Rashmika Mandanna: ಮೈಕಲ್ ಜಾಕ್ಸನ್ ತರಹ ಕಾಣ್ತಿದ್ದೀರಿ! ರಶ್ಮಿಕಾ ಲುಕ್ ನೋಡಿ ನೆಟ್ಟಿಗರಿಂದ ಟ್ರೋಲ್

ಕೊಡಗಿನ ಕುವರಿ ರಶ್ಮಿಕಾ ಮಂದಣ್ಣ ಹೊಸ ರೀತಿಯ ಫೋಟೋ ಶೂಟ್‌ನಲ್ಲಿ ಹೊಳೆಯುತ್ತಿದ್ದಾರೆ. ಹಾರ್ಪರ್ಸ್‌ ಬಜಾರ್ ಕವರ್ ಪೇಜ್‌ಗೆ ಮಾಡಿಸಿರೋ ಈ ಫೋಟೋಗಳಲ್ಲಿ ರಶ್ಮಿಕಾ ಮಂದಣ್ಣ ಸ್ಪೆಷಲ್ ಆಗಿ ಮತ್ತು ಬೇರೆ ರೀತಿಯಲ್ಲಿಯೇ ಕಾಣಿಸಿಕೊಳ್ಳುತ್ತಿದ್ದಾರೆ.

ರಶ್ಮಿಕಾ ಮಂದಣ್ಣ ಕನ್ನಡ ಸಿನಿಮಾರಂಗದಿಂದ ದೂರವೇ ಉಳಿದು ಬಿಟ್ಟಿದ್ದಾರೆ ಬಿಡಿ. ಕನ್ನಡದ ಯಾವುದೇ ಸಿನಿಮಾಗಳನ್ನ ರಶ್ಮಿಕಾ ಮಂದಣ್ಣ ಒಪ್ಪಿಕೊಳ್ತಾನೇ ಇಲ್ಲ ಅನ್ನೋ ಮಟ್ಟಿಗೆ ಟಾಕ್ ಜಾರಿಯಲ್ಲಿ ಇದೆ. ಆದರೆ ಈ ಬಗ್ಗೆ ಯಾರೂ ಎಲ್ಲೂ ಓಪನ್ ಆಗಿ ಹೇಳಿಕೊಂಡಿಲ್ಲ.

ರಶ್ಮಿಕಾ ಮಂದಣ್ಣ ಸಿನಿಮಾ ಜೀವನ ಈಗ ಟಾಲಿವುಡ್ ಪುಷ್ಪ-2 ಚಿತ್ರದ ವರೆಗೂ ಓಡ್ತಿದೆ. ಮುಂದೇ ಏನೂ ಅನ್ನೋದು ಗೊತ್ತಿಲ್ಲ. ಆದರೆ ರಶ್ಮಿಕಾ ಮಂದಣ್ಣ ಸದ್ಯ ಮಾರ್ಕೆಟ್‌ನಲ್ಲಿ ಓಡ್ತಿದ್ದಾರೆ. ಓಡುತ್ತಲೇ ಬೇಡಿಕೆಯನ್ನ ಉಳಿಸಿಕೊಂಡು ಮುನ್ನುಗುತ್ತಿದ್ದಾರೆ.

ರಶ್ಮಿಕಾ ಮಂದಣ್ಣ ಇದೀಗ ಕಾಣಿಸಿಕೊಂಡಿರೋ ಫೋಟೋಗಳು ಸ್ಪೆಷಲ್ ಆಗಿಯೇ ಬಂದಿವೆ. ಹಾರ್ಪರ್ಸ್‌ ಬಜಾರ್ ಅನ್ನೋದು ಒಂದು ರೀತಿ ಫ್ಯಾಷನ್ ಜಗತ್ತಿನ ಹೊಸ ಲೋಕವೇ ಸರಿಯೇನೋ, ಈ ಒಂದು ಹಾರ್ಪರ್ಸ್‌ ಬಜಾರ್‌ನ ಕವರ್ ಪೇಜ್‌ಗೆ ರಶ್ಮಿಕಾ ಮಂದಣ್ಣ ಫೋಟೋ ಶೂಟ್ ಮಾಡಿಸಿದ್ದಾರೆ.

ಹಾರ್ಪರ್ಸ್‌ ಬಜಾರ್‌ನ ಈ ಒಂದು ವಿಶೇಷ ಫೋಟೊ ಶೂಟ್‌ನ ಒಂದಷ್ಟು ಫೋಟೋಗಳನ್ನ ಸ್ವತಃ ರಶ್ಮಿಕಾ ಮಂದಣ್ಣ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ನಟಿ ರಶ್ಮಿಕಾ ಮಂದಣ್ಣ ಅವರ ಫೋಟೋ ನೋಡಿದ ನೆಟ್ಟಿಗರು ನೀವ್ಯಾಕೆ ಮೊದಲ ಫೋಟೋದಲ್ಲಿ ಮೈಕಲ್ ಜಾಕ್ಸನ್ ತರಹ ಕಾಣ್ತಿದ್ದೀರಿ ಎಂದು ಪ್ರಶ್ನಿಸಿದ್ದಾರೆ.

ರಶ್ಮಿಕಾ ಮಂದಣ್ಣ ಹಂಚಿಕೊಂಡ ಈ ಫೋಟೋಗಳಿಗೆ ಒಳ್ಳೆ ಕಾಮೆಂಟ್ ಕೂಡ ಬಂದಿವೆ. ಕೆಟ್ಟ ಕಾಮೆಂಟ್ಸ್ ಬಂದಿರೋದು ದುರಂತವೇ ಸರಿ. ತಮ್ಮ ಮನಸ್ಸಿಗೆ ತೋಚಿದ ರೀತಿಯಲ್ಲಿ ಕೆಲವರು ಇಲ್ಲಿ ಕಾಮೆಂಟ್ ಮಾಡಿದ್ದಾರೆ.

ರಶ್ಮಿಕಾ ಮಂದಣ್ಣ ತಮ್ಮ ಈ ಒಂದು ಫೋಟೋ ಶೂಟ್ ಅಲ್ಲಿ ತುಂಬಾ ಚೆನ್ನಾಗಿಯೇ ಕಾಣಿಸುತ್ತಿದ್ದಾರೆ. ಸಿಕ್ಕಾಪಟ್ಟೆ ಬಣ್ಣ ಹಚ್ಚಿಕೊಂಡು ಕ್ಯಾಮೆರಾ ಫೇಸ್ ಮಾಡಿದ್ದಾರೆ ಅಂತ ಇಲ್ಲಿ ಅನಿಸೋದಿಲ್ಲ. ರಶ್ಮಿಕಾ ಮಂದಣ್ಣ ಇಲ್ಲಿ ಸಹಜವಾಗಿಯೇ ಕಾಣಿಸಿಕೊಂಡಂತೆನೂ ಇದೆ. ಒಟ್ಟರೆ ರಶ್ಮಿಕಾ ಈ ಫೋಟೋ ಶೂಟ್‌ಲ್ಲಿ ಸ್ಪೆಷಲ್ ಆಗಿಯೇ ಹೊಳೆಯುತ್ತಿದ್ದಾರೆ.