KGF Chapter 2: ನರಾಚಿ ಅಡ್ಡದಲ್ಲಿ ರಾಕಿ ಭಾಯ್​ ರಿ ಎಂಟ್ರಿ ಪೋಸ್ಟರ್ ಔಟ್

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆ.ಜಿ.ಎಫ್ ಚಾಪ್ಟರ್-2 ಸಿನಿಮಾದ ಫಸ್ಟ್​ಲುಕ್ ಬಿಡುಗಡೆಯಾಗಿದೆ.

ನಿರ್ದೇಶಕ ಪ್ರಶಾಂತ್ ನೀಲ್ ತಮ್ಮ ಟ್ಟಿಟ್ಟರ್ ಯಲ್ಲಿ  ಕೆ.ಜಿ.ಎಫ್ ಚಾಪ್ಟರ್-2 ಸಿನಿಮಾದ ಫಸ್ಟ್ ಲುಕ್ ಬಿಡುವ ಮೂಲಕ ಅಭಿಮಾನಿಗಳಿಗೆ ಸಿಹಿ ಸುದ್ದಿಯನ್ನು ನೀಡಿದ್ದಾರೆ.

ಹೊಂಬಾಳೆ ಫಿಲ್ಸ್ಮ್ 6 ವರ್ಷ ಪೂರ್ಣಗೊಳಿಸಿದ್ದು, ಈ ಶುಭ ಸಂದರ್ಭದ ಸಲುವಾಗಿ ನಿರ್ದೇಶಕ ಪ್ರಶಾಂತ್ ನೀಲ್ ಕೆ.ಜಿ.ಎಫ್ ಚಾಪ್ಟರ್-2 ಫಸ್ಟ್ ಲುಕ್ ಬಿಡುಗಡೆ ಮಾಡಿದ್ದಾರೆ.

ಕನ್ನಡ ಸೇರಿದಂತೆ ತಮಿಳು, ತೆಲುಗು ಮಳಯಾಳಂ ಭಾಷೆಯಲ್ಲೂ ಚಿತ್ರದ ಫಸ್ಟ್ ಲುಕ್ ಅನ್ನು ಬಿಡುಗಡೆ ಆಗಿದೆ.

ಪ್ರಸ್ತುತ ಬಿಡುಗಡೆಗೊಂಡಿರುವ ಕೆ.ಜಿ.ಎಫ್​ ಚಾಪ್ಟರ್​ -2 ಫಸ್ಟ್‌ಲುಕ್‌ ಕೂಡ ನರಾಚಿ ಗಣಿಯನ್ನೇ ನೆನಪಿಸುತ್ತದೆ. ರಾಕಿಂಗ್​ ಬಾಯ್ ಕೂಡ ಖಡಲ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ.​ಬಾಯಲ್ಲಿ ಸಿಗರೇಟು ಹಚ್ಚಿಕೊಂಡು ಕಾರ್ಮಿಕರೊಟ್ಟಿಗೆ ಹಗ್ಗ ಹಿಡಿದು ಮತ್ತೆ ಸಾಮಾಜ್ಯ ಕಟ್ಟಲು ಮುನ್ನುಗ್ಗುವಂತಿದೆ.

ಟ್ಟಿಟ್ಟರ್​​ನಲ್ಲಿ ಕೆ.ಜಿ.ಎಫ್ ಚಾಪ್ಟರ್-2 ಫಸ್ಟ್​ಲುಕ್​  ಬಿಡುಗಡೆಯಾದ ಕೆಲ ನಿಮಿಷಗಳಲ್ಲೇ ಟ್ರೆಂಡಿಂಗ್​ನಲ್ಲಿ ನಂ.1 ಸ್ಥಾನದಲ್ಲಿದೆ. ನಿರೀಕ್ಷೆಯಲ್ಲಿ ಕಾದು ಕುಳಿತಂತಹ ಅಭಿಮಾನಿಗಳಿಗೆ  ರಾಕಿಂಗ್​​ ಸ್ಟಾರ್​ ಅವರ  ಮೊದಲ ಲುಕ್​ ನೋಡಿ ಸಂತೋಷಬರಿತರಾಗಿದ್ದಾರೆ.

ಸದ್ಯ ಕೆ.ಜಿ.ಎಫ್ ಚಾಪ್ಟರ್-2 ಸಿನಿಮಾ ಶೂಟಿಂಗ್ ನಡೆಯುತ್ತಿದ್ದು ಮುಂದಿನ ವರ್ಷ ಬಿಡುಗಡೆ ಮಾಡುವ ಯೋಜನೆಯಲ್ಲಿದೆ.

ರಾಕಿಂಗ್ ಅಭಿನಯದ ಕೆ.ಜಿ.ಎಫ್-1 ಸಿನಿಮಾ ದೇಶದಾದ್ಯಂತ ಸಂಚಲನ ಮೂಡಿಸಿತ್ತು. ಮಾತ್ರವಲ್ಲದೆ ದೇಶದಾದ್ಯಂತ ಹೊಸ ಸಂಚಲನ ಮೂಡಿಸಿತ್ತು. ಚಾಪ್ಟರ್​-2 ನಲ್ಲಿ ಅಧಿರನ ಪಾತ್ರದಲ್ಲಿ ಬಾಲಿವುಡ್​ ನಟ ಸಂಜಯ್​ ದತ್​ ಅಭಿನಯಿಸಿದ್ದಾರೆ.