Samantha: ಇತ್ತೀಚಿಗೆ ಸ್ಯಾಮ್​ಗೆ ಕೆಟ್ಟ ಕನಸು ಬೀಳೋದು ಜಾಸ್ತಿ ಆಗಿದ್ಯಂತೆ! ಫುಲ್​ ಕಥೆ ಹೇಳಿಕೊಂಡ ನಟಿ

ಸಮಂತಾಳಿಗೆ ದುರದೃಷ್ಟ ಬೆನ್ನಟ್ಟಿದೆ ಎಂದೇ ಎನಿಸುತ್ತಿದೆ. ಏಕೆಂದರೆ ಮೇಲಿಂದ ಮೇಲೆ ವಿವಾದಗಳು ಅವಳನ್ನು ಹುಡುಕಿಕೊಂಡು ಬರುತ್ತಿವೆ. ಇತ್ತೀಚೆಗೆ ಬಿಡುಗಡೆಯಾದ 'ಶಾಕುಂತಲ' ಚಿತ್ರ ತೀರಾ ಹೀನಾಯವಾದ ಸೋಲು ಕಂಡಿತು. ಇಂತಹ ಸೋಲನ್ನು ಟಾಲಿವುಡ್‍ನಲ್ಲಿ ಯಾವ ನಟಿಯೂ ನೀಡಿಲ್ಲ ಎಂದು ದೂಷಿಸಲಾಯಿತು.

ನಿರ್ಮಾಪಕ ಚಿಟ್ಟಿಬಾಬು ಅವರಂತೂ ಸಮಂತಾ ಅವರ ಮೇಲೆ ಮಾತಿನ ಪ್ರಹಾರವನ್ನೇ ನಡೆಸಿದರು. ಜೊತೆಗೆ ಟ್ರೋಲರಗಳು ಸುಮ್ಮನೇ ಕೂಡದೇ ಸಮಂತಾರನ್ನು ಸಾಕಷ್ಟು ಟ್ರೋಲ್ ಮಾಡಿ ಅವರ ನಿದ್ದೆಗೆಡಿಸಿದರು. ಈ ಎಲ್ಲ ಘಟನೆಗಳು ಸ್ಯಾಮ್‌ಗೆ ಬಹು ದೊಡ್ಡ ಆಘಾತವನ್ನು ನೀಡಿತು. 'ಶಾಕುಂತಲ' ಚಿತ್ರದ ಬಿಡುಗಡೆಯ ಸಂದರ್ಭದಲ್ಲಿ ಸಮಂತಾ ಮೇಲೆ ಸಾಕಷ್ಟು ಟ್ರೋಲಿಂಗ್ ನಡೆಯುತ್ತಾ ಇತ್ತು. ಟಾಲಿವುಡ್ ನ ಹಲವು ಟ್ರೋಲರಗಳು ಸಮಂತಾರನ್ನು ತುಂಬಾ ಟ್ರೋಲ್ ಮಾಡಿದರು.

ಕೆಲವರು ಸಮಂತಾರ ವೈಯಕ್ತಿಕ ಬದುಕಿನ ಹಲವು ಘಟನೆಗಳಿಗಾಗಿ ಅವಳನ್ನು ಲೇವಡಿ ಮಾಡಿದರು. ಇದೆಲ್ಲ ಬೆಳವಣಿಗೆಯನ್ನು ಪ್ರಚಾರದ ಗಿಮಿಕ್ ಎಂದೂ ಕೆಲವರು ಮೂಗು ಮುರಿದಿದ್ದಾರೆ.

ಶಾಕುಂತಲಂ ಚಿತ್ರದೊಂದಿಗೆ ಸಮಂತಾಳ ಸುವರ್ಣ ಅವಧಿ ಮುಗಿಯಿತು ಎಂದೇ ಟ್ರೋಲ್ ಪಂಡಿತರು ಹೇಳುತ್ತಾರೆ. ಇತ್ತೀಚೆಗೆ ಸಮಂತಾರ ಆರೋಗ್ಯವು ಕೈ ಕೊಟ್ಟಿತು. ಇದನ್ನು ಸಹ ಹಲವರು ನಾಟಕ, ಪ್ರಚಾರದ ಗಿಮಿಕ್ ಎಂತಲೇ ಕರೆದರು.

