Rashmika Mandanna: ಮತ್ತದೇ ಟಾಲಿವುಡ್​ ನಟನ ಜೊತೆ ತೆರೆ ಹಂಚಿಕೊಳ್ಳಲಿರುವ ರಶ್ಮಿಕಾ ಮಂದಣ್ಣ..!

ರಶ್ಮಿಕಾ ಮಂದಣ್ಣ ಸದ್ಯ ಮುಂಬೈನಲ್ಲಿದ್ದು, ಅಮಿತಾಭ್​ ಬಚ್ಚನ್​ ಅವರೊಂದಿಗೆ ಗುಡ್​ಬೈ ಸಿನಿಮಾದ ಶೂಟಿಂಗ್​ನಲ್ಲಿದ್ದಾರೆ.

ಹೀಗಿರುವಾಗಲೇ ರಶ್ಮಿಕಾ ಅವರ ಹೊಸ ತೆಲುಗು ಸಿನಿಮಾ ಕುರಿತಾದ ಸುದ್ದಿಯೊಂದು ಹೊರ ಬಿದ್ದಿದೆ.

ರಶ್ಮಿಕಾ ಈಗಾಗಲೇ ತೆಲುಗಿನಲ್ಲಿ ಸಾಕಷ್ಟು ಹಿಟ್​ ಸಿನಿಮಾಗಳನ್ನು ಕೊಟ್ಟಿದ್ದಾರೆ.

ಗೀತ ಗೋವಿಂದಂ ಹಾಗೂ ಡಿಯರ್ ಕಾಮ್ರೇಡ್​ ಸಿನಿಮಾಗಳಲ್ಲಿ ವಿಜಯ್​ ದೇವರಕೊಂಢ ಜತೆ ನಟಿಸಿದ್ದಾರೆ ರಶ್ಮಿಕಾ ಮಂದಣ್ಣ.

ಆದರೆ, ಈಗ ಇದೇ ರಶ್ಮಿಕಾ ಟಾಲಿವುಡ್​ ನಟರೊಬ್ಬರ ಜತೆ ಮತ್ತೆ ತೆರೆ ಹಂಚಿಕೊಳ್ಳಲಿದ್ದಾರೆ.

ಹೌದು, ಈ ಸುದ್ದಿ ನಿಜ. ಆದರೆ ರಶ್ಮಿಕಾ ಮತ್ತೆ ನಟಿಸಲಿರುವ ನಟ ಯಾರು ಗೊತ್ತಾ..?

ಅದೇ ನಿತಿನ್​. ಹೌದು, ಈ ಜೋಡಿ ಭೀಷ್ಮ ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದರು. ಸಿನಿಮಾ ಸಹ ಹಿಟ್​ ಆಗಿತ್ತು.

ರಶ್ಮಿಕಾ ಈಗ ಇದೇ ನಟನ ಜತೆ ಮತ್ತೆ ನಟಿಸಲಿದ್ದಾರೆ. ಅದು ನಿರ್ದೇಶಕ ವಕ್ಕಂತಂ ವಂಶಿ ಅವರ ಚಿತ್ರದಲ್ಲಿ.

ವಂಶಿ ಅವರ ಸಿನಿಮಾದಲ್ಲಿ ನಟಿಸಲು ನಿತಿನ್ ಈಗಾಗಲೇ ಓಕೆ ಹೇಳಿದ್ದಾರಂತೆ.

ಈ ಕುರಿತಾಗಿ ರಶ್ಮಿಕಾ ಜತೆ ಮೊದಲ ಹಂತದ ಮಾತುಕತೆ ಸಹ ಮುಗಿದಿದೆಯಂತೆ. ರಶ್ಮಿಕಾ ಇದನ್ನು ಹೊರತುಪಡಿಸಿ ಶರ್ವಾನಂದ ಜತೆ ಆಡವಾಳ್ಳು ಮೀಕು ಜೋಹಾರುಲು ಹಾಗೂ ಅಲ್ಲು ಅರ್ಜುನ್​ ಜತೆ ಪುಷ್ಪ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.