Shruthi Haasan| ಪ್ರಭಾಸ್ ನಟನೆಯ ಆಕ್ಷನ್ ಥ್ರಿಲ್ಲರ್​ ಚಿತ್ರ ಸಲಾರ್ ಗೆ ನಟಿ ಶೃತಿ ಹಾಸನ್ ಹೇಗೆ ತಯಾರಾಗುತ್ತಿದ್ದಾರೆ ಗೊತ್ತಾ?

ರವಿ ತೇಜ ಅಭಿನಯದ ಕ್ರಾಕ್ ಸಿನಿಮಾ ಮೂಲಕ ಈ ವರ್ಷ ಗಲ್ಲಾಪೆಟ್ಟಿಗೆಯ ವಸೂಲ್ ಮಾಡುವ ಮೂಲಕ ಹಿಟ್​ ಚಿತ್ರದೊಂದಿಗೆ ವರ್ಷವನ್ನು ಪ್ರಾರಂಭಿಸಿದ ಶ್ರುತಿ ಹಾಸನ್, ಈಗಾಗಲೇ ಪ್ರಭಾಸ್ ಅಭೀನಯದ ಸಲಾರ್ ಚಿತ್ರದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ.

ಈ ಚಿತ್ರದಲ್ಲಿ ಶೃತಿ ಹಾಸನ್ ಹೆಚ್ಚಿನ ಆಕ್ಷನ್ ಸನ್ನಿವೇಶಗಳನ್ನು ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ. ಆದ್ದರಿಂದ ಪರದೆಯ ಮೇಲೆ ಹೆಚ್ಚು ಫಿಟ್​ ಆಗಿ ಮತ್ತು ಸಮರ್ಥವಾಗಿ ಕಾಣಿಸಿಕೊಳ್ಳುವ ಉದ್ದೇಶದಿಂದ ಶೃತಿ ಹಾಸನ್ ಈ ಚಿತ್ರಕ್ಕಾಗಿ ಮಿಶ್ರ ಸಮರ ಕಲೆಗಳಲ್ಲಿ ವಿಶೇಷ ತರಬೇತಿ ಪಡೆಯುತ್ತಿದ್ದಾರೆ.

ಸಲಾರ್ ಚಿತ್ರವನ್ನು ಕನ್ನಡ ಮತ್ತು ತೆಲುಗು ಭಾಷೆಗಳಲ್ಲಿ ಚಿತ್ರೀಕರಿಸಲಾಗುತ್ತಿದ್ದು, ಇದನ್ನು ಹಿಂದಿ, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ಡಬ್ ಮಾಡಲಾಗುವುದು ಎಂದು ತಿಳಿದುಬಂದಿದೆ.

ಕೊರೋನಾ ಕಾರಣದಿಂದಾಗಿ ಇಷ್ಟು ದಿನ ಮನೆಯಲ್ಲೇ ಇದ್ದ ನಟಿ ಶೃತಿ ಹಾಸನ್ ಅಂತಿಮವಾಗಿ ಮೂರು ತಿಂಗಳ ನಂತರ ಈಗ ಮನೆಯಿಂದ ಹೊರಬಂದಿದ್ದಾರೆ. ಗೆಳೆಯ ಸಂತನು ಹಜಾರಿಕಾ ಅವರೊಂದಿಗಿನ ಚಿತ್ರವನ್ನು ಇನ್‌ಸ್ಟಾಗ್ರಾಮ್ ಸ್ಟೋರೀಸ್‌ನಲ್ಲಿ ಅಪ್‌ಲೋಡ್ ಮಾಡುವ ಮೂಲಕ ನಟಿ ತನ್ನ ಟ್ರಾನ್ಸ್​ಫಾರ್ಮೇಶನ್ ಅನ್ನು ಅಭಿಮಾನಿಗಳ ಜೊತೆಗೆ ಹಂಚಿಕೊಂಡಿದ್ದಾರೆ.

ಆ ಫೋಟೋಗೆ ಕ್ಯಾಪ್ಷನ್ ನೀಡಿದ್ದು ಅದರಲ್ಲಿ "ಡಬಲ್ ಮಾಸ್ಕ್ ತೊಟ್ಟು ಲಸಿಕೆ ಪಡೆದು ಸ್ಯಾನಿಟೈಸ್ ನಂತರ ಮನೆಯಿಂದ ಹೊರ ಬಂದಿದ್ದೇನೆ" ಎಂದು ಬರೆದುಕೊಂಡಿದ್ದಾರೆ. ಅಲ್ಲದೆ, ಡ್ಯಾನ್ಸಿಂಗ್ ಇನ್ ದಿ ಸ್ಟ್ರೀಟ್‌ಗೆ ಟ್ರ್ಯಾಕ್‌ನಲ್ಲಿ ಸಂತೋಷದಿಂದ ಕಾರಿನಲ್ಲಿ ಸಾಗುತ್ತಿರುವ ವೀಡಿಯೊವನ್ನು ಸಹ ಅವರು ಅಪ್‌ಲೋಡ್ ಮಾಡಿದ್ದಾರೆ.

ನಟಿ ಇತ್ತೀಚೆಗೆ ತನ್ನ ಪೋಷಕರಾದ ನಟ-ರಾಜಕಾರಣಿ ಕಮಲ್ ಹಾಸನ್ ಮತ್ತು ನಟಿ ಸಾರಿಕಾ ಅವರ ವಿಚ್ಚೇಧನದ ಬಗ್ಗೆ ಮನಬಿಚ್ಚಿ ಮಾತನಾಡಿದ್ದರು ಆ ಮೂಲಕ ಭಾರೀ ಸುದ್ದಿಯಾಗಿದ್ದರು.