Rashmika Mandanna: ಕೋಟಿ ಕೋಟಿ ಒಡತಿ ಕೊಡಗಿನ ಬೆಡಗಿ: ಅಬ್ಬಾ..! ರಶ್ಮಿಕಾ ಮಂದಣ್ಣ ಬಳಿ ಇದೆ ಕಾಸ್ಟ್ಲಿ ಕಾರು, ಅರ'ಮನೆ’!

ನ್ಯಾಷನಲ್ ಕ್ರಶ್, ಕಿರಿಕ್ ಬೆಡಗಿ, ಕೊಡಗಿನ ಕುವರಿ ರಶ್ಮಿಕಾ ಮಂದಣ್ಣ ಸೋಷಿಯಲ್ ಮೀಡಿಯಾದಲ್ಲಿ ಸದಾ ಸಕ್ರಿಯರಾಗಿರುತ್ತಾರೆ. ಬಹುಭಾಷಾ ನಟಿಯಾಗಿ ಬೆಳೆಯುತ್ತಿರುವ ರಶ್ಮಿಕಾ ಮಂದಣ್ಣಗೆ ಭಾರೀ ಡಿಮ್ಯಾಂಡ್. ಸ್ಯಾಂಡಲ್​ವುಡ್ ಮಾತ್ರವಲ್ಲದೇ, ಟಾಲಿವುಡ್ ಮತ್ತು ಹಾಲಿವುಡ್​​ನಲ್ಲೂ ಮೋಡಿ ಮಾಡುತ್ತಿದ್ದಾರೆ ರಶ್ಮಿಕಾ. ಹೀಗಾಗಿ ಇವರು ದಕ್ಷಿಣ ಭಾರತ ಚಿತ್ರರಂಗ ಮಾತ್ರವಲ್ಲದೇ ಇಡೀ ಭಾರತೀಯ ಚಿತ್ರರಂಗದಲ್ಲಿ ಜನಪ್ರಿಯ ನಾಯಕಿಯಾಗಿದ್ದಾರೆ.

ಡಿಯರ್ ಕಾಮ್ರೇಡ್ ತಾರೆ ರಶ್ಮಿಕಾ ಮಂದಣ್ಣ ಸದಾ ಒಂದಲ್ಲೊಂದು ವಿಷಯಕ್ಕೆ ಟ್ರೋಲಿಗರಿಗೆ ಆಹಾರವಾಗುತ್ತಲೇ ಇರುತ್ತಾರೆ. ತೆಲುಗಿನ ಪುಷ್ಪ ಸಿನಿಮಾ ಪೋಸ್ಟರ್ ರಿಲೀಸ್ ವೇಳೆಯೂ ರಶ್ಮಿಕಾ ಸಾಕಷ್ಟು ಟ್ರೋಲ್ ಆಗಿದ್ದರು. ರಶ್ಮಿಕಾ ನೀಡಿದ್ದ ಪೋಸ್​ಗೆ ನೆಟ್ಟಿಗರು ಕಾಲೆಳೆದಿದ್ದರು. ಏನೇ ಆದರೂ ಸ್ವಂತ ಪರಿಶ್ರಮ ಮತ್ತು ಪ್ರತಿಭೆಯಿಂದಾಗಿ ರಶ್ಮಿಕಾ ಚಿತ್ರರಂಗದಲ್ಲಿ ಬೆಳೆಯುತ್ತಿದ್ದಾರೆ.

ನಟ- ನಟಿಯರಿಗೆ ಹೆಚ್ಚಿನ ಯಶಸ್ಸಿನೊಂದಿಗೆ ಅಧಿಕ ಹಣವೂ ಹರಿದು ಬರುತ್ತದೆ. ಇದು ಅವರು ಸುಲಭ ಹಾಗೂ ಆರಾಮದಾಯಕ ಜೀವನ ನಡೆಸಲು ಅನುವು ಮಾಡಿಕೊಡುತ್ತದೆ. ಅಂತೆಯೇ ರಶ್ಮಿಕಾ ಮಂದಣ್ಣ ಕೂಡ ತಮ್ಮ ಜೀವನದಲ್ಲಿ ಅನೇಕ ದುಬಾರಿ ಹಾಗೂ ಐಷಾರಾಮಿ ವಸ್ತುಗಳನ್ನು ಖರೀದಿಸಿದ್ದಾರೆ. ಅವುಗಳ ಬಗ್ಗೆ ಇಲ್ಲಿದೆ ಮಾಹಿತಿ.

ಐಷಾರಾಮಿ ಕಾರುಗಳ ಒಡತಿ ರಶ್ಮಿಕಾ ಮಂದಣ್ಣ : ಹೌದು, ಕೊಡಗಿನ ಕುವರಿ ರಶ್ಮಿಕಾ ಮಂದಣ್ಣ ಬಳಿ ಅನೇಕ ಐಷಾರಾಮಿ ಮತ್ತು ದುಬಾರಿ ಕಾರುಗಳಿವೆ. ಆ ಲಿಸ್ಟ್​​ನಲ್ಲಿ 50 ಲಕ್ಷ ರೂಪಾಯಿ ಮೌಲ್ಯದ ಮರ್ಸಿಡಿಸ್​ ಸಿ ಕ್ಲಾಸ್​, ಆಡಿ ಕ್ಯೂ3 ಮತ್ತು ರೇಂಜ್​ ಡೋವರ್ ಕೂಡ ಸೇರಿವೆ. ಜೊತೆಗೆ ರಶ್ಮಿಕಾ ಬಳಿ ಇನ್ನೋವಾ ಮತ್ತು ಕ್ರೆಟಾ ಕಾರುಗಳೂ ಸಹ ಇವೆ.

ಐಷಾರಾಮಿ ಬಂಗಲೆ: ರಶ್ಮಿಕಾ ಮಂದಣ್ಣ ವಾಣಿಜ್ಯ ನಗರಿ ಮುಂಬೈನಲ್ಲಿ ಒಂದು ಐಷಾರಾಮಿ ಮನೆಯನ್ನೂ ಸಹ ಖರೀದಿಸಿದ್ದಾರೆ. ಕೆಲಸದ ಉದ್ದೇಶದಿಂದ ಮುಂಬೈನಲ್ಲಿ ಇರಬೇಕಾದ ಸಂದರ್ಭ ಬಂದಾಗ, ಸುಮಾರು 8 ಕೋಟಿ ರೂಪಾಯಿಗಳ ವಿಸ್ತಾರವಾದ ಮನೆಯನ್ನು ಕೊಂಡುಕೊಂಡರು ಎಂದು ವರದಿಯಾಗಿದೆ.

ದುಬಾರಿ ಹ್ಯಾಂಡ್​ ಬ್ಯಾಗ್​​: ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಬಳಿ ದುಬಾರಿ ಹ್ಯಾಂಡ್​ ಬ್ಯಾಗ್​​ಗಳು ಹಾಗೂ ಶೂಗಳಿವೆ. ಸುಮಾರು 2-5 ಲಕ್ಷ ಮೌಲ್ಯದ ಹ್ಯಾಂಡ್​ ಬ್ಯಾಗ್​ಗಳು ಹಾಗೂ ಶೂಗಳನ್ನು ರಶ್ಮಿಕಾ ಖರೀದಿಸಿದ್ದಾರೆ.

ರಶ್ಮಿಕಾ ಚಲೋ ಚಿತ್ರದ ಮೂಲಕ ಟಾಲಿವುಡ್​​ಗೆ ಪಾದಾರ್ಪಣೆ ಮಾಡಿದರು. ಇವರು ಪ್ರತೀ ಚಿತ್ರಕ್ಕೆ ಸುಮಾರು 3-4 ಕೋಟಿ ಸಂಭಾವನೆ ಪಡೆಯುತ್ತಾರೆ. ಸದ್ಯ ರಶ್ಮಿಕಾ ಬಾಲಿವುಡ್​​ನಲ್ಲೂ ಮೋಡಿ ಮಾಡಲು ಸಜ್ಜಾಗಿದ್ದಾರೆ.