Bigg Boss Mini Season: ಜಿಮ್​ನಲ್ಲಿ ಎದುರಾಗಿದ್ದ ಆ ಹುಡುಗಿ ಗಿಣಿರಾಮ ಧಾರಾವಾಹಿಯ ನಟ ರಿತ್ವಿಕ್ ಬಳಿ ಕೇಳಿದ್ದರು ವಿಚಿತ್ರ ಪ್ರಶ್ನೆ..!

ಉತ್ತರ ಕರ್ನಾಟಕ ಭಾಷೆಯನ್ನಾಡುತ್ತಾ ಕಿರುತೆರೆಯ ಮೇಲೆ ಶಿವರಾಮನಾಗಿ ಮಿಂಚುತ್ತಿರುವ ನಟ ರಿತ್ವಿಕ್ ಮಲ್ನಾಡ್​.

ರಿತ್ವಿಕ್​ ಇತ್ತೀಚೆಗಷ್ಟೆ ಮದುವೆಯಾಗಿದ್ದು ಜೀವನದಲ್ಲಿ ಖುಷಿಯಾಗಿದ್ದಾರೆ.

ಇಂತಹ ಶಿವರಾಮ ಈಗ ಬಿಗ್ ಬಾಸ್​ ಮನೆಯಲ್ಲಿದ್ದಾರೆ.

ಬಿಗ್​ ಬಾಸ್​ ಕನ್ನಡ ಸೀಸನ್​ 8 ಮುಗಿದ ನಂತರ ಈ ಮನೆಯಲ್ಲಿ ಮಿನಿ ಸೀಸನ್​ ಆರಂಭವಾಗಿದೆ.

ಈ ಮಿನಿ ಸೀಸನ್​ನಲ್ಲಿ ಕಲರ್ಸ್​ ಕನ್ನಡದ ಧಾರಾವಾಹಿಗಳಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿರುವ ಸಾಕಷ್ಟು ಮಂದಿ ಸ್ಪರ್ಧಿಗಳಾಗಿದ್ದಾರೆ.

ಇದರಲ್ಲಿ ರಿತ್ವಿಕ್ ಸಹ ಒಬ್ಬರು. 6 ದಿನಗಳ ಕಾಲ ನಡೆಯಲಿರುವ ಮಿನಿ ಸೀಸನ್​ ಕಳೆದ ಶನಿವಾರದಿಂದ ಆರಂಭವಾಗಿದೆ.

ಮಿನಿ ಸೀಸನ್​ನಲ್ಲಿರುವ ನಟ ರಿತ್ವಿಕ್ ಮಠದ್​ ಅವರು ಎರಡು ತಿಂಗಳ ಹಿಂದೆ ತಮಗೆ ಎದುರಾಗಿದ್ದ ವಿಚಿತ್ರ ಘಟನೆಯೊಂದರ ಬಗ್ಗೆ ಬಿಗ್ ಬಾಸ್​ ಮನೆಯಲ್ಲಿ ಸ್ಪರ್ಧಿಯೊಬ್ಬರ ಬಳಿ ಹೇಳಿಕೊಂಡಿದ್ದಾರೆ.

ನಿತ್ಯ ಜಿಮ್​ಗೆ ಹೋಗಿ ವರ್ಕೌಟ್ ಮಾಡಿ ಬರುತ್ತಿದ್ದ ರಿತ್ವಿಕ್​ ಅವರನ್ನು ಇಬ್ಬರು ಹುಡುಗಿಯರು ತುಂಬಾ ದಿನಗಳಿಂದ ಗಮನಿಸುತ್ತಿದ್ದರಂತೆ.

ಒಮ್ಮೆ ಈ ಇಬ್ಬರು ಹುಡುಗಿಯರಲ್ಲಿ ಒಬ್ಬರು ರಿತ್ವಿಕ್ ಬಳಿ ಬಂದು ನಿಮ್ಮ ಬಳಿ ಮಾತಾಡಬೇಕು ಎಂದಿದ್ದರಂತೆ.

ಜಿಮ್​ನಲ್ಲಿ ನಿಮ್ಮ ಬಳಿ ಮಾತಾಡಬೇಕು ಎಂದ ಆ ಹುಡುಗಿ ಸೆಲ್ಫಿ ಕೇಳುತ್ತಾರೇನೋ ಅಂತ ತಿಳಿದು ರಿತ್ವಿಕ್ ಹೇಳಿ ಎಂದಿದ್ದರಂತೆ.

ಆಗ ಆ ಹುಡುಗಿ ಸರ್ ನೀವು ಜೀವನದಲ್ಲಿ ತುಂಬಾ ದುಃಖಕರ ಘಟನೆ ಏನಾದರೂ ನಡೆದಿದೆಯಾ ಎಂದಿದ್ದಾರೆ. ಏಕೆ ಹೀಗೆ ಕೇಳ್ತೀರಾ ಅಂದ್ರೆ, ನೀವು ಯಾವಾಗೂ ಒಂದು ರೀತಿ ದುಃಖದಲ್ಲಿರುವಂತೆ ಕಾಣುತ್ತೆ ಎಂದರಂತೆ.

ಅದಕ್ಕೆ ಪ್ರತಿಕ್ರಿಯಿಸಿದ್ದ ರಿತ್ವಿಕ್​ ನನ್ನ ಮುಖ ಇರೋದೇ ಹಾಗೆ ಎಂದ ರಿತ್ವಿಕ್​ ನಾನು ಆರಾಮಾಗಿದ್ದೇನೆ ಎಂದಿದ್ದರಂತೆ. ಈ ಘಟನೆಯನ್ನು ಬಿಗ್  ಬಾಸ್​ ಮನೆಯಲ್ಲಿ ಮತ್ತೊಬ್ಬರು ಸ್ಪರ್ಧಿ ಬಳಿ ಹೇಳಿಕೊಂಡಿದ್ದಾರೆ ರಿತ್ವಿಕ್​.