Rashmika Mandanna: ಸಾಮಿ ಸಾಮಿ ಹಾಡಿಗೆ ಡ್ಯಾನ್ಸ್ ಮಾಡಲ್ಲ ಎಂದಿದ್ರು ರಶ್ಮಿಕಾ! ಕಾರಣ ಏನ್ ಗೊತ್ತಾ?

ಅಲ್ಲು ಅರ್ಜುನ್ ಅಭಿನಯದ ಪುಷ್ಪ ಚಿತ್ರ ಭಾರತದಾದ್ಯಂತ ಭರ್ಜರಿ ಯಶಸ್ಸು ಕಂಡಿದೆ. ಸುಕುಮಾರ್ ನಿರ್ದೇಶನದ ಈ ಚಿತ್ರದಲ್ಲಿ ಅಲ್ಲು ಅರ್ಜುನ್ ಜೊತೆಗೆ ರಶ್ಮಿಕಾ ಮಂದಣ್ಣ ಮತ್ತು ಫಹಾದ್ ಫಾಸಿಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಮೊದಲ ಭಾಗದ ಯಶಸ್ಸಿನ ನಂತರ ಪುಷ್ಪಾ 2 ಸಿನಿಮಾ ಕೆಲಸ ಹೈದರಾಬಾದ್‌ನಲ್ಲಿ ನಡೆಯುತ್ತಿದೆ. ಸಿನಿಮಾದ ಕೆಲಸಗಳು ಭರ್ಜರಿಯಾಗಿ ಸಾಗುತ್ತಿದೆ. ಇದರಲ್ಲಿ ಪುಷ್ಪರಾಜ್ ರೂಲ್​ ನೋಡಲಿದ್ದಾರೆ ಪ್ರೇಕ್ಷಕರು.

ಈ ನಡುವೆ ನಾಯಕಿ ರಶ್ಮಿಕಾ ಮಂದಣ್ಣ ಹೇಳಿರುವ ವಿಷಯ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಸಿನಿಮಾದಲ್ಲಿ ‘ಸಾಮಿ ಸಾಮಿ’ ಹಾಡು ಸೂಪರ್ ಹಿಟ್ ಆಗಿ ಭಾರತದಾದ್ಯಂತ ಜನಪ್ರಿಯತೆ ಗಳಿಸಿತ್ತು.

ಜಾನಪದ ಟಚ್ ಇರುವ ಹಾಡಿಗೆ ಸಖತ್ ಆಗಿ ಕಿರಿಕ್ ಚೆಲುವೆ ಸ್ಟೆಪ್ಸ್ ಹಾಕಿದ್ದಾರೆ. ಈ ಡ್ಯಾನ್ಸ್ ಮೂವ್ಸ್ ಸಖತ್ ಹಿಟ್ ಆಗಿದೆ. ಈ ಹಾಡಿಗೆ ತುಂಬಾ ಜನರು ರೀಲ್ಸ್ ವಿಡಿಯೋ ಮಾಡಿ ಈಗಲೂ ಶೇರ್ ಮಾಡುತ್ತಿದ್ದಾರೆ.

ಸಾಮಿ ಸಾಮಿ ತೆಲುಗು ಮಾತ್ರವಲ್ಲದೆ ಮಲಯಾಳಂ, ತಮಿಳು, ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ಹಿಟ್ ಆಯಿತು. ಇನ್‌ಸ್ಟಾಗ್ರಾಮ್ ರೀಲ್‌ಗಳಲ್ಲಿ ಹೊಸ ವೇವ್ ಸೃಷ್ಟಿಯಾಯಿತು. ಈ ಹಾಡಿನ ಮೂಲಕ ಗಮನ ಸೆಳೆದಿರುವ ರಶ್ಮಿಕಾ ಇನ್ನು ಮುಂದೆ ಈ ಹಾಡಿಗೆ ಸ್ಟೆಪ್ ಹಾಕುವುದಿಲ್ಲ ಎಂದು ಹೇಳಿದಾಗ ಅಭಿಮಾನಿಗಳು ಶಾಕ್ ಆಗಿದ್ದಾರೆ.

ಟ್ವಿಟ್ಟರ್‌ನಲ್ಲಿ ಆಸ್ಕ್ ಮಿ ಎನಿಥಿಂಗ್ ಸೆಷನ್‌ನಲ್ಲಿ ತಮ್ಮ ಅಭಿಮಾನಿಗಳೊಂದಿಗೆ ಪ್ರಶ್ನೋತ್ತರ ಅವಧಿಯಲ್ಲಿ ಅಭಿಮಾನಿ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ರಶ್ಮಿಕಾ ತಮ್ಮ ನಿರ್ಧಾರದ ಬಗ್ಗೆ ಮಾತನಾಡಿದರು. ರಶ್ಮಿಕಾ ಜೊತೆ ಸಾಮಿ ಸಾಮಿ ಹಾಡಿಗೆ ನೃತ್ಯ ಮಾಡಬೇಕೆಂದು ಅಭಿಮಾನಿ ಬಯಸಿದ್ದರು.

ಆದರೆ 'ಈಗಾಗಲೇ ಸಾಮಿ ಸಾಮಿ ಸ್ಟೆಪ್ ಅನ್ನು ಹಲವು ಬಾರಿ ಮಾಡಿದ್ದೇನೆ. ಮತ್ತೆ ಆ ಸ್ಟೆಪ್ಸ್ ಮಾಡಿದರೆ ಮುಂದೆ ಬೆನ್ನು ನೋವು ಬರುತ್ತೆ ಅನ್ನಿಸುತ್ತದೆ. ಇನ್ನೇನಾದರೂ ಮಾಡಬಹುದು ಎಂದು ನಟಿ ಉತ್ತರಿಸಿದ್ದಾರೆ.

ಪುಷ್ಪಾ ಬಿಡುಗಡೆಯ ಮೊದಲು ಮತ್ತು ನಂತರ, ರಶ್ಮಿಕಾ ಅವರು ಭಾಗವಹಿಸಿದ ಎಲ್ಲಾ ಸ್ಥಳಗಳಲ್ಲಿ ಪುಷ್ಪಾ ಸಿನಿಮಾದ ಸಾಮಿ ಸಾಮಿ ಹಾಡಿಗೆ ಹೆಜ್ಜೆ ಹಾಕಿದರು. ಈ ಹಾಡಿನ ಹುಕ್ ಸ್ಟೆಪ್ ಎಲ್ಲಾ ಕಡೆಗಳಲ್ಲಿ ವೈರಲ್ ಆಯಿತು.

ಯೂಟ್ಯೂಬ್‌ನಲ್ಲಿ ಅಪ್‌ಲೋಡ್ ಮಾಡಲಾದ ಹಾಡಿನ ತೆಲುಗು ಆವೃತ್ತಿಯು 111 ಮಿಲಿಯನ್ ವೀಕ್ಷಣೆಗಳನ್ನು ಹೊಂದಿದೆ. ಈ ಹಾಡನ್ನು ದೇವಿಶ್ರೀ ಪ್ರಸಾದ್ ರಚಿಸಿದ್ದಾರೆ. ಈ ಹಾಡನ್ನು ತೆಲುಗಿನಲ್ಲಿ ಮೌನಿಕಾ ಯಾದವ್ ಮತ್ತು ಮಲಯಾಳಂನಲ್ಲಿ ಸಿತಾರಾ ಕೃಷ್ಣಕುಮಾರ್ ಹಾಡಿದ್ದಾರೆ.s