Salman Khan: ಸಂಜಯ್ ಲೀಲಾ ಬನ್ಸಾಲಿ ಜೊತೆ ಮಾತು ಬಿಟ್ಟಿದ್ಯಾಕೆ ಸಲ್ಲು!? ಇವರಿಬ್ಬರ ಜಗಳಕ್ಕೆ ಶಾರುಖ್-ಐಶ್ವರ್ಯಾ ರೈ ಕಾರಣನಾ?

ಸ್ಟಾರ್ ಡೈರೆಕ್ಟರ್ ಸಂಜಯ್ ಲೀಲಾ ಬನ್ಸಾಲಿ ಜೊತೆ ಹಲವು ವರ್ಷಗಳಿಂದ ನಟ ಸಲ್ಮಾನ್ ಖಾನ್ ಮಾತು ಬಿಟ್ಟಿದ್ದಾರಂತೆ ಇದಕ್ಕೆ ಕಾರಣ ಏನು ಗೊತ್ತಾ? ಶಾರುಖ್ ಖಾನ್ ಹಾಗೂ ಐಶ್ವರ್ಯಾ ರೈ ಅವ್ರೇ ಈ ನಟ-ನಿರ್ದೇಶಕರ ಮುನಿಸಿಗೆ ಕಾರಣ ಎಂದು ಹೇಳಲಾಗ್ತಿದೆ.

ಹಿರಿಯ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಅವರು 1999 ರಲ್ಲಿ 'ಹಮ್ ದಿಲ್ ದೇ ಚುಕೇ ಸನಮ್' ಚಿತ್ರವನ್ನು ಮಾಡಿದ್ರು. ಈ ಚಿತ್ರವನ್ನು ಜನ ಈಗಲೂ ನೆನಪಿನಲ್ಲಿ ಇಟ್ಟುಕೊಂಡಿದ್ದಾರೆ. ಈ ಸಿನಿಮಾ ಸಕ್ಸಸ್ ನಟ ಸಲ್ಮಾನ್ ಖಾನ್ ಹಾಗೂ ಐಶ್ವರ್ಯಾ ರೈಗೆ ಭಾರೀ ಜನಪ್ರಿಯತೆ ತಂದುಕೊಟ್ಟಿತ್ತು.

ಸೂಪರ್​ಸ್ಟಾರ್ ಸಲ್ಮಾನ್ ಖಾನ್ ಮತ್ತು ಹಿರಿಯ ಚಲನಚಿತ್ರ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ ಅವರ ಜೋಡಿಯು ಬಾಲಿವುಡ್​ನಲ್ಲಿ ಹಿಟ್ ಆಯಿತು. 'ಹಮ್ ದಿಲ್ ದೇ ಚುಕೇ ಸನಮ್ ಥಿಯೇಟರ್​ಗಳಲ್ಲಿ ಬಿಡುಗಡೆಯಾಗಿ ಗಲ್ಲಾಪೆಟ್ಟಿಗೆಯಲ್ಲಿ ಬಝ್ ಸೃಷ್ಟಿಸಿತು. ಚಿತ್ರದ ಗಳಿಕೆ ಅನೇಕ ದಾಖಲೆಯನ್ನು ಮುರಿದಿದೆ.

ಕೇವಲ 16 ಕೋಟಿ ರೂ.ಗಳಲ್ಲಿ ತಯಾರಾದ 'ಹಮ್ ದಿಲ್ ದೇ ಚುಕೇ ಸನಮ್' ಚಿತ್ರ ಬಾಕ್ಸ್ ಆಫೀಸ್ ನಲ್ಲಿ ಒಟ್ಟು 51.38 ಕೋಟಿ ಗಳಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಸಂಜಯ್ ಲೀಲಾ ಬನ್ಸಾಲಿ ಕೂಡ ಈ ಸೂಪರ್ ಹಿಟ್ ಸಿನಿಮಾ ಮೂಲಕ ಬಾಲಿವುಡ್​ನಲ್ಲಿ ಗುರುತಿಸಿಕೊಂಡರು. ಈ ವೇಳೆ ಸಂಜಯ್ ಲೀಲಾ ಬನ್ಸಾಲಿ ಹಾಗೂ ಸಂಜಯ್ ಉತ್ತಮ ಸ್ನೇಹಿತರಾಗಿದ್ದರು.

'ಹಮ್ ದಿಲ್ ದೇ ಚುಕೇ ಸನಮ್' ಸಲ್ಮಾನ್ ಖಾನ್ ಅವರ ಸ್ಟಾರ್ಡಮ್​ನಿಂದಾಗಿ ಸೂಪರ್ ಹಿಟ್ ಆಯಿತು. ಇದರಿಂದಾಗಿ ಸಂಜಯ್ ಅವರ ವೃತ್ತಿಜೀವನವು ಯಶಸ್ಸಿನತ್ತ ಮುಖ ಮಾಡಿತು ಎಂದು ಹೇಳಲಾಗುತ್ತದೆ. ಮಾಧ್ಯಮ ವರದಿಗಳ ಪ್ರಕಾರ, 2002 ರಲ್ಲಿ ಸಂಜಯ್ 'ದೇವದಾಸ್' ಸಿನಿಮಾ ಮಾಡಿದ ವೇಳೆ ಸಲ್ಮಾನ್ ಮತ್ತು ಸಂಜಯ್ ನಡುವೆ ಮನಸ್ತಾಪ ಉಂಟಾಗಿದೆಯಂತೆ.

ಸಂಜಯ್ ಅವರ ಚಿತ್ರ 'ದೇವದಾಸ್' ಗಲ್ಲಾಪೆಟ್ಟಿಗೆಯಲ್ಲಿ ಭಾರಿ ಹಿಟ್ ಆಗಿತ್ತು. ಸಂಜಯ್ ಅವರು ದೇವದಾಸ್ ಸಿನಿಮಾಗೆ ಶಾರುಖ್ ಖಾನ್ ಅವರನ್ನು ಆಯ್ಕೆ ಮಾಡಿಕೊಂಡಿದ್ರು. ಈ ಚಿತ್ರದಲ್ಲಿ ನಟಿಸಿದರು. ಇಲ್ಲಿಂದ ಸಲ್ಮಾನ್ ಮತ್ತು ಸಂಜಯ್ ನಡುವೆ ದ್ವೇಷ ಹುಟ್ಟಿಕೊಂಡಿದೆ. ದೇವದಾಸ್ ಚಿತ್ರಕ್ಕೆ ಸಲ್ಮಾನ್​ಗಿಂತ ಶಾರುಖ್ ಉತ್ತಮ ಎಂದು ಸಂಜಯ್ ಭಾವಿಸಿದ್ದರು.

ಅದೇ ಸಮಯದಲ್ಲಿ, ಸಂಜಯ್ 'ದೇವದಾಸ್' ಚಿತ್ರದಲ್ಲಿ ಶಾರುಖ್ ಜೊತೆ ಐಶ್ವರ್ಯಾ ರೈ ಅನ್ನು ಹಾಕಿಕೊಂಡ್ರು. ಪ್ರೇಕ್ಷಕರು ಶಾರುಖ್-ಐಶ್ವರ್ಯರ ಕೆಮಿಸ್ಟ್ರಿಯನ್ನು ಸಹ ಇಷ್ಟಪಟ್ಟಿದ್ದಾರೆ. 'ದೇವದಾಸ್' ಚಿತ್ರದ ನಂತರ ಸಲ್ಮಾನ್, ಸಂಜಯ್ ಜೊತೆ ಮಾತನಾಡುವುದನ್ನು ನಿಲ್ಲಿಸಿದ್ದರು. ಈ ಚಿತ್ರದ ನಂತರ ಸಲ್ಮಾನ್, ಸಂಜಯ್ ಅವರನ್ನು ನೋಡಲು ಕೂಡ ಇಷ್ಟಪಡುತ್ತಿರಲಿಲ್ಲ ಎನ್ನಲಾಗಿದೆ.

ಸಂಜಯ್ ಬಾಲಿವುಡ್​ನಲ್ಲಿ ಬೆಳೆದ ಬಳಿಕ ತನ್ನ ಬಳಿಗೆ ಬರದೆ ಶಾರುಖ್ ಖಾನ್ ಬಳಿಗೆ ಹೋದರು ಎಂದು ಸಲ್ಮಾನ್ ಭಾವಿಸಿದ್ದರಂತೆ. ಬಳಿಕ ಕೆಲ ವರ್ಷಗಳ ಬಳಿಕ 'ಇನ್ಶಾಲ್ಲಾ' ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ. ಆದರೆ ಈ ವೇಳೆ ಕೂಡ ಇಬ್ಬರ ನಡುವೆ ಯಾವುದೋ ವಿಷಯಕ್ಕೆ ಮನಸ್ತಾಪ ಉಂಟಾಗಿ ಸಲ್ಮಾನ್ ಚಿತ್ರದಿಂದ ಹೊರ ಬಂದಿದ್ದರಂತೆ.