Rocking Star Yash: ಅಂದು ಬರಿಗಾಲಲ್ಲಿ ಬಂದಿದ್ದ ರಾಕಿಂಗ್ ಸ್ಟಾರ್ ಶೂ ಕಲೆಕ್ಷನ್ ನೋಡಿದ್ರೆ ವ್ಹಾವ್ ಎನ್ನದೇ ಇರೋದಿಲ್ಲ

ದೇಶದಾದ್ಯಂತ ರಾಕಿ ಭಾಯ್ ಹವಾ ಇದೆ. ಅವರು ಏನೇ ಮಾಡಿದರು ಸುದ್ದಿ ಎಂಬಂತಾಗಿದೆ. ಇದೀಗ ವಿಡಿಯೋ ಒಂದು ವೈರಲ್ ಆಗಿದ್ದು, ಆ ವಿಡಿಯೋದಲ್ಲಿ ಅಭಿಮಾನಿಗಳ ಕಣ್ಣು ಅರಳಿಸಿದ್ದು ಮಾತ್ರ ಆ ಒಂದು ವಸ್ತು ಎನ್ನಲಾಗುತ್ತಿದೆ.

ಯಶ್ ಹೆಚ್ಚಾಗಿ ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚಾಗಿ ಆಕ್ಟೀವ್ ಇರುತ್ತಿರಲಿಲ್ಲ. ಆದರೆ ಇಬ್ಬರು ಮುದ್ದಾದ ಮಕ್ಕಳ ನಂತರ ಹಲವಾರು ವಿಡಿಯೋಗಳ್ನು ಹಂಚಿಕೊಳ್ಳುತ್ತಿರುವ ಯಶ್, ಅಭಿಮಾನಿಗಳ ಜೊತೆ ಸಂಪರ್ಕದಲ್ಲಿರುತ್ತಿದ್ದಾರೆ.

ಮಕ್ಕಳ ವಿಡಿಯೋಗಳನ್ನು ಆಗಾಗ ಹಂಚಿಕೊಳ್ಳುವ ಯಶ್ ನಿನ್ನೆ ಸಹ ಒಂದು ವಿಡಿಯೋ ಹಾಕಿದ್ದರು, ಆದರೆ ಅದರಲ್ಲಿ ರಾಕಿ ಭಾಯ್ ಶೂ ಕಲೆಕ್ಷನ್ ಜನರನ್ನು ಸೆಳೆದಿದ್ದು, ಫುಲ್ ಸದ್ದು ಮಾಡುತ್ತಿದೆ.

ಹೌದು, ಆ ವಿಡಿಯೋದ ಕೊನೆಯ ಭಾಗದಲ್ಲಿ ಯಶ್ ಅವರ ಶೂಗಳು ಕಾಣಿಸುತ್ತಿದ್ದು, ಬಗೆ ಬಗೆಯ ಸೈಲಿಶ್ ಶೂಗಳನ್ನು ನಾವು ನೋಡಬಹುದಾಗಿದೆ. ಸುಮಾರು 100ಕ್ಕೂ ಹೆಚ್ಚು ಬಗ್ಗೆಯ ಶೂಗಳು ಇರಬಹುದು ಎಂದು ಅಭಿಮಾನಿಗಳು ಗೆಸ್ ಮಾಡುತ್ತಿದ್ಧಾರೆ.

ಈ ಶೂ ರ್ಯಾಕ್ ನೋಡಿದರೆ ಯಶ್ ಎಷ್ಟು ಸೈಲಿಶ್ ಎಂಬುದು ತಿಳಿಯುತ್ತದೆ. ಕೇವಲ ಹೇರ್ ಸೈಲ್ ಮತ್ತು ಬಟ್ಟೆ ಮಾತ್ರವಲ್ಲದೇ ಶೂಗಳ ವಿಚಾರದಲ್ಲಿ ಸಹ ರಾಕಿ ಭಾಯ್ ಡಿಫರೆಂಟ್ ಅಂತಿದ್ಧಾರೆ ಅಭಿಮಾನಿಗಳು.

ಇನ್ನು ಆ ಶೂಗಳ ಬೆಲೆ 5 ಸಾವಿರಕ್ಕಿಂತ ಹೆಚ್ಚಿರುತ್ತದೆ ಎಂದರೆ ತಪ್ಪಲ್ಲ. ಒಟ್ಟಾರೆಯಾಗಿ ಯಶ್ ಪದೇ ಪದೇ ತಾವು ರಾಕಿಂಗ್ ಸ್ಟಾರ್ ಮಾತ್ರ ಅಲ್ಲ ಸ್ಟೈಲಿಶ್ ಸ್ಟಾರ್ ಎಂದು ಕೂಡ ಸಾಬೀತು ಮಾಡುತ್ತಿದ್ಧಾರೆ.

ಇನ್ನು ಬಟ್ಟೆಯ ವಿಚಾರಕ್ಕೆ ಬಂದಾಗ ಯಾವಾಗಲೂ ಡಿಫರೆಂಟ್ ಲುಕ್​ನಲ್ಲಿ ಕಾಣಿಸಿಕೊಳ್ಳುತ್ತಾರೆ. ಕೆಲವೊಮ್ಮೆ ಪ್ರಿಂಟೆಡ್ ದುಬಾರಿ ಶರ್ಟ್ನಲ್ಲಿ ಕಾಣಿಸುವ ಯಶ್ , ಮೊತ್ತೊಮ್ಮೆ ಸಿಂಪಲ್ ಬ್ಲ್ಯಾಕ್ ಟೀ ಶರ್ಟ್​ನಲ್ಲಿರುತ್ತಾರೆ.

ಸಂದರ್ಭಕ್ಕೆ ತಕ್ಕಂತೆ ಬಟ್ಟೆ ಹಾಕುವ ಯಶ್​ಗೆ ಕಳೆದ ವರ್ಷ ಸೈಲಿಶ್ ಐಕಾನ್ ಎಂದು ಅವಾರ್ಡ್ ನೀಡಿ ಗೌರವಿಸಲಾಗಿತ್ತು. ಗಡ್ಡದ ಮೂಲಕ ಯುವಕರಲ್ಲಿ ಕ್ರೇಜ್ ಹುಟ್ಟಿಸಿದ ನಾಯಕ, ಈಗಲೂ ಎಲ್ಲಾ ರೀತಿಯಲ್ಲೂ ಅಭಿಮಾನಿಗಳಿಗೆ ರೋಲ್ ಮಾಡೆಲ್ ಆಗುತ್ತಿದ್ದಾರೆ.

ಕೆಜಿಎಫ್ 2 ಭರ್ಜರಿ ಸಕ್ಸಸ್ ನಂತರ ಸದ್ಯ ಫ್ಯಾಮಿಲಿ ಮತ್ತು ಸ್ನೇಹಿತರ ಜೊತೆ ಸಮಯ ಕಳೆಯುತ್ತಿರುವ ಯಶ್ ಮುಂದಿನ ಚಿತ್ರದ ಬಗ್ಗೆ ಯಾವುದೇ ಗುಟ್ಟು ಬಿಟ್ಟುಕೊಟ್ಟಿಲ್ಲ.

ಕೆಜಿಎಫ್ 3 ಬರಲಿದೆ ಎಂದು ಹೇಳಲಾಗುತ್ತಿದ್ದು, ಅದರ ಬಗ್ಗೆ ಸಹ ಯಾವುದೇ ಮಾಹಿತಿ ಇಲ್ಲ. ರಾಕಿ ಭಾಯ್ ನಂತರ ಯಶ್ ಅವರನ್ನು ಮತ್ತೊಂದು ವಿಭಿನ್ನ ಪಾತ್ರದಲ್ಲಿ ನೋಡಲು ಅಭಿಮಾನಿಗಳು ಕಾದುನೋಡುತ್ತಿದ್ದು, ಯಶ್ ಮುಂದಿನ ಚಿತ್ರ ಯಾವುದೂ ಎಂಬುದು ಇನ್ನಷ್ಟೇ ತಿಳಿಯಬೇಕಿದೆ.