Rashmika Mandanna: ಶ್ರೀವಲ್ಲಿ ಪಾತ್ರ ನಾನೇ ಚೆನ್ನಾಗಿ ಮಾಡ್ತಿದ್ದೆ ಎಂದ ಐಶ್ವರ್ಯಾ! ಕೊನೆಗೂ ಪ್ರತಿಕ್ರಿಯಿಸಿದ ಕಿರಿಕ್ ಚೆಲುವೆ

ನಟಿಯರ ನಡುವೆ ಕ್ಯಾಟ್​ಫೈಟ್ ನಡೆಯೋದು ಮೊದಲೇನಲ್ಲ. ಬಾಲಿವುಡ್​ನಿಂದ ಹಿಡಿದು ಸೌತ್ ಸಿನಿಮಾ ಇಂಡಸ್ಟ್ರಿ ತನಕ ನಟಿಯರ ಮಧ್ಯೆ ಸಿನಿಮಾ ಅವಕಾಶ, ಡೇಟಿಂಗ್, ಬಾಯ್​ಫ್ರೆಂಡ್ ವಿಚಾರವಾಗಿ ಸಣ್ಣಪುಟ್ಟ ಜಗಳ ನಡೆಯುತ್ತಲೇ ಇರುತ್ತದೆ. ಈಗ ಸುದ್ದಿ ಮಾಡಿರುವುದು ಐಶ್ವರ್ಯಾ ರಾಜೇಶ್ ಹಾಗೂ ರಶ್ಮಿಕಾ ಕ್ಯಾಟ್​ಫೈಟ್.

ತಮಿಳು ನಟಿ ಐಶ್ವರ್ಯಾ ರಾಜೇಶ್ ಇತ್ತೀಚೆಗೆ ರಶ್ಮಿಕಾ ಹಾಗೂ ಪುಷ್ಪಾ ಸಿನಿಮಾದ ಶ್ರೀವಲ್ಲಿ ಪಾತ್ರದ ಬಗ್ಗೆ ಮಾತನಾಡಿದ್ದು ಸುದ್ದಿಯಾಗಿದೆ. ಶ್ರೀವಲ್ಲಿ ಪಾತ್ರ ರಶ್ಮಿಕಾಗಿಂತ ಚೆನ್ನಾಗಿ ನಾನು ಮಾಡುತ್ತಿದ್ದೆ ಎಂದಿದ್ದಕ್ಕೆ ಟೀಕೆಗೊಳಗಾದ ನಟಿ ಈ ಸಂಬಂಧ ಸ್ಪಷ್ಟನೆ ಕೊಟ್ಟಿದ್ದಾರೆ.

ನಾನು ರಶ್ಮಿಕಾಗಿಂತ ಚೆನ್ನಾಗಿ ಶ್ರೀವಲ್ಲಿ ಪಾತ್ರ ಮಾಡುತ್ತಿದ್ದೆ ಎಂದು ಹೇಳಿದ್ದಲ್ಲ ಎಂದು ಐಶ್ವರ್ಯಾ ರಾಜೇಶ್ ಸ್ಪಷ್ಟನೆ ಕೊಟ್ಟಿದ್ದು, ಅದರ ಬೆನ್ನಲ್ಲೇ ರಶ್ಮಿಕಾ ಮಂದಣ್ಣ ಕೂಡಾ ಪ್ರತಿಕ್ರಿಯಿಸಿದ್ದಾರೆ. ಇದನ್ನೆಲ್ಲ ವಿವರಿಸುವ ಅಗತ್ಯವಿಲ್ಲ. ನನಗೆ ಅರ್ಥವಾಗುತ್ತದೆ ಎನ್ನುವ ಅರ್ಥದಲ್ಲಿ ರಶ್ಮಿಕಾ ಉತ್ತರಿಸಿದ್ದಾರೆ.

ಹಾಯ್ ಲವ್. ನಾನು ಇದನ್ನು ನೋಡಿದೆ. ವಿಷಯ ಏನೆಂದು ನಾನು ಸ್ಪಷ್ಟವಾಗಿ ಅರ್ಥ ಮಾಡಿಕೊಳ್ಳಬಲ್ಲೆ. ನೀವೇನು ಹೇಳಿದ್ದಿರಿ ಎಂದು ಅರ್ಥವಾಗುತ್ತದೆ. ನಾವಿಬ್ಬರೂ ಪರಸ್ಪರ ಸ್ಪಷ್ಟನೆ ಕೊಡುವ ಅಗತ್ಯವಿಲ್ಲ. ನಾನು ನಿಮ್ಮನ್ನು ತುಂಬಾ ಪ್ರೀತಿಸುತ್ತೇನೆ ಹಾಗೂ ಗೌರವಿಸುತ್ತೇನೆ. ನಿಮ್ಮ ಮುಂದಿನ ಸಿನಿಮಾ ಫರಾನಾ ಲವ್​ಗೆ ಶುಭಾಶಯಗಳು ಎಂದಿದ್ದಾರೆ ರಶ್ಮಿಕಾ.

ಐಶ್ವರ್ಯಾ ಅವರು ಪ್ರತಿಕ್ರಿಯಿಸಿ ತನ್ನ ಹೇಳಿಕೆಯನ್ನು ತಿರುಚಲಾಗಿದೆ. ನಾನು ರಶ್ಮಿಕಾ ಹಾಗೂ ಅವರ ಕೆಲಸವನ್ನು ಗೌರವಿಸುತ್ತೇನೆ ಎಂದು ಹೇಳಿದ್ದಾರೆ. ಅಂತೂ ಇಬ್ಬರು ನಟಿಯರ ಪರಸ್ಪರ ಹೇಳಿಕೆ ಅವರ ನಡುವಿನ ಕ್ಯಾಟ್​ಫೈಟ್ ತಿಳಿಗೊಳಿಸಿದೆ.

ಇತ್ತೀಚೆಗೆ ಸಂದರ್ಶನದಲ್ಲೊ ಮಾತನಾಡುವಾಗ ನನ್ನ ಬಳಿ ನೀವು ಎಂಥಹ ರೋಲ್ ಮಾಡಲು ಬಯಸುತ್ತೀರಿ ಎಂದು ಕೇಳಿದರು. ನಾನು ಪ್ರತಿಕ್ರಿಯಿಸಿ ನನಗೆ ತೆಲುಗು ಸಿನಿಮಾರಂಗ ಇಷ್ಟ. ನನಗಿಷ್ಟವಾಗುವಂತಹ ಪಾತ್ರ ಸಿಕ್ಕಿದರೆ ಖಂಡಿತಾ ಸಿನಿಮಾ ಮಾಡುತ್ತೇನೆ. ಒಂದು ಉದಾಹರಣೆಯನ್ನು ಹೇಳಿ ನನಗೆ ಪುಷ್ಪಾ ಸಿನಿಮಾದ ಶ್ರೀವಲ್ಲಿ ಪಾತ್ರ ತುಂಬಾ ಇಷ್ಟವಾಯಿತು. ಅಂಥಹ ಪಾತ್ರ ನನಗೆ ಸೂಟ್ ಆಗುತ್ತದೆ ಎನಿಸಿತು ಎಂದಿದ್ದಾರೆ.

ಐಶ್ವರ್ಯಾ ರಾಜೇಶ್ ತುಂಬ ಬಡ ಹಿನ್ನೆಲೆಯಿಂದ ಬಂದ ನಟಿ. ಅವರು ಸ್ಲಮ್ ಬದಿಯಲ್ಲಿ ವಾಸಿಸುತ್ತಿದ್ದವರು. ನಿರೂಪಣೆ ಮಾಡಿ, ಇವೆಂಡ್ ಆಯೋಜಿಸಿ ನಂತರ ನಟನೆಗೆ ಪಾದಾರ್ಪಣೆ ಮಾಡಿದ್ದಾರೆ.

ರಶ್ಮಿಕಾ ಅವರ ಶ್ರೀವಲ್ಲಿ ಪಾತ್ರ ಪುಷ್ಪಾ ಸಿನಿಮಾದಲ್ಲಿ ಸಖತ್ ಹಿಟ್ ಆಗಿತ್ತು. ಶ್ರೀವಲ್ಲಿ ಹಾಡಂತೂ ಸೂಪರ್​ಹಿಟ್ ಆಯಿತು. ನಟಿ ಪುಷ್ಪಾ 2 ಕೆಲಸದಲ್ಲಿಯೂ ಬ್ಯುಸಿಯಾಗಿದ್ದಾರೆ.