Rashmika Mandanna: ಕರಣ್ ಜೋಹರ್ ಬರ್ತ್ ಡೇ ಪಾರ್ಟಿಯಲ್ಲಿ ರಶ್ಮಿಕಾ, ಏನ್ ಸಖತ್ತಾಗಿ ರೆಡಿ ಆಗಿದಾರೆ ನೋಡಿ

ಕರಣ್ ಅವರು ಅದ್ದೂರಿ ಹುಟ್ಟುಹಬ್ಬದ ಪಾರ್ಟಿಯನ್ನು ಆಯೋಜಿಸಿದ್ದರು, ಚಿತ್ರರಂಗದ ಅನೇಕ ತಾರೆಯರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಅನುಷ್ಕಾ ಶರ್ಮಾ ರಿಂದ ಶಾಹಿದ್ ಕಪೂರ್ ವರೆಗೆ ಎಲ್ಲರೂ ಭಾಗವಹಿಸಿದ್ದರು.

ಎಲ್ಲಾ ಅತಿಥಿಗಳ ನಡುವೆ, ಎಲ್ಲರ ಕಣ್ಣು ಸೆಳೆದಿದ್ದು ಮಾತ್ರ ನ್ಯಾಷನಲ್ ಕ್ರಶ್, ರಶ್ಮಿಕಾ ಮಂದಣ್ಣ. ಕರಣ್ ಜೋಹರ್ ಅವರ ಹುಟ್ಟುಹಬ್ಬದ ಪಾರ್ಟಿಯಲ್ಲಿ ಎಲ್ಲರನ್ನು ಬೆರಗುಗೊಳಿಸಿದ ರಶ್ಮಿಕಾ ತಮ್ಮ ಸ್ಪೈಲ್ ಮೂಲಕ ಅಭಿಮಾನಿಗಳ ಮನಸ್ಸನ್ನು ಕದ್ದಿದ್ದಾರೆ.

ರಶ್ಮಿಕಾ ಬಹಳ ಸುಂದರವಾಗಿ ಕಾಣಿಸುತ್ತಿದ್ದರು. ಕಪ್ಪು ಬಣ್ಣದ ಉದ್ದನೆಯ ಹಾಗೂ ನೆಟ್ ಹೊಂದಿರುವ ವಿಭಿನ್ನವಾದ ಉಡುಪು ಧರಿಸಿದ್ದ ರಶ್ಮಿಕಾ ಮೇಲೆಯೇ ಹಲವರ ಕಣ್ಣಿತ್ತು. ಜೊತೆಗೆ ಡೈಮಂಡ್ ಕಿವಿಯೋಲೆಗಳು, ಹೀಲ್ಸ್ ಇನ್ನಷ್ಟು ಮೆರಗನ್ನು ಹೆಚ್ಚಿಸಿತ್ತು.

ರಶ್ಮಿಕಾ ತನ್ನ ಬಟ್ಟೆಗೆ ತಕ್ಕಂತೆ ಮೇಕಪ್ ಮತ್ತು ಕೇಶ ವಿನ್ಯಾಸವನ್ನು ಸಹ ಮಾಡಿದ್ದರು. ಕೂದಲನ್ನು ಕಟ್ಟದೇ ಹಾಗೆಯೇ ಬಿಟ್ಟಿದ್ದರು. ಅಲ್ಲದೇ ಮೇಕಪ್ ಕೂಡ ಆ ಸಂಜೆಯ ಜಗಮಗಿಸುವ ಪಾರ್ಟಿಗೆ ತಕ್ಕಂತೆ ಇತ್ತು.

ರಶ್ಮಿಕಾ ಕೆಲ ಕಾಲ ಬಾಲಿವುಡ್​ ಮಂದಿಯನ್ನ ತನ್ನತ್ತ ಸೆಳೆದಿದ್ದರು ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಅವರ ಲುಕ್, ಡ್ರೆಸ್​ ಬಗ್ಗೆಯೇ ಚರ್ಚೆ ನಡೆದಿದೆಯಂತೆ.

ಸದ್ಯ ರಶ್ಮಿಕಾ ಏನೇ ಮಾಡಿದರೂ ಸುದ್ದಿ ಎನ್ನುವಂತಾಗಿದೆ. ಅವರೂ ಹೋದಲ್ಲಿ ಬಂದಲ್ಲಿ ಪಾಪರಾಜಿಗಳು ಅವರನ್ನು ಹಿಂಬಾಲಿಸುತ್ತಾರೆ. ಸಣ್ಣ ಸಣ್ಣ ವಿಚಾರಗಳು ಸಹ ದೊಡ್ಡದು ಎನ್ನುವಂತಾಗಿದೆ.

ತಮಿಳು ಹಾಗೂ ತೆಲುಗಿನಲ್ಲಿ ಬ್ಯುಸಿ ಇರುವ ರಶ್ಮಿಕಾ, ಬಾಲಿವುಡ್​ನಲ್ಲಿ ಸಹ ಚಿತ್ರಗಳನ್ನು ಒಪ್ಪಿಕೊಂಡಿದ್ದಾರೆ. ಸದ್ಯ ಅವರು ಸಿದ್ಧಾರ್ಥ ಜೊತೆ ಅಭಿನಯಿಸುತ್ತಿರುವ ಮಿಷನ್ ಮಜ್ನು ತೆರೆಗೆ ಬರಲು ಸಿದ್ದವಾಗಿದೆ.

ಅದೊಂದೇ ಅಲ್ಲದೇ ಬಿಗ್ ಬಿ ಜೊತೆ ಸಹ ತೆರೆ ಹಂಚಿಕೊಳ್ಳುತ್ತಿದ್ದು, ಒಟ್ಟಾರೆಯಾಗಿ ದಕ್ಷಿಣದ ಲಕ್ಕಿ ಗರ್ಲ್ ಬಾಲಿವುಡ್​ನಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ.