Rashmika Mandanna: ವಾರಿಸು ಸಿನಿಮಾ ಸಕ್ಸಸ್ ಆದ್ರೂ ತಂಡದ ಜೊತೆ ರಶ್ಮಿಕಾ ಮುನಿಸು! ಕಾರಣವೇನು?

ರಶ್ಮಿಕಾ ಮಂದಣ್ಣ ಅಭಿನಯದ ಎರಡನೇ ತಮಿಳು ಸಿನಿಮಾ ವಾರಿಸು ರಿಲೀಸ್ ಆಗಿ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ. ