Rashmika Mandanna: ರಶ್ಮಿಕಾ ಈ ಸ್ವೆಟರ್​​ ರೇಟ್​ನಲ್ಲಿ ಸಾವ್ರ ಬಟ್ಟೆ ತಗೋಬೋದಂತೆ!

ರಶ್ಮಿಕಾ ಮಂದಣ್ಣ ಈಗ ಎಲ್ಲಿ ನೋಡಿದರೂ ಅವರೇ ಕಾಣಿಸುತ್ತಾರೆ. ಪುಷ್ಪಾ ಬ್ಲಾಕ್ ಬಸ್ಟರ್ ಆದ ನಂತರ ಅವರ ಹವಾ ಹೆಚ್ಚಾಗಿದೆ. ತೆಲುಗು, ತಮಿಳು, ಹಿಂದಿ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇದರ ಜೊತೆಗೆ ಸಾಮಾಜಿಕ ಜಾಲತಾಣಗಳಲ್ಲೂ ಸದ್ದು ಮಾಡುತ್ತಲೇ ಇರುತ್ತಾರೆ.

ರಶ್ಮಿಕಾ ಮಂದಣ್ಣ ನ್ಯಾಷನಲ್ ಕ್ರಶ್ ಎಂದು ಗುರುತಿಸಿಕೊಂಡಿದ್ದಾರೆ. ದೇಶದ ಜನಪ್ರಿಯ ನಟಿಯರಲ್ಲಿ ಒಬ್ಬರು ಎನಿಸಿಕೊಂಡಿದ್ದಾರೆ. ಸೌತ್ ನಲ್ಲಿ ತನ್ನ ಪವರ್ ತೋರಿಸುತ್ತಿರುವ ಈ ಚೆಲುವೆ ಅತಿ ಕಡಿಮೆ ಸಮಯದಲ್ಲಿ ಬಾಲಿವುಡ್ ನಲ್ಲಿ ಸಹ ಹೆಸರು ಮಾಡಿದ್ದಾರೆ. ಇದೀಗ ರಶ್ಮಿಕಾ ಬಾಲಿವುಡ್ ನಲ್ಲಿ ಫುಲ್ ಬ್ಯುಸಿಯಾಗಿದ್ದಾರೆ.

ಇತ್ತೀಚೆಗೆ, ರಶ್ಮಿಕಾ ಮುಂಬೈನ ಚಲನಚಿತ್ರ ನಿರ್ಮಾಪಕ ಸಿದ್ಧಾರ್ಥ್ ರಾಯ್ ಕಪೂರ್ ಅವರ ಕಚೇರಿಯ ಹೊರಗೆ ಕಾಣಿಸಿಕೊಂಡಿದ್ದಾರೆ. ಅವರನ್ನು ನೋಡಿದ ನಂತರ ಮಾಧ್ಯಮದವರು ಫೋಟೋ ತೆಗೆದಿದ್ದು, ರಶ್ಮಿಕಾ ಧರಿಸಿರುವ ಡ್ರೆಸ್ ಈಗ ವೈರಲ್ ಆಗುತ್ತಿದೆ.

ಪೋನಿ ಟೇಲ್ ಹೇರ್ ಸ್ಟೈಲ್ ನಲ್ಲಿ ರಶ್ಮಿಕಾ ತುಂಬಾ ಸಿಂಪಲ್ ಆಗಿ ಕಾಣಿಸಿಕೊಂಡಿದ್ದರು. ಆದರೆ ಆಕೆ ತೊಟ್ಟಿದ್ದ ಉಡುಪಿನ ಬೆಲೆ ಎಷ್ಟು ಎಂದು ಜನ ಕೇಳಿದ್ದಾರೆ. ಆದರೆ ಈಗ ಈ ಡ್ರೆಸ್ ಬೆಲೆ ಗೊತ್ತಾದ್ರೆ ಶಾಕ್ ಆಗ್ರೀರಾ. ರಶ್ಮಿಕಾ ಧರಿಸಿರುವ ಈ ಡ್ರೆಸ್ ಬೆಲೆ ಒಂದು ಲಕ್ಷ ರೂಪಾಯಿಗೂ ಹೆಚ್ಚು ಎನ್ನಲಾಗುತ್ತಿದೆ.

ತುಂಬಾ ಸಿಂಪಲ್ ಆಗಿ ಕಾಣುವ ಈ ಡ್ರೆಸ್ ನ ಬೆಲೆ 1 ಲಕ್ಷದ 26 ಸಾವಿರದ 440 ರೂಪಾಯಿ. ಇದೀಗ ಈ ಬೆಲೆ ತಿಳಿದ ಅಭಿಮಾನಿಗಳು ಶಾಕ್ ಆಗಿದ್ದಾರೆ. ಇಷ್ಟು ಸರಳವಾದ ಬಟ್ಟೆ ತುಂಬಾ ದುಬಾರಿ ಎಂದು ಹುಬ್ಬೇರಿಸಿದ್ದಾರೆ.

ರಶ್ಮಿಕಾ ಟಾಲಿವುಡ್ ಜೊತೆಗೆ ತಮಿಳು ಮತ್ತು ಬಾಲಿವುಡ್ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ. ರಣಬೀರ್ ಕಪೂರ್ ಜೊತೆ ಅನಿಮಲ್ ಸಿನಿಮಾದಲ್ಲಿ ರಶ್ಮಿಕಾ ನಟಿಸುತ್ತಿದ್ದಾರೆ. ಇದರ ಜೊತೆಗೆ. ರಶ್ಮಿಕಾ ಅಮಿತಾಭ್ ಬಚ್ಚನ್ ಜೊತೆ ಗುಡ್ ಬಾಯ್ ಎಂಬ ಸಿನಿಮಾವನ್ನೂ ಮಾಡುತ್ತಿದ್ದಾರೆ.ಇದರ ಜೊತೆಗೆ ಮಿಷನ್ ಮಂಜು ಮತ್ತು ವಿಜಯ್ ಎದುರು ವಾರಿಸು ಎಂಬ ತಮಿಳು ಸಿನಿಮಾದಲ್ಲಿ ರಶ್ಮಿಕಾ ನಟಿಸಿದ್ದಾರೆ.

ಇತ್ತೀಚಿನ ಮಾಹಿತಿಯ ಪ್ರಕಾರ, ರಶ್ಮಿಕಾ ಬಾಲಿವುಡ್ನ ಖ್ಯಾತ ನಾಯಕ ವಿಕ್ಕಿ ಕೌಶಲ್ ಅವರೊಂದಿಗೆ ಚಿತ್ರದಲ್ಲಿ ನಟಿಸಲಿದ್ದಾರೆ ಎನ್ನುವ ಸುದ್ದಿ ಇದೆ. ಈಗಾಗಲೇ ಒಳಉಡುಪು ಜಾಹೀರಾತಿನಲ್ಲಿ ಇಬ್ಬರೂ ಒಟ್ಟಿಗೆ ನಟಿಸಿದ್ದಾರೆ. ಇತ್ತೀಚೆಗಷ್ಟೇ ಇವರಿಬ್ಬರು ಮಾಡಿರುವ ಕೆಲವು ಪೋಸ್ಟ್‌ಗಳು ಇವರಿಬ್ಬರೂ ಒಟ್ಟಿಗೆ ನಟಿಸಲಿದ್ದಾರೆ ಎಂಬ ಸುದ್ದಿಗೆ ಪುಷ್ಟಿ ನೀಡಿವೆ.

ಸ್ಟಾರ್ ಹೀರೋ ದುಲ್ಕರ್ ಸಲ್ಮಾನ್ ಜೊತೆ ಸೀತಾರಾಂ ಸಿನಿಮಾದಲ್ಲೂ ರಶ್ಮಿಕಾ ನಟಿಸುತ್ತಿರುವುದು ಗೊತ್ತೇ ಇದೆ. ದುಲ್ಕರ್ ಸಲ್ಮಾನ್, ಮೃಣಾಲ್ ಠಾಕೂರ್ ಮತ್ತು ರಶ್ಮಿಕಾ ಅಭಿನಯದ ಸೀತಾರಾಮಂ ಒಂದು ಪ್ರೇಮಕಥೆಯಾಗಿದ್ದು, ಇದನ್ನು ಹನು ರಾಘವಪುಡಿ ನಿರ್ದೇಶಿಸಿದ್ದಾರೆ. ಈ ಸಿನಿಮಾದ ಟ್ರೈಲರ್ ಬಿಡುಗಡೆಯಾಗಿದೆ.