Ram Charan: ಕ್ಯಾನ್ಸರ್‌ ಪೀಡಿತ ಮಗುವಿನ ಆಸೆ ಈಡೇರಿಸಿದ ರಾಮ್‌ಚರಣ್, ಮೆಗಾ ಪವರ್‌ ಸ್ಟಾರ್ ಹೃದಯ ವೈಶಾತ್ಯತೆಗೆ ಅಭಿಮಾನಿಗಳ ಬಹುಪರಾಕ್

ಕೆಲವು ಹೀರೋಗಳು ತೆರೆ ಮೇಲೆ ಮಾತ್ರವಲ್ಲ, ತೆರೆಯ ಹಿಂದೆಯೂ ತಾವೂ ರಿಯಲ್ ಹೀರೋಗಳೆಂದು ಸಾಬೀತುಪಡಿಸಿದ ನಿದರ್ಶನಗಳು ಸಾಕಷ್ಟಿವೆ. ಸಂಕಷ್ಟದಲ್ಲಿರುವ ಅಭಿಮಾನಿಗಳ ಇಷ್ಟಾರ್ಥಗಳನ್ನು ಈಡೇರಿಸುವ ಹೀರೋಗಳು ಎಲ್ಲಾ ಭಾಷೆಗಳಲ್ಲಿದ್ದಾರೆ. ಇತ್ತೀಚೆಗಷ್ಟೇ ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಕೂಡ ಕ್ಯಾನ್ಸರ್​ನಿಂದ ಬಳಲುತ್ತಿರುವ ತಮ್ಮ ಅಭಿಮಾನಿಯನ್ನ ಭೇಟಿ ಮಾಡಿ ಶುಭಾಶಯ ಹೇಳಿ ಧೈರ್ಯ ತುಂಬಿದ್ದಾರೆ. (Twitter/Photo)

ಮಣಿ ಕೌಶಲ್ ಎಂಬ 9  ವರ್ಷದ ಬಾಲಕ ಕಳೆದ ಕೆಲವು ದಿನಗಳಿಂದ ಕ್ಯಾನ್ಸರ್ ಕಾಯಿಲೆಯಿಂದ ಬಳಲುತ್ತಿದ್ದಾನೆ. ಆತ ರಾಮ್ ಚರಣ್ ಅವರ ದೊಡ್ಡ ಅಭಿಮಾನಿ. ಮೇಕ್ ಎ ವಿಶ್ ಫೌಂಡೇಶನ್ ಮೂಲಕ, ರಾಮ್ ಚರಣ್ ಅವರಿಗೆ ಈ ಮಗುವಿನ ಪರಿಸ್ಥಿತಿಯ ಬಗ್ಗೆ ತಿಳಿಸಲಾಗಿದೆ. ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದ ಬಾಲ ಅಭಿಮಾನಿಗೆ ಸ್ವತಃ ರಾಮ್ ಚರಣ್ ಆಸ್ಪತ್ರೆಗೆ ಆಗಮಿಸಿ ಮಾತನಾಡಿಸಿದ್ದಾರೆ. (Twitter/Photo)

ಕ್ಯಾನ್ಸರ್ ವಿರುದ್ಧ ಹೋರಾಡುತ್ತಿದ್ದ ಆ ಮಗುವಿಗೆ ಧೈರ್ಯ ತುಂಬಿದರಲ್ಲದೆ, ಆತನಿಗೆ ಉಡುಗೊರೆಯನ್ನೂ ಕೊಟ್ಟಿದ್ದಾರೆ. ಇದಲ್ಲದೆ, ರಾಮ್ ಚರಣ್ ಮಗುವಿನ ಮಾತನಾಡಿಸಿ ಆತನನ್ನು ನಗಿಸಲು ಪ್ರಯತ್ನಿಸಿದ್ದಾರೆ. ತನ್ನ ನೆಚ್ಚಿನ ನಟ ಆಗಮನದಿಂದ ಆ ಮಗುವಿನಲ್ಲಿ ಹೊಸ ಉತ್ಸಾಹ ಬಂದಂತಾಗಿದೆ. (Twitter/Photo)

ಕ್ಯಾನ್ಸರ್ ನಂತಹ ಮಾರಕ ಖಾಯಿಲೆಯೊಂದಿಗೆ ಹೋರಾಡುತ್ತಿರುವ ತನ್ನ ಬಾಲಭಿಮಾನಿಗೆ ಧೈರ್ಯ ತುಂಬಿದ ರಾಮ್ ಚರಣ್​ ಅವರ ನಡೆಯನ್ನು ಅಭಿಮಾನಿಗಳು ಹಾಗೂ ಜನಸಾಮಾನ್ಯರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. (Twitter/Photo)

ರಾಮ್ ​ಚರಣ್​ ಕ್ಯಾನ್ಸರ್ ನಂತಹ ಗಂಭೀರ ಕಾಯಿಲೆಯಿಂದ ಬಳಲುತ್ತಿರುವ ಮಗುವಿಗೆ ದೈರ್ಯ ತುಂಬಿದರಲ್ಲದೆ, ಕುಟುಂಬಸ್ಥರಿಗೂ ಧೈರ್ಯ ಹೇಳಿದ್ದಾರೆ. ಅಲ್ಲದೆ ಅವರ ಬೆಂಬಲಕ್ಕೆ ನಿಲ್ಲುವುದಾಗಿ ಭರವಸೆ ನೀಡಿದ್ದಾರೆ. ಮಣಿ ಕೌಶಲ್ ಅವರು ಪೂರ್ಣ ಆರೋಗ್ಯದಿಂದ ಚೇತರಿಸಿಕೊಳ್ಳಲಿ ಎಂದು ಪ್ರಾರ್ಥಿಸಿದ್ದಾರೆ.(Twitter/Photo)

ರಾಮ್ ಚರಣ್ ಹೈದರಾಬಾದ್​ನ ಚಾರ್​ ಮಿನಾರ್​ನಲ್ಲಿ ಶೂಟಿಂಗ್ ನಲ್ಲಿ ಭಾಗವಹಿಸಿದ್ದರು. ಅಲ್ಲಿಂದ ವಿಷಯ ತಿಳಿದು ನೇರವಾಗಿ ತಮ್ಮ ಫ್ಯಾನ್ ಬಳಿ ಆಗಮಿಸಿದ್ದಾರೆ. ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ತಮ್ಮ ಬಾಲ ಅಭಿಮಾನಿಯನ್ನು ಭೇಟಿ ಮಾಡಿರುವ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. (Twitter/Photo)

ಇನ್ನು ರಾಮ್ ಚರಣ್ ಸಿನಿಮಾಗಳ ವಿಚಾರಕ್ಕೆ ಬಂದರೆ ಕಳೆದ ವರ್ಷ RRR ಚಿತ್ರದ ಮೂಲಕ ಅಂತರಾಷ್ಟ್ರೀಯ ಮಟ್ಟದಲ್ಲಿ ನಟನಾಗಿ ಹೆಸರು ಮಾಡಿದ್ದರು. ಆ ನಂತರ ತಂದೆ ಚಿರಂಜೀವಿ ಅವರೊಂದಿಗೆ ಆಚಾರ್ಯ ಚಿತ್ರದಲ್ಲಿ ನಟಿಸಿದ್ದರು. (Twitter/Photo)