Saayoni Ghosh: ಶಿವಲಿಂಗದ ಮೇಲೆ ಕಾಂಡೋಮ್​ ಚಿತ್ರ: ಹಿಂದೂಗಳ ಭಾವನೆಗೆ ಧಕ್ಕೆ ತಂದ ನಟಿಯ ವಿರುದ್ಧ ನೆಟ್ಟಿಗರ ಆಕ್ರೋಶ...!

ಬಂಗಾಳಿ ನಟಿ ಸಾಯೋನಿ ಘೋಷ್​ ಶಿವಲಿಂಗಕ್ಕೆ ಅಪಮಾನ ಮಾಡುವಂತಹ ಟ್ವೀಟ್​ ಮಾಡಿದ್ದು, ನೆಟ್ಟಿಗರ ಆಕ್ರೋಶಕ್ಕೆ ಕಾರಣವಾಗಿದೆ.

ಸಾಯೋನಿ ಹಿಂದೂಗಳ ಭಾವನೆಗೆ ಧಕ್ಕೆ ತರುವಂತಹ ಟ್ವೀಟ್​ ಮಾಡಿದ್ದು, ಈ ಕಾರಣದಿಂದ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ.

ಶಿವಲಿಂಗಕ್ಕೆ ಕಾಂಡೋಮ್​ ಹಾಕಿರುವ ಚಿತ್ರವನ್ನು ಬಳಸಿಕೊಂಡು ನಟಿ ಸಾಯೋನಿ ತಮ್ಮ ಅಧಿಕೃತ ಟ್ವಿಟರ್​ ಖಾತೆಯಿಂದ ಟ್ವೀಟ್​ ಮಾಡಿದ್ದರು.

ಸಾಯೋನಿ ಈ ಟ್ವೀಟ್​ ಅನ್ನು 2015ರಲ್ಲಿ ಶಿವರಾತ್ರಿ ಹಬ್ಬದಂದು ಮಾಡಿದ್ದು, ಈಗ ಮತ್ತೆ ಇದು ವೈರಲ್​ ಆಗುತ್ತಿದೆ.

ಈ ಟ್ವೀಟ್​​ ತಾನು ಮಾಡಿದ್ದಲ್ಲ, ತನ್ನ ಟ್ವಿಟರ್​ ಖಾತೆ ಹ್ಯಾಕ್​ ಆಗಿತ್ತು. ಯಾರೋ ಕಿಡಿಗೇಡಿಗಳು ಮಾಡಿದ್ದ ಕೃತ್ಯ ಎಂದು ಈ ಹಿಂದೆಯೇ ಸಾಯೋನಿ ಸ್ಪಷ್ಟನೆ ನೀಡಿದ್ದರು.

ಮತ್ತೆ ಈಗ ಅದನ್ನೇ ಹೇಳುತ್ತಿದ್ದಾರೆ. 2015ರ ಟ್ವೀಟ್​ ಇದಾಗಿದ್ದು, ಪಿಆರ್ ಬಾಸ್ಕರ್ ರಾಯ್​ ಈ ವಿಷಯವನ್ನು ನನ್ನ ಗಮನಕ್ಕೆ ತಂದಿದ್ದರು. ಟ್ವಿಟರ್​ ಖಾತೆಯನ್ನು ನಾನು ಬಹಳ ಸಮಯ ಬಳಸುತ್ತಿರಲಿಲ್ಲ. 2010ರಲ್ಲಿ ಟ್ವಿಟರ್​ ಖಾತೆ ತೆರೆದೆ. ಆದರೆ ನಂತರ ಆಸಕ್ತಿ ಕಳೆದುಕೊಂಡ ಕಾರಣ ನನ್ನ ಖಾತೆಯನ್ನು ಬಳಸುತ್ತಿರಲಿಲ್ಲ ಎಂದಿದ್ದಾರೆ.

ಆದರೆ 2015ರಲ್ಲಿ ಶಿವಲಿಂಗಕ್ಕೆ ಅಪಮಾನ ಮಾಡಿದ ಟ್ವೀಟ್​ ಮಾಡಿದ ನಂತರ ಸಾಕಷ್ಟು ಪೋಸ್ಟ್​ಗಳನ್ನು ಸಾಯೋನಿ ತಮ್ಮ ಟ್ವಿಟರ್​ನಲ್ಲಿ ಮಾಡಿದ್ದು, ಅವರ ಖಾತೆ ಹ್ಯಾಕ್​ ಆಗಿ ಎನ್ನುವುದು ಎಲ್ಲ ಕಟ್ಟುಕತೆ ಎನ್ನುತ್ತಿದ್ದಾರೆ ನೆಟ್ಟಿಗರು.

ಬಂಗಾಳಿ ನಟಿ ಮಾಡಿರುವ ಹಳೇ ಟ್ವೀಟ್​ನ ಸ್ಕ್ರೀನ್​ ಶಾಟ್​ ಇಟ್ಟುಕೊಂಡು ನೆಟ್ಟುಗರು ಅವರನ್ನು ಮತ್ತೆ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಈ ಹಿಂದೆ ಟ್ವೀಟ್​ ಮಾಡಿದ್ದಾಗ ನಟಿಯ ವಿರುದ್ಧ ದೂರು ಸಹ ದಾಖಲಾಗಿತ್ತು.

ಬಂಗಾಳಿ ನಟಿ ಸಾಯೋನಿ ಘೋಷ್​.