Mahalakshmi: ಮುದ್ದಿನ ಹೆಂಡ್ತಿ ಮಹಾಲಕ್ಷ್ಮಿಗೆ ಪ್ರೇಮಿಗಳ ದಿನ ರವೀಂದ್ರ ವಿಶೇಷ ಪೋಸ್ಟ್

ಸೌತ್​ನ ಸೆಲೆಬ್ರಿಟಿ ಜೋಡಿ ಮಹಾಲಕ್ಷ್ಮಿ ಹಾಗೂ ರವೀಂದ್ರ ಪ್ರೇಮಿಗಳ ದಿನವನ್ನು ಆಚರಿಸಿದ್ದಾರೆ. ನಿರ್ಮಾಪಕ ರವೀಂದ್ರ ಪತ್ನಿ ಜೊತೆ ರೆಡ್ ಔಟ್​ಫಿಟ್​ನಲ್ಲಿರುವ ಫೋಟೋ ಶೇರ್ ಮಾಡಿದ್ದಾರೆ.

ಪತ್ನಿ ಮಹಾಲಕ್ಷ್ಮಿಗಾಗಿ ರವೀಂದ್ರ ಸ್ಪೆಷಲ್ ಪೋಸ್ಟ್ ಬರೆದಿದ್ದಾರೆ. ಈ ಮೂಲಕ ಪತ್ನಿಗೆ ಪ್ರೇಮಿಗಳ ದಿನದ ಶುಭಾಶಯಗಳನ್ನು ತಿಳಿಸಿದ್ದಾರೆ. ರವೀಂದ್ರ ಹೇಗೆ ವಿಶ್ ಮಾಡಿದ್ರು ಗೊತ್ತಾ?

ಯಾವುದೇ ನಿರೀಕ್ಷೆಗಳಿಲ್ಲದೆ ಪ್ರೀತಿಯನ್ನು ಹೇಳಿ. ಆದರೆ ಅನೇಕ ನಿರೀಕ್ಷೆಗಳಿವೆ. ಅನೇಕ ವಿಷಯಗಳು ನಮ್ಮ ನಿರೀಕ್ಷೆಗಳನ್ನು ಮೀರುತ್ತವೆ. ನಮ್ಮ ನಿರೀಕ್ಷೆಗಳು ಸದಾ ನಿರಾಸೆಯಾದರೂ ಆ ಪ್ರೀತಿ ಒಂದು ಕ್ಷಣವೂ ಕಡಿಮೆಯಾಗದಿದ್ದರೆ ಅದೇ ನಿಜವಾದ ಪ್ರೀತಿ ಎಂದಿದ್ದಾರೆ.

ಮಹಾಲಕ್ಷ್ಮಿಯ ಮೇಲಿನ ನನ್ನ ಪ್ರೀತಿ ಅಂತಹ ನಿಜವಾದ ಪ್ರೀತಿ. ನನ್ನದು ಪ್ರೀತಿ ನಿಜವಾದ ಪ್ರೀತಿಯೋ ಅಲ್ಲವೋ ಎಂದು ಕೇಳುತ್ತೀರಾ? ಎಂದು ಪ್ರಶ್ನೆ ಮಾಡಿದ್ದಾರೆ ರವೀಂದ್ರ.

ನನ್ನ ಪ್ರೀತಿ ನಿಜವಾದ ಪ್ರೀತಿ ಅಲ್ಲವೇ. ಮಹಾಲಕ್ಷ್ಮಿ ರವೀಂದ್ರ ಪ್ರೀತಿಯಲ್ಲಿ ಬಿದ್ದಾಗ ಅದರಲ್ಲಿ ಶೇ.1ರಷ್ಟು ಕೂಡ ಸುಳ್ಳಿರಲಿಲ್ಲ ಎಂದಿದ್ದಾರೆ.

ನಾವು ಇತರರ ಬಗ್ಗೆ ಹೊಂದಿರುವ ಗೌರವ ಮತ್ತು ಪ್ರೀತಿಯಿಂದಾಗಿ ಸುಂದರವಾದ ಜೀವನವು ಏನೆಂಬುದು ತಿಳಿದಿದೆ. ಸುಂದರವಾದ ಜೀವನವನ್ನು ನಡೆಸಲು ಸಾಧ್ಯವಾಗುತ್ತದೆ. ಆ ಮೂಲಕ ನಮ್ಮಿಬ್ಬರ ಬಗ್ಗೆ ಗೌರವ, ಪ್ರೀತಿ ಹೆಚ್ಚುತ್ತದೆ ಎಂದಿದ್ದಾರೆ.

ನಾವು ಪ್ರೀತಿಸುವ ಜನರಿಗಿಂತ ನಾವು ಪ್ರೀತಿಸುವ ಜನರು ನಮ್ಮನ್ನು ಹೆಚ್ಚು ಪ್ರೀತಿಸುವುದು ಜೀವನ. ಆ ಜೀವ ನನ್ನ ಹೆಂಡತಿ. Happy valentine's day dear mahalakshmi ಎಂದಿದ್ದಾರೆ ರವೀಂದ್ರ.

ಈ ಫೋಟೋದಲ್ಲಿ ಇಬ್ಬರೂ ಒಂದೇ ಕಪ್ಪು ಡ್ರೆಸ್ ಧರಿಸಿದ್ದರು. ಅಷ್ಟೇ ಅಲ್ಲದೇ ಮದುವೆಯಾದ ಬಳಿಕ ಜೀವನವು ಚೆಂದ, ನೀವು ಚೆಂದ ಎಂದು ಕ್ಯಾಪ್ಷನ್​ನಲ್ಲಿ ಬರೆದುಕೊಂಡಿದ್ದರು.

ಈ ಜೋಡಿ ಮದುವೆಯಾದಾಗ ಎಲ್ಲೆಡೆ ವೈರಲ್ ಆದರು. ಅವರ ಜೋಡಿಯನ್ನು ಮಿಸ್ ಮ್ಯಾಚ್ ಎಂದು ಬಹಳಷ್ಟು ಟ್ರೋಲ್ ಮಾಡಲಾಗಿತ್ತು.

ರವೀಂದ್ರ-ಮಹಾಲಕ್ಷ್ಮಿ ಈಗ ಜೊತೆಯಾಗಿ ವ್ಯಾಲೆಂಟೈನ್ಸ್ ಡೇ ಆಚರಿಸಿದ್ದು ಪರಸ್ಪರ ಪ್ರೀತಿಯ ಶುಭಾಶಯ ತಿಳಿಸಿದ್ದಾರೆ. ಟ್ರೋಲ್ ಬಗ್ಗೆ ಈ ಜೋಡಿ ತಲೆ ಕೆಡಿಸಿಕೊಳ್ಳುವುದೇ ಇಲ್ಲ.