Rashmika Mandanna: ಮತ್ತೆ ಸಾನ್ವಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದಿಲ್ಲ ಎಂದ ರಶ್ಮಿಕಾ ಮಂದಣ್ಣ..!

ಕನ್ನಡ, ತೆಲುಗು, ತಮಿಳು ಸೇರಿದಂತೆ ಬಾಲಿವುಡ್​ನಲ್ಲೂ ಮಿಂಚುತ್ತಿರುವ ನಟಿ ರಶ್ಮಿಕಾ ಮಂದಣ್ಣ.

ಬಾಲಿವುಡ್​ನಲ್ಲಿ ಈಗಾಗಲೇ ಎರಡು ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ನಟಿಗೆ ಮೂರನೇ ಸಿನಿಮಾ ಸಹ ಸಿಕ್ಕಿದೆ.

ಯಶಸ್ಸಿನ ಉತ್ತುಂಗದಲ್ಲಿರುವ ರಶ್ಮಿಕಾ ತಮಗೆ ಹೆಸರು ತಂದುಕೊಟ್ಟ ಸಾನ್ವಿ ಪಾತ್ರದ ಬಗ್ಗೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

2016ರಲ್ಲಿ ತೆರೆಕಂಡ ಕಿರಿಕ್​ ಪಾರ್ಟಿ ಸಿನಿಮಾ ಈಗ ಹಿಂದಿಯಲ್ಲಿ ರಿಮೇಕ್​ ಆಗಲಿದೆಯಂತೆ.

ಈ ಸಿನಿಮಾದಲ್ಲಿ ರಶ್ಮಿಕಾ ಮತ್ತೆ ಸಾನ್ವಿ ಜೋಸೆಫ್​ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋ ಸುದ್ದಿ ಗುಲ್ಲಾಗಿದೆ.

ಈ ಗುಲ್ಲಾಗಿರುವ ಸುದ್ದಿಯ ಕುರಿತಾಗಿ ಪ್ರತಿಕ್ರಿಯೆ ನೀಡಿರುವ ರಶ್ಮಿಕಾ ಮಂದಣ್ಣ ಮತ್ತೊಮ್ಮೆ ಸಾನ್ವಿ ಪಾತ್ರದಲ್ಲಿ ನಟಿಸೋದಿಲ್ಲ ಎಂದಿದ್ದಾರಂತೆ.

ಸಾನ್ವಿ ಪಾತ್ರದಲ್ಲಿ ಈಗಾಗಲೇ ಒಮ್ಮೆ ನಟಿಸಿ, ಅದರ ಭಾವನೆಗಳನ್ನು ಫಿಲ್​ ಮಾಡಿದ್ದೇನೆ. ಮತ್ತೆ ಅದೇ ಪಾತ್ರಲದಲ್ಲಿ ನಟಿಸಲು ಹೋದರೆ ಹೊಸದಾಗಿ ನೀಡಲು ಏನು ಇರುವುದಿಲ್ಲ ಎಂದಿದ್ದಾರೆ ಲಿಲ್ಲಿ. 

ಜೊತೆಗೆ ಅಮಿತಾಭ್​ ಜೊತೆ ಹಿಂದಿ ಚಿತ್ರದಲ್ಲೂ ನಟಿಸುತ್ತಿದ್ದಾರೆ.

ಸದ್ಯ ಅಲ್ಲು ಅರ್ಜುನ್​ ಅಭಿನಯದ ಪುಷ್ಪ ಸಿನಿಮಾದಲ್ಲಿ ರಶ್ಮಿಕಾ ನಟಿಸುತ್ತಿದ್ದಾರೆ.