ನಮ್ಮ ಸ್ಯಾಮ್ ಏನು ಮಾಡಿದರೂ ಮತ್ತು ಏನು ಹೇಳಿದರೂ ಅದು ವಿವಾದವೇ ಆಗುತ್ತದೆ. ಮತ್ತು ಅದನ್ನು ಟ್ರೋಲ್ ಮಾಡಲಾಗುತ್ತದೆ ಎನ್ನುವಂತಾಗಿದೆ ಅವರ ಭಿಮಾನಿಗಳು. ಆದಾಗ್ಯೂ, ಶಾಕುಂತಲಂ ನಿನ್ನೆ ರಾತ್ರಿ ಓಟಿಟಿಯಲ್ಲಿ ತೆರೆಕಂಡಿದೆ. ಇದು ಅಮೇಜಾನ್ ಪ್ರೈಮ್‍ನಲ್ಲಿ ಪ್ರದರ್ಶನ ಕಂಡಿತು. ಇಲ್ಲಿಯೂ ಸಹ ಶಾಕುಂತಲಂ ಸೋತಿದೆ.

ಒಟಿಟಿ ವೀಕ್ಷಕರು ಮತ್ತು ನೆಟಿಜನ್‍ಗಳು ಶಾಕುಂತಲಂ ಚಿತ್ರವನ್ನು ನಿರಾಕರಿಸಿದ್ದಾರೆ. ಇದರಿಂದ ಸಮಂತಾರ ಚಿತ್ರ ಬದುಕಿಗೆ ಹಿನ್ನಡೆಯಾಗುವುದು ಖಂಡಿತ. ಒಟಿಟಿ ಯಲ್ಲಿ ಪ್ರದರ್ಶನದ ನಂತರ ಈ ಚಿತ್ರವು ಮತ್ತೆ ಸುದ್ದಿಯಲ್ಲಿದೆ. ಕೆಲವರು ಚಿತ್ರದ ಟ್ರೋಲ್-ಯೋಗ್ಯ ದೃಶ್ಯಗಳನ್ನು ಹಂಚಿಕೊಂಡು ಅಪಹಾಸ್ಯ ಮಾಡುತ್ತಿದ್ದಾರೆ.

ಶಾಕುಂತಲಂ ಚಿತ್ರವು ಸುಮಾರು ಅರವತ್ತು ಕೋಟಿ ಬಜೆಟಿನಲ್ಲಿ ತಯಾರಾದ ಚಿತ್ರ. ಆದರೆ ಈ ಚಿತ್ರ ಹತ್ತು ಕೋಟಿಯನ್ನು ಗಳಿಸುವಲ್ಲಿಯೂ ಸಹ ವಿಫಲವಾಗಿದೆ. ಈ ಚಿತ್ರದ ಸೋಲನ್ನು ಸಮಂತಾರ ಸೋಲು ಎಂದೇ ವ್ಯಾಖ್ಯಾನಿಸಲಾಗುತ್ತದೆ. ಒಂದು ಚಿತ್ರದ ಸಂಪೂರ್ಣ ಸೋಲನ್ನು ಒಬ್ಬ ನಟಿಯ ಮೇಲೆ ಹಾಕುವುದು ಎಷ್ಟು ಸರಿ?

ಈ ಕಾರಣಕ್ಕಾಗಿ ಸಮಂತಾರನ್ನು ದುರದೃಷ್ಟ ಬೆನ್ನಟ್ಟಿದೆ ಎಂದು ಟಾಲಿವುಡನಲ್ಲಿ ಗುಸು ಗುಸು ಕೇಳಿ ಬರುತ್ತಿದೆ. ಈಗ ಈ ಸಿನಿಮಾ ಸದ್ದಿಲ್ಲದೇ ಒಟಿಟಿ ಅಲ್ಲಿ ಅಮೇಜಾನ್ ಪ್ರೈಮ್ ವಿಡಿಯೋ ಮೂಲಕ ಸ್ಟ್ರೀಮ್ ಮಾಡಿದರೂ ಸಹ ಏನೂ ಬದಲಾವಣೆ ಆಗಿಲ್ಲ. ಇಲ್ಲಿಯೂ ಸಹ ಈ ಚಿತ್ರ ನೆಲಕಚ್ಚಿದೆ.

ಈ ಚಿತ್ರವನ್ನು ಗುಣಶೇಖರ್ ಅವರು ಚಿತ್ರಕಥೆ ಬರೆದು ನಿರ್ದೇಶಿಸಿದ್ದಾರೆ. ಈ ಚಿತ್ರ ಸಾಕಷ್ಟು ಕುತುಹೂಲ ಕೆರಳಿಸಿತ್ತು. ಜೊತೆಗೆ ಸಾಕಷ್ಟು ಪ್ರಚಾರವನ್ನು ಸಹ ಪಡೆದಿತ್ತು. ಈ ಚಿತ್ರವನ್ನು ತೆಲುಗು, ತಮಿಳು, ಹಿಂದಿ ಮತ್ತು ಕನ್ನಡ ಭಾಷೆಗಳಲ್ಲಿ ಬಿಡುಗಡೆ ಮಾಡಲಾಗಿತ್ತು.

ಆದರೆ ಎಲ್ಲ ಭಾಷೆಯ ಸಿನಿ ಪ್ರೇಕ್ಷಕರು ಈ ಚಿತ್ರವನ್ನು ಸಾರಾಸಗಟಾಗಿ ನಿರಾಕರಿಸಿದರು. ಆದರೆ ಈ ಚಿತ್ರ ಬಿಡುಗಡೆ ಆದ ಮೇಲೆ ಸಿನಿ ಪ್ರೇಕ್ಷಕರು ಈ ಚಿತ್ರವನ್ನು ಸಂಪೂರ್ಣವಾಗಿ ನಿರಾಕರಿಸಿದರು. ಈ ಚಿತ್ರದ ಹಲವು ದೃಶ್ಯಗಳನ್ನು ಟ್ರೋಲ್ ಮೇಲೆ ಟ್ರೋಲ್ ಮಾಡಿದರು.

ಹೀಗಾಗಿ ಈ ಚಿತ್ರವು ಸಮಂತಾರ ಚಿತ್ರ ಬದುಕಿನಲ್ಲಿ ಒಂದು ಕೆಟ್ಟ ಚಿತ್ರವಾಯಿತು. ಸಮಂತಾ ಈಗಾಗಲೇ ಹಲವು ಹಿಟ್ ಚಿತ್ರಗಳನ್ನು ನೀಡಿದ್ದರೂ ಸಹ ಯಾರು ಅದನ್ನು ಗಮನಿಸುತ್ತಿಲ್ಲ. ಕೇವಲ ಶಾಕುಂತಲಂ ಚಿತ್ರವನ್ನು ಮಾತ್ರ ಉಲ್ಲೇಖಿಸುತ್ತಿದ್ದಾರೆ. ಇದು ಎಷ್ಟು ಸರಿ.

ವೈಯಕ್ತಿಕ ಬದುಕಿನಲ್ಲಿ ಈಗಾಗಲೇ ನೊಂದಿರುವ ಸಮಂತಾಳಿಗೆ ಇನ್ನೂ ಹಲವು ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಮತ್ತೆ ಸಮಂತಾ ಒಂದು ಒಳ್ಳೆಯ ಸೂಪರ್ ಹಿಟ್ ಚಿತ್ರವನ್ನು ನೀಡಲಿ , ಮತ್ತೆ ಟಾಲಿವುಡನಲ್ಲಿ ತಮ್ಮ ಅಧಿಪತ್ಯ ಸ್ಥಾಪಿಸಲಿ ಎಂದು ಆಶಿಸೋಣ.