Ram Charan-Golden Globe: ಗೋಲ್ಡನ್ ಗ್ಲೋಬ್​ನಲ್ಲಿ ಬೆಸ್ಟ್​ ಡ್ರೆಸ್​ ಬಿರುದು ಪಡೆದ ಮೊದಲ ಭಾರತೀಯ ನಟ! ಹೀಗಿತ್ತು ರಾಮ್ ಚರಣ್ ಲುಕ್

80ನೇ ಆವೃತ್ತಿಯ ಗೋಲ್ಡನ್ ಗ್ಲೋಬ್ 2023 ಅವಾರ್ಡ್ ಫಂಕ್ಷನ್ ಅದ್ಧೂರಿಯಾಗಿ ಲಾಸ್ ಏಂಜಲೀಸ್​ನಲ್ಲಿ ನಡೆದಿದೆ.

ಜನವರಿ 10 ರಂದು ಬೆವರ್ಲಿ ಹಿಲ್ಸ್‌ನಲ್ಲಿ ಈವೆಂಟ್ ನಡೆಯಿತು. ದಕ್ಷಿಣ ಭಾರತದ ಸ್ಟಾರ್ ನಟ ರಾಮ್ ಚರಣ್ ಅವರ ಡ್ರೆಸ್ ಇಲ್ಲಿ ಗಮನ ಸೆಳೆದಿದೆ.

ಮೊದಲ ಬಾರಿಗೆ ಗೋಲ್ಡನ್ ಗ್ಲೋಬ್​ನಲ್ಲಿ ಭಾರತೀಯ ನಟಿಗೆ ಬೆಸ್ಟ್ ಡ್ರೆಸ್ಡ್ ಮ್ಯಾನ್ ಅವಾರ್ಡ್ ಸಿಕ್ಕಿದೆ.

ರಾಮ್ ಚರಣ್ ಅವರು ಬಂದ್ ಗಾಲಾ ಉಡುಪನ್ನು ಧರಿಸಿದ್ದರು. ಇದು ಅವರಿಗೆ ಕಂಪ್ಲೀಟ್ ಕ್ಲಾಸಿ ಲುಕ್ ಕೊಟ್ಟಿದೆ.

ಗುರುವಾರ, ರಾಮ್ ಚರಣ್ ಅವರ ಗ್ಲಾಮ್ಬಾಟ್ ಕ್ಷಣದ ವೀಡಿಯೊ ವೈರಲ್ ಆಗಿತ್ತು. ದಕ್ಷಿಣದ ಸೂಪರ್‌ಸ್ಟಾರ್ ಕಪ್ಪು ಫ್ಯೂಷನ್ ಸೂಟ್​ನಲ್ಲಿ ಸ್ಟೈಲಿಷ್ ಆಗಿ ಕಂಡುಬಂದಿದ್ದಾರೆ.

ಗೋಲ್ಡನ್ ಗ್ಲೋಬ್ ರೆಡ್ ಕಾರ್ಪೆಟ್ ಗೌನ್ ಮತ್ತು ಟುಕ್ಸೆಡೊಗಳಿಂದ ತುಂಬಿತ್ತು. ಇವೆಂಟ್‌ನಲ್ಲಿ ರಾಮ್ ಮತ್ತು ಅವರ ಪತ್ನಿ ಉಪಾಸನಾ ಇಬ್ಬರೂ ಭಾರತೀಯ ಉಡುಪು ಧರಿಸಿದ್ದರು.

ರಾಮ್ ಅವರು ಭಾರತ ಮತ್ತು ವಿದೇಶಗಳಲ್ಲಿ ಅವರ ಹೆಚ್ಚಿನ ಸಾರ್ವಜನಿಕ ಪ್ರದರ್ಶನಗಳಲ್ಲಿ ವಿವಿಧ ಭಾರತೀಯ ವಿನ್ಯಾಸಕರಿಂದ ಸಿದ್ಧವಾದ ಉಡುಪುಗಳನ್ನೇ ಹೆಚ್ಚಾಗಿ ಧರಿಸುತ್ತಾರೆ.

ಎಸ್‌ಎಸ್ ರಾಜಮೌಳಿ ಅವರ 'ಆರ್‌ಆರ್‌ಆರ್' 2023 ರ ಗೋಲ್ಡನ್ ಗ್ಲೋಬ್ ಪ್ರಶಸ್ತಿಗಳಲ್ಲಿ ಅದರ ಹಿಟ್ ಟ್ರ್ಯಾಕ್ 'ನಾಟು ನಾಟು' ಹಾಡಿಗಾಗಿ ಅತ್ಯುತ್ತಮ ಒರಿಜಿನಲ್ ಸಾಂಗ್​ಗಾಗಿ ಟ್ರೋಫಿಯನ್ನು ಗೆಲ್ಲುವ ಮೂಲಕ ಚಿನ್ನವನ್ನು ಗಳಿಸಿತು.