Rashmika Mandanna: ವೈರಲ್ ಆಗುತ್ತಿದೆ ರಶ್ಮಿಕಾರ ಮತ್ತೊಂದು ಚುಂಬನದ ಚಿತ್ರ..!

ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯವಾಗಿರುವ ನಟಿಯರಲ್ಲಿ ರಶ್ಮಿಕಾ ಮಂದಣ್ಣ ಸಹ ಒಬ್ಬರು. ಇನ್ನು ರಶ್ಮಿಕಾ ಒಂದು ಫೋಟೋ ಪೋಸ್ಟ್ ಮಾಡಿದರೂ ಸಹ ಅದು ವೈರಲ್ ​ಆಗುತ್ತದೆ. ಅಷ್ಟರ ಮಟ್ಟಿಗೆ ರಶ್ಮಿಕಾ ಅವರಿಗೆ ಹಿಂಬಾಲಕರಿದ್ದಾರೆ.

ರಶ್ಮಿಕಾ ಮೊದಲ ಬಾರಿಗೆ ಟ್ರೋಲ್​ ಆಗಿದ್ದು, ಟಾಲಿವುಡ್​ನ ಗೀತ ಗೋವಿಂದಂ ಸಿನಿಮಾದಲ್ಲಿ ವಿಜಯ್ ದೇವರಕೊಂಡ ಜೊತೆ ಮಾಡಿದ್ದ ಆ ಚುಂಬನದ ವಿಡಿಯೋದಿಂದಾಗಿ. ನಂತರದಲ್ಲಿ ಮತ್ತೆ ರಶ್ಮಿಕಾ ಡಿಯರ್​ ಕಾಮ್ರೇಡ್ ಚಿತ್ರದಲ್ಲಿ ವಿಜಯ್ ದೇವರಕೊಂಡ ಜೊತೆ ಮತ್ತೆ ಚುಂಬನ ದೃಶ್ಯದಲ್ಲಿ ಕಾಣಿಸಿಕೊಂಡಿದ್ದರು.

ಇದೇ ಕಾರಣದಿಂದಾಗಿ ಆಗಾಗ ರಶ್ಮಿಕಾ ಟ್ರೋಲ್ ಆಗುತ್ತಿರುತ್ತಾರೆ. ಈಗಲೂ ಸಹ ಟ್ರೋಲಿಗರು ರಶ್ಮಿಕಾರ ಹಳೇ ವಿಡಿಯೋ ಹಾಗೂ ಫೋಟೋಗಳನ್ನು ಹುಡುಕಿ ಹುಡುಕಿ ಟ್ರೋಲ್ ಮಾಡುತ್ತಾರೆ.

ಆದರೆ, ಈ ಸಲ ರಶ್ಮಿಕಾ ಖುದ್ದು ತಾವೇ ಒಂದು ಮುದ್ದಾದ ಚುಂಬನ ಚಿತ್ರವನ್ನು ಹಂಚಿಕೊಂಡಿದ್ದು, ಅದು ನೆಟ್ಟಿಗರ ಮನ ಗೆದ್ದಿದೆ. ಹೌದು, ಅಷ್ಟಕ್ಕೂ ರಶ್ಮಿಕಾರ ಜೊತೆ ಆ ಚಿತ್ರದಲ್ಲಿ ಇರೋದು ಯಾರು ಅಂತೀರಾ..?

ಅದೇ ರಶ್ಮಿಕಾ ಅವರ ಮುದ್ದಿನ ಸಾಕು ನಾಯಿ ಔರಾ... ಈ ನಟಿಗೆ ಕೊಂಚ ಸಮಯ ಸಿಕ್ಕರೂ ಸಾಕು ತಮ್ಮ ಔರಾ ಜೊತೆ ಆಡಲು ಕುಳಿತು ಬಿಡುತ್ತಾರೆ. ಔರಾಗೆ ಮುತ್ತಿಡುತ್ತಾ ತೆಗೆಸಿಕೊಂಡ ಚಿತ್ರವನ್ನು ರಶ್ಮಿಕಾ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಕೆಲವೊಮ್ಮೆ ರಶ್ಮಿಕಾ ತಮ್ಮ ಮುದ್ದಿನ ನಾಯಿಯನ್ನು ಶೂಟಿಂಗ್​ಗೂ ಜೊತೆಯಲ್ಲಿ ಕೆರೆದುಕೊಂಡು ಹೋಗುತ್ತಾರೆ. ಈ ಹಿಂದೆ ಗುಡ್​ಬೈ ಚಿತ್ರದ ಸೆಟ್​ನಲ್ಲೂ ಔರಾ ಕಾಣಿಸಿಕೊಂಡಿತ್ತು. ಜೊತೆಗೆ ಔರಾ ಈಗ ರಶ್ಮಿಕಾರ  ಸ್ಟ್ರೆಸ್​ ಬಸ್ಟರ್ ಎಂದರೆ ತಪ್ಪಾಗದು.

ಇತ್ತೀಚೆಗಷ್ಟೆ ರಶ್ಮಿಕಾ ತಮ್ಮ ಬಾಲಿವುಡ್​ನ ಮೊದಲ ಪ್ರಾಜೆಕ್ಟ್​ ಮಿಷನ್ ಮಜ್ನು ಚಿತ್ರದ ಶೂಟಿಂಗ್ ಪೂರ್ಣಗೊಳಿಸಿದ್ದಾರೆ. ಸದ್ಯ ರಶ್ಮಿಕಾ ಅಭಿನಯದ ಪುಷ್ಪ ಹಾಗೂ ಮಿಷನ್ ಮಜ್ನು ರಿಲೀಸ್​ಗೆ ಸಜ್ಜಾಗುತ್ತಿದೆ.

ಈ ಸಿನಿಮಾಗಳ ಜೊತೆಗೆ ಟಾಲಿವುಡ್​ನಲ್ಲಿ ಆಡವಾಳ್ಳು ಮೀಕು ಜೋಹಾರುಲು ಹಾಗೂ ಬಾಲಿವುಡ್​ನಲ್ಲಿ ಅಮಿತಾಭ್ ಬಚ್ಚನ್ ಜೊತೆ ಗುಡ್ ಬೈ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.