Bollywood: ಬೇಡಪ್ಪ ಬೇಡ ಸೋಶಿಯಲ್ ಮೀಡಿಯಾ ಸಹವಾಸ ಅಂತಿದ್ದಾರೆ ಸ್ಟಾರ್ಸ್! ಅಂಥದ್ದು ಏನಾಯ್ತು ಅಂತ ಕೇಳ್ತಿದ್ದಾರೆ ಫ್ಯಾನ್ಸ್

ಬಾಲಿವುಡ್​ನಲ್ಲಿ ಅಪಾರ ಯಶಸ್ಸು ಮತ್ತು ಜನಪ್ರಿಯತೆ ಗಳಿಸಿದ ಕೆಲ ನಟರು ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಅಕೌಂಟ್ ತೆರೆದಿಲ್ಲ. ಇದು ಆಶ್ಚರ್ಯವೇ ಆದ್ರು ನಿಜ, ಈ ಸ್ಟಾರ್ಸ್​​ ಇನ್ಸ್ಟಾಗ್ರಾಮ್​ನಿಂದಲೂ ದೂರ ಉಳಿದಿದ್ದಾರೆ.

ಈ ಪಟ್ಟಿಯಲ್ಲಿ ಮೊದಲ ಹೆಸರು ಜನಪ್ರಿಯ ನಟರಲ್ಲಿ ಒಬ್ಬರಾದ ರಣಬೀರ್ ಕಪೂರ್, ಈ ನಟ ತನ್ನದೇ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಆದ್ರೆ ರಣಬೀರ್ ಕಪೂರ್ ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿಲ್ಲ. ಇಂಡಸ್ಟ್ರಿಗೆ ಬಂದು ಹಲವು ವರ್ಷಗಳೇ ಕಳೆದರೂ ಬ್ರಹ್ಮಾಸ್ತ್ರ ನಟ ಇನ್ಸ್ಟಾಗ್ರಾಮ್​ನಲ್ಲಿ ಖಾತೆ ತೆರೆದಿಲ್ಲ. (ಫೈಲ್ ಫೋಟೋ)

'ಮಿಸೆಸ್ ಚಟರ್ಜಿ ವರ್ಸಸ್ ನಾರ್ವೆ' ಚಿತ್ರದ ಮೂಲಕ ರಾಣಿ ಮುಖರ್ಜಿ ಅದ್ಭುತವಾಗಿ ರೀ ಎಂಟ್ರಿ ಕೊಟ್ಟಿದ್ದಾರೆ. ಈ ನಟಿ ಇನ್ಸ್ಟಾಗ್ರಾಮ್​ನಲ್ಲಿಯೂ ಇಲ್ಲ. ಸೋಶಿಯಲ್ ಮೀಡಿಯಾದಲ್ಲಿ ಫೋಟೋ ಹಂಚಿಕೊಳ್ಳುವುದಿಲ್ಲ,

ಹಳೆಯ ಸಂದರ್ಶನವೊಂದರಲ್ಲಿ ಮಾತಾಡಿದ್ದ ನಟಿ ರಾಣಿ  ಮುಖರ್ಜಿ, ತಮ್ಮ ವೈಯಕ್ತಿಕ ಜೀವನದ ವಿಷಯಗಳನ್ನು ಹಂಚಿಕೊಳ್ಳಲು ಇಷ್ಟಪಡುವುದಿಲ್ಲ ಎಂದು ಹೇಳಿದ್ದಾರೆ. (ಫೈಲ್ ಫೋಟೋ)

ಸೋಶಿಯಲ್ ಮೀಡಿಯಾದಿಂದ ದೂರ ಉಳಿಯುವವರ ಪಟ್ಟಿಯಲ್ಲಿ ಬಾಲಿವುಡ್ ನಟ ಸೈಫ್ ಅಲಿಖಾನ್ ಹೆಸರೂ ಕೂಡ ಸೇರಿದೆ. ಸೋಷಿಯಲ್ ಮೀಡಿಯಾದಿಂದ ದೂರ ಉಳಿಯುವ ಮೂಲಕ ತನ್ನ ಕೆಲಸ ಮತ್ತು ವೈಯಕ್ತಿಕ ಜೀವನದ ಬಗ್ಗೆ ಹೆಚ್ಚು ಗಮನ ಹರಿಸಲು ಸಾಧ್ಯವಾಗುತ್ತದೆ ಎಂದು ಸೈಫ್ ಅಲಿ ಖಾನ್ ಹೇಳಿದ್ದಾರೆ. (ಫೈಲ್ ಫೋಟೋ)

ಇತ್ತೀಚಿನ ದಿನಗಳಲ್ಲಿ ಜೀನತ್ ಅಮಾನ್ ಅವರಂತಹ ಹಿರಿಯ ನಟಿಯರೂ ಸಹ Instagram ನಲ್ಲಿ ಖಾತೆ ತೆರೆದಿದ್ದಾರೆ. 70 ಮತ್ತು 80 ರ ದಶಕದ ಕೆಲವು ನಟಿಯರು ಇಲ್ಲಿಯವರೆಗೆ ಸೋಶಿಯಲ್ ಮೀಡಿಯಾ ಅಕೌಂಟ್ ಓಪನ್ ಮಾಡಿಲ್ಲ. ಅಂತಹ ನಟಿಯರಲ್ಲಿ ಲೆಜೆಂಡ್ ರೇಖಾ ಕೂಡ ಒಬ್ಬರು. ಅನೇಕ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಳ್ಳುವ ರೇಖಾ ಸೋಶಿಯಲ್ ಮೀಡಿಯಾದಿಂದ ದೂರ ಉಳಿದಿದ್ದಾರೆ. (ಫೈಲ್ ಫೋಟೋ)

ಜಯಾ ಬಚ್ಚನ್ ಮಾಧ್ಯಮಗಳಿಂದ ದೂರ ಉಳಿಯಲು ಇಷ್ಟಪಡುತ್ತಾರೆ. ಅಮಿತಾಬ್ ಬಚ್ಚನ್ ಸೋಷಿಯಲ್ ಮೀಡಿಯಾದಲ್ಲಿ ಎಷ್ಟು ಆ್ಯಕ್ಟಿವ್ ಆಗಿದ್ದರೂ ಪತ್ನಿ ಜಯಾ ಬಚ್ಚನ್ ಸೋಷಿಯಲ್ ಮೀಡಿಯಾದಿಂದ ದೂರ ಉಳಿದಿದ್ದಾರೆ. (ಫೈಲ್ ಫೋಟೋ)