Singer Mangli: ಬಿಗ್​ ಬಾಸ್​ ಮನೆಗೆ ಕಾಲಿಡಲಿದ್ದಾರಂತೆ ಕಣ್ಣೇ ಅದಿರಿಂದಿ ಹಾಡು ಹಾಡಿದ ಗಾಯಕಿ ಮಂಗ್ಲಿ

ರಾಬರ್ಟ್​ ಸಿನಿಮಾದ ಕಣ್ಣೇ ಅದಿರಿಂದಿ ಹಾಡು ಹಾಡಿದ ಗಾಯಕಿ ಮಂಗ್ಲಿ ಈಗ ಕನ್ನಡ ಸಿನಿ ಪ್ರಿಯರ ನೆಚ್ಚಿನ ಗಾಯಕಿ ಎಂದರೆ ತಪ್ಪಾಗದು.

ಸ್ಯಾಂಡಲ್​ವುಡ್​ ಹಾಗೂ ಟಾಲಿವುಡ್​ನಲ್ಲಿ ಹೆಸರು ಮಾಡಿರುವ ಮಂಗ್ಲಿ ಹಾಡುವುದರ ಜತೆಗೆ ಸಿನಿಮಾಗಳಲ್ಲೂ ನಟಿಸುತ್ತಿದ್ದಾರೆ.

ಕನ್ನಡದಲ್ಲಿ ಶಿವಣ್ಣನ ಜೊತೆ ಸಿನಿಮಾದಲ್ಲಿ ನಟಿಸಲಿದ್ದಾರೆ ಅನ್ನೋ ಸುದ್ದಿ ಈ ಹಿಂದೆ ಹರಿದಾಡಿತ್ತು.

ಈಗ ಇದೇ ಗಾಯಕಿ ಕುರಿತಾದ ಮತ್ತೊಂದು ವಿಷಯ ಗುಲ್ಲಾಗಿದೆ.

ಹೌದು, ಮಂಗ್ಲಿ ಈಗ ಬಿಗ್​ ಬಾಸ್ ಮನೆಗೆ ಕಾಲಿಡಲಿದ್ದಾರಂತೆ.

ಬಿಗ್​ ಬಾಸ್​ ಎಂದರೆ ಕನ್ನಡದ ಬಿಗ್ ಬಾಸ್​ ಅಲ್ಲ. ತೆಲುಗು ಬಿಗ್ ಬಾಸ್ 5ರಲ್ಲಿ ಮಂಗ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ.

ಮಂಗ್ಲಿ ಅವರನ್ನು ಬಿಗ್​ ಬಾಸ್​ ಮನೆಗೆ ಕರೆತರಲು ಕಾರ್ಯಕ್ರಮದ ಆಯೋಜಕರು ಮಂಗ್ಲಿ ಅವರನ್ನು ಸಂಪರ್ಕಿಸಿದ್ದಾರಂತೆ.

ಆದರೆ ತೆಲುಗು ಬಿಗ್ ಬಾಸ್​ 5 ಯಾವಾಗ ಖಚಿತ ಮಾಹಿತಿ ಹೊರ ಬಿದ್ದಿಲ್ಲ.

ಆದರೆ ಈಗಾಗಲೇ ಬಿಗ್​ ಬಾಸ್ 5ರ ಆರಂಭಕ್ಕೆ ಎಲ್ಲ ಸಿದ್ಧತೆಗಳು ನಡೆಯುತ್ತಿವೆಯಂತೆ.