Rashmika Mandanna: ಕಿಸ್ಸಿಂಗ್ ಸೀನ್ ಜಾಸ್ತಿ ಆಯ್ತು ಎಂದು ಸಿನಿಮಾ ರಿಜೆಕ್ಟ್ ಮಾಡಿದ ರಶ್ಮಿಕಾ

ಬಹುಭಾಷಾ ನಟಿ ರಶ್ಮಿಕಾ ಮಂದಣ್ಣ ಅವರ ಬಹಳಷ್ಟು ಸಿನಿಮಾಗಳು ಸೂಪರ್ ಹಿಟ್ ಆಗುತ್ತಿವೆ. ಅವರು ನಟಿಸಿದರೆ ಆ ಸಿನಿಮಾ ಫ್ಲಾಪ್ ಅಂತೂ ಆಗಲ್ಲ ಎನ್ನುವ ನಂಬಿಕೆ ನಿರ್ಮಾಪಕರಿಗಿದೆ. ಹಾಗಾಗಿ ನಟಿಗೆ ಅವಕಾಶಗಳು ಹೆಚ್ಚುತ್ತಲೇ ಇದೆ. ಶೆಡ್ಯೂಲ್ ಬ್ಯುಸಿ ಆದರ ಕಾರಣ ನಟಿ ಬಹಳಷ್ಟು ಹಿಟ್ ಸಿನಿಮಾ ರಿಜೆಕ್ಟ್ ಮಾಡಿದ್ದಾರೆ.

ಕಳೆದ ವರ್ಷ ಚಿರಂಜೀವಿ, ರಾಮ್ ಚರಣ್ 'ಆಚಾರ್ಯ' ಚಿತ್ರದಲ್ಲಿ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಅವರನ್ನು ಅಭಿನಯಿಸುವಂತೆ ಕೇಳಲಾಗಿತ್ತು. ಆದರೆ ಕಾರಣಾಂತರಗಳಿಂದ ನಟಿಗೆ ಡೇಟ್ಸ್ ಹೊಂದಾಣಿಕೆ ಆಗಲಿಲ್ಲ. ಈ ಅವಕಾಶ ಪೂಜಾಗೆ ಹೋಯಿತು.

ಆಚಾರ್ಯ ಸಿನಿಮಾದಲ್ಲಿ ಪೂಜಾ ಹೆಗ್ಡೆ ಪಾತ್ರಕ್ಕೆ ಮಹತ್ವವಿಲ್ಲ. ಕೇವಲ ಮೆಗಾ ಹೀರೋ ಚಿತ್ರ ಎಂಬ ಕಾರಣಕ್ಕೆ ಹಾಗೂ ಸಂಭಾವನೆ ಚೆನ್ನಾಗಿದೆ ಎಂದು ಸೈನ್ ಮಾಡಿದರು ಎನ್ನಲಾಗುತ್ತಿದೆ.

ರಶ್ಮಿಕಾ ಮಂದಣ್ಣ ತೆಲುಗಿನಲ್ಲಿ ವಿಜಯ್ ದೇವರಕೊಂಡ ಜೊತೆಗಿನ 'ಗೀತ ಗೋವಿಂದಂ' ಚಿತ್ರದ ಮೂಲಕ ಸ್ಟಾರ್ ಹೀರೋಯಿನ್ ಆದರು. ಅದರ ನಂತರ, ಅವರು ಮಹೇಶ್ ಬಾಬು ಅವರ ಸರಿಲೇರು ನೀಕೆವ್ವರು ಮತ್ತು ಅಲ್ಲು ಅರ್ಜುನ್ ಜೊತೆ ಪುಷ್ಪಾ ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ನಟಿಯಾದರು.

ರಶ್ಮಿಕಾ ಕಡಿಮೆ ಸಮಯದಲ್ಲಿ ಸ್ಟಾರ್ ಹೀರೋಯಿನ್ ಆಗಲು ಅವರ ಸಿನಿಮಾ ಆಯ್ಕೆಗಳ ಪಾತ್ರ ಹೆಚ್ಚಿದೆ. ರಶ್ಮಿಕಾ ಆಯ್ಕೆ ಮಾಡಿಕೊಂಡ ಕಥೆಗಳೂ ಪ್ರಮುಖ ಪಾತ್ರ ವಹಿಸಿವೆ. ಈ ಐದು ವರ್ಷಗಳಲ್ಲಿ ಅವರು 50 ಕ್ಕೂ ಹೆಚ್ಚು ಸ್ಕ್ರಿಪ್ಟ್‌ಗಳನ್ನು ತಿರಸ್ಕರಿಸಿದರು.

ಕಿರಿಕ್ ಪಾರ್ಟಿ (ಹಿಂದಿ) ಕನ್ನಡದ ಹಿಟ್ ಸಿನಿಮಾ ಕಿರಿಕ್ ಪಾರ್ಟಿ ಹಿಂದಿಯಲ್ಲಿ ಕಾರ್ತಿಕ್ ಆರ್ಯನ್ ಜೊತೆ ರಿಮೇಕ್ ಆಗುತ್ತಿದೆ. ಚಿತ್ರದಲ್ಲಿ ಮೂಲ ಪಾತ್ರ ಮಾಡಿದ್ದ ರಶ್ಮಿಕಾ ಅವರನ್ನು ಮೊದಲು ಸಂಪರ್ಕಿಸಲಾಗಿತ್ತು. ಆದರೆ ನಟಿ ಈ ಪ್ರಾಜೆಕ್ಟ್‌ಗೆ ನೋ ಎಂದ ಕಾರಣ ಕೃತಿ ಸನೋನ್ ಆಯ್ಕೆಯಾದರು.

ತೆಲುಗಿನ ಹಿಟ್ ಚಿತ್ರ ಜೆರ್ಸಿಯನ್ನು ಹಿಂದಿಯಲ್ಲಿ ಶಾಹಿದ್ ಕಪೂರ್ ಜೊತೆ ಅದೇ ಟೈಟಲ್​ನಲ್ಲಿ ರಿಮೇಕ್ ಮಾಡಲಾಗಿದೆ. ಈ ಚಿತ್ರದಲ್ಲಿ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಅವರನ್ನು ಮೊದಲು ಸಂಪರ್ಕಿಸಲಾಯಿತು. ಆದರೆ ಈ ಸಿನಿಮಾದಲ್ಲಿ ಸಾಕಷ್ಟು ಚುಂಬನದ ದೃಶ್ಯಗಳಿವೆ ಎಂದು ರಶ್ಮಿಕಾ ಆಫರ್ ತಿರಸ್ಕರಿಸಿದ್ದಾರೆ. ನಂತರ ಈ ಪಾತ್ರಕ್ಕೆ ಮೃಣಾಲ್ ಸೇನ್ ಅವರನ್ನು ಆಯ್ಕೆ ಮಾಡಲಾಯಿತು.

ರಶ್ಮಿಕಾ ಸದ್ಯ ಪುಷ್ಪಾ 2 ಮೂಲಕ ಮತ್ತೊಮ್ಮೆ ಪ್ರೇಕ್ಷಕರನ್ನು ರಂಜಿಸಲಿದ್ದಾರೆ. ಪುಷ್ಪಾ ಸಿನಿಮಾ ಹಿಟ್ ಆದ ನಂತರ ರಶ್ಮಿಕಾ ಬೇಡಿಕೆ ಹೆಚ್ಚಾಗಿದೆ.