Sanya Iyer-Roopesh Shetty: ರೂಪೇಶ್-ಸಾನ್ಯಾ ಕ್ಲೋಸ್ ಆಗಿದ್ದು ರೆಸಾರ್ಟ್​ನಲ್ಲಿ! ರಾಕೇಶ್ ಹೇಳಿದ್ದಿಷ್ಟು

ಬಿಗ್​ಬಾಸ್ ಕನ್ನಡ ಒಟಿಟಿಯಲ್ಲಿ ಭೇಟಿಯಾದ ಸಾನ್ಯಾ ಐಯ್ಯರ್ ಹಾಗೂ ರೂಪೇಶ್ ಶೆಟ್ಟಿ ಈಗ ಜೋಡಿಯಾಗಿ ಮನೆಯಿಂದ ಹೊರಗೆ ಬಂದಿದ್ದಾರೆ.

ಒಟಿಟಿ ಸೀಸನ್​ನಲ್ಲಿ ಸಾಮಾನ್ಯ ಸ್ಪರ್ಧಿಗಳಂತೆ ಇದ್ದ ಇವರು ಕ್ಲೋಸ್ ಆಗಿದ್ಯಾವಾಗಲೋ, ಫ್ರೆಂಡ್ಸ್ ಆಗಿದ್ಯಾವಾಗಲೋ, ಲವ್ ಆಗಿದ್ದು ಯಾವಾಗಲೋ ಗೊತ್ತೇ ಆಗಲಿಲ್ಲ.

ಬಿ‌ಗ್ ಬಾಸ್ ಮನೆಯಲ್ಲಿ ಮಾತ್ರ ರೂಪೇಶ್ ಶೆಟ್ಟಿ ಮತ್ತು ಸಾನ್ಯ ಅಯ್ಯರ್ ಹೈಲೈಟ್ ಆಗಿದ್ದರು. ಸೀಸನ್ ರಿಯಾಲಿಟಿ ಶೋ ಮುಗಿದರೂ ಈ ಕಪಲ್ ಜೋಡಿ ಕಂಟಿನ್ಯೂ ಆಗಿದೆ. ಇದೇ ಸಂದರ್ಭದಲ್ಲಿ ರಾಕೇಶ್ ಅಡಿಗ ಅವರ ಹೇಳಿಕೆ ಚರ್ಚೆಗೆ ಕಾರಣವಾಗಿದೆ.

ಬಿಗ್ ಬಾಸ್ ಒಟಿಟಿಯಿಂದ ಟಿವಿ ಬಿಗ್​ಬಾಸ್ ಟಿವಿ ಸೀಸನ್ ತನಕ ರೂಪೇಶ್, ಸಾನ್ಯ ಜೊತೆ ರಾಕೇಶ್ ಅಡಿಗ ಒಟ್ಟಿಗೇ ಇದ್ದರು. ಆದರೆ ಲವ್ ಆಗಿದ್ದು ಆ ಜೋಡಿಗೆ.

ರೂಪೇಶ್ ಮತ್ತು ಸಾನ್ಯ ಪದೇ ಪದೇ ನಾವು ಫ್ರೆಂಡ್ಸ್ ಅಷ್ಟೇ. ನಮ್ಮ ನಡುವೆ ಗೆಳೆತನ ಬಿಟ್ಟು ಬೇರೆನಿಲ್ಲ ಎಂದು ಹೇಳಿದ್ದರು. ಆದರೆ ಸಾನ್ಯ ಎಲಿಮಿನೇಷನ್ ವೇಳೆ ರೂಪೇಶ್ ಜೋರಾಗಿ ಅತ್ತಿದ್ದರು.

ಈ ಡೌಟ್ ರಾಕೇಶ್​ಗೂ ಬಂದಿತ್ತಂತೆ. ಅವರೇ ಈ ವಿಚಾರವಾಗಿ ನೀವಿಬ್ರೂ ಡೇಟಿಂಗ್ ಮಾಡ್ತಿದ್ದೀರಾ ಎಂದೂ ಕೇಳಿದ್ದರಂತೆ. ಆಗಲೂ ಇಬ್ಬರೂ ಹಾಗೇನಿಲ್ಲ ಎಂದಿದ್ದರು ಎಂದು ನೆನಪಿಸಿಕೊಂಡಿದ್ದಾರೆ ರಾಕೇಶ್.

ಬಿಗ್​ಬಾಸ್ ಒಟಿಟಿ ಸೀಸನ್​ನ ಫಿನಾಲೆ ನಂತರ ರೆಸಾರ್ಟ್‌ನಲ್ಲಿ ಸ್ಪರ್ಧಿಗಳು 10 ದಿನ ಇದ್ದರು. ಅಲ್ಲಿ ಮೈಕ್ ಮತ್ತು ಕ್ಯಾಮೆರಾ ಇರಲಿಲ್ಲ. ಆಗ ಕೇಳಿದರೂ ಲವ್ ಏನೂ ಇಲ್ಲ ಎಂದೇ ಹೇಳಿದ್ದರಂತೆ ಸಾನ್ಯಾ ಹಾಗೂ ರೂಪೇಶ್.

ಒಟಿಟಿಯಲ್ಲಿರುವಾಗಲೇ ಇಬ್ಬರು ರೂಪೇಶ್ ಮತ್ತು ಸಾನ್ಯ ಒಟ್ಟಿಗೆ ಇದ್ದರು. ರೆಸಾರ್ಟ್‌ನಲ್ಲಿ ಇಬ್ಬರ ಬಾಂಡಿಂಗ್ ಮತ್ತಷ್ಟು ಸ್ಟ್ರಾಂಗ್ ಆಯ್ತು. ಸೀಸನ್ 9ರಲ್ಲಿ ಪರಸ್ಪರ ಫುಲ್ ಸರ್ಪೋಟ್ ಮಾಡ್ತಿದ್ದರು ಎಂದಿದ್ದಾರೆ.

ಈ ಜೋಡಿ ಈಗ ಸಖತ್ ಫೇಮಸ್ ಆಗಿದ್ದು ಅವರ ವಿವಾಹದ ಬಗ್ಗೆಯೂ ಚರ್ಚೆ ನಡೆಯುತ್ತಿದೆ.

ರೂಪೇಶ್ ಶೆಟ್ಟಿ ಹಾಗೂ ಸಾನ್ಯಾ ತಮ್ಮ ಕೆರಿಯರ್​ನಲ್ಲಿ ಬ್ಯುಸಿಯಾಗಿರುವುದರಿಂದ ಸದ್ಯದಲ್ಲಿ ಅವರು ಮದುವೆಯಾಗುವ ಸಾಧ್ಯತೆ ಕಡಿಮೆ ಎಂದು ಹೇಳಲಾಗುತ್ತಿದೆ.