Rishab Shetty: ಮಾಧ ಪುರಾಣ ಹೇಳ್ತಾರೆ ರಿಷಬ್ ಶೆಟ್ಟಿ! ಈ ತಿಂಗಳೇ ರಿಲೀಸ್

ಸದ್ದು ಮಾಡಲು ಸಿದ್ಧವಾಗಿದೆ ಮಾಧನ ಕಾಯುವ ಕೋವಿ. ಸಿನಿಮಾ ಮಾರ್ಚ್ 24ರಂದು 4 ಗಂಟೆಗೆ ರಿಲೀಸ್ ಆಗಲಿದೆ ಎಂದು ನಟ ರಿಷಬ್ ಶೆಟ್ಟಿ ಪೋಸ್ಟ್ ಮಾಡಿದ್ದಾರೆ.

ರಿಷಬ್ ಶೆಟ್ಟಿ ಫಿಲ್ಮ್ಸ್ ಖಾತೆಯಲ್ಲಿ ಈ ಪೋಸ್ಟ್ ಶೇರ್ ಮಾಡಿದ್ದಾರೆ ಕಾಂತಾರ ನಟ. ಆಕರ್ಷಕವಾಗಿರುವ ಪೋಸ್ಟರ್​​ನಲ್ಲಿ ಬೇಟೆಗಾರ ಹಾಗೂ ವೇಗದಿಂದ ಜಿಗಿಯುವ ದೃಶ್ಯ ಕಾಣಬಹುದು.

ರಾಕೇಶ್ ಬಿ.ಜೆ ರಚಿಸಿ ನಿರ್ದೇಶಿಸಿರುವ ಈ ಸಿನಿಮಾವನ್ನು ಅಶ್ವಿನ್ ನೀರೊಲ್ಯ ಹಾಗೂ ಬಿ.ಒ ರಾಜೇಂದ್ರ ಬಾಬು ಅವರು ನಿರ್ಮಿಸಿದ್ದಾರೆ.

ಪ್ರಮೋದ್ ಬೋಪಣ್ಣ, ಆರ್ಯನ್ ಗೌಡ, ಹೇಮಂತ್ ಸಾಗರ್, ಚಂದನ್ ಸೇರಿ ಹಲವರು ಇದರಲ್ಲಿ ನಟಿಸಿದ್ದಾರೆ. ವಿಶ್ವಾಸ್ ಕೌಂಡಿನ್ಯ ಛಾಯಾಗ್ರಹಣ ಮಾಡಿದ್ದಾರೆ.

ಸಂಜಯ್ ಎಲ್ ಸಹ ಛಾಯಾಗ್ರಹಣ ಮಾಡಿದ್ದಾರೆ. ರಾಹುಲ್ ವಸಿಷ್ಠ ಸಂಕಲನ ಮಾಡಿದ್ದು ಉತ್ತಮ್ ಕುಮಾರ್ ಎಸ್ ಸಂಗೀತ ಒದಗಿಸಿದ್ದಾರೆ.

ಸದ್ಯ ರಿಷಬ್ ಶೆಟ್ಟಿ ಅವರು ಕಾಂತಾರ 2 ಸಿನಿಮಾದ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಈ ಸಿನಿಮಾದಿಂದಾಗಿ ಕೆಜಿಎಫ್ 3 ಸಿನಿಮಾ ಕೂಡಾ ತಡವಾಗಿಯೇ ಬರುತ್ತಿದೆ. ಸದ್ಯ ಪ್ರೇಕ್ಷಕರು ಕಾಂತಾರ 2 ನಿರೀಕ್ಷೆಯಲ್ಲಿದ್ದಾರೆ.

ರಿಷಬ್ ಶೆಟ್ಟಿ ಅವರು ಇತ್ತೀಚೆಗೆ ಮಗಳ ಬರ್ತ್​ಡೇ ಆಚರಿಸಿದ್ದರು. ರಾಧ್ಯ ಬರ್ತ್​ಡೇ ಆಚರಣೆಯ ವಿಡಿಯೋವನ್ನು ಅವರ ಪತ್ನಿ ಶೇರ್ ಮಾಡಿದ್ದರು.