆ ಬಾಳುವ ವಜ್ರದ ಕಿವಿಯೋಲೆಗಳನ್ನು ಕದಿಯಲಾಗಿದೆ. ಅರ್ಪಿತಾ ಅವರು ಈ ಸಂಬಂಧ ದೂರು ಕೊಟ್ಟಿದ್ದರು. ಪೊಲೀಸರು ಅರ್ಪಿತಾ ಮನೆಯ ಕೆಲಸದವನನ್ನು ಬಂಧಿಸಿದ್ದಾರೆ.

ಸೋಮವಾರದಂದು ಘಟನೆ ನಡೆದಿದ್ದು, ಮಂಗಳವಾರ ಕಳ್ಳ ಸಿಕ್ಕಿಬಿದ್ದಿದ್ದಾನೆ. ಥಾಣೆ ಜಿಲ್ಲೆಯಲ್ಲಿ ಕಳ್ಳನನ್ನು ಅರೆಸ್ಟ್ ಮಾಡಲಾಗಿದೆ. ಅರ್ಪಿತಾ ಅವರ ಲಕ್ಷುರಿ ಇಯರಿಂಗ್ಸ್ ಕದಿಯಲಾಗಿತ್ತು.

ಸಂದೀಪ್ ಹೆಗ್ಡೆ 5 ಲಕ್ಷ ಬೆಲೆ ಬಾಳುವ ಡೈಮಂಡ್ ಸ್ಟಡ್ ಗೋಲ್ಡ್ ಇಯರಿಂಗ್ಸ್​​ನ್ನು ಅರ್ಪಿತಾ ಅವರ ಮನೆಯಿಂದ ಕದ್ದಿದ್ದಾನೆ. ಅರ್ಪಿತಾ ಅವರು ಪೊಲೀಸ್ ಠಾಣೆಗೆ ಬಂದು ಕೇಸ್ ದಾಖಲಿಸಿದ್ದಾರೆ ಎಂದು ಮುಂಬೈನ ಖಾರ್ ಪೊಲೀಸ್​ ಸ್ಟೇಷನ್​ನ ಅಧಿಕಾರಿ ತಿಳಿಸಿದ್ದಾರೆ.

ಸಿಸಿಟಿವಿ ಚೆಕ್ ಮಾಡಿ ಪೊಲೀಸರು ಘಟನೆಯನ್ನು ಫಾಲೋಅಪ್ ಮಾಡಿದ್ದಾರೆ. ಟೆಕ್ನಿಕಲ್ ಸಪೋರ್ಟ್ ಮೂಲಕ ಪೊಲೀಸರು ಕಳ್ಳನನ್ನು ಹಿಡಿದಿದ್ದಾರೆ. ಐಪಿಸಿ ಸೆಕ್ಷನ್ 381ರ ಅಡಿಯಲ್ಲಿ ಸಂದೀಪ್ ವಿರುದ್ಧ ಕೇಸ್ ದಾಖಲಾಗಿದೆ.

ಸಲ್ಮಾನ್ ಖಾನ್​ಗೂ ಜೀವ ಬೆದರಿಕೆ ಇರುವ ನಿಟ್ಟಿನಲ್ಲಿ ನಟ ತಂಗಿ ಮನೆಯೊಳಗೆಯೇ ಕಳ್ಳತನ ನಡೆದಿದ್ದು ಕೂಡಾ ಆತಂಕಕ್ಕೆ ಕಾರಣವಾಗಿದೆ. ಅರ್ಪಿತಾ ಖಾನ್ ಅವರು ಪತಿ ಹಾಗೂ ಇಬ್ಬರು ಮಕ್ಕಳೊಂದಿಗೆ ವಾಸಿಸುತ್ತಾರೆ.

ಸಲ್ಮಾನ್​ ಖಾನ್​ ಅವರು ಕೊನೆಯಬಾರಿಗೆ ಕಿಸಿ ಕಾ ಭಾಯ್, ಕಿಸಿ ಕಿ ಜಾನ್ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದರಲ್ಲಿ ನಟನಿಗೆ ಪೂಜಾ ಹೆಗ್ಡೆ ಜೋಡಿಯಾಗಿದ್ದರು.

ಇತ್ತೀಚೆಗೆ ರಜನೀಕಾಂತ್ ಅವರ ಪುತ್ರಿ ಐಶ್ವರ್ಯಾ ರಜನೀಕಾಂತ್ ಅವರ ಮನೆಯಲ್ಲಿಯೂ ಕಳ್ಳತನ ನಡೆದಿತ್ತು. ಅಲ್ಲಿಯೂ ಮನೆ ಕೆಲಸದಾಕೆಯೇ ಆಭರಣ ಕದ್ದಿದ್ದರು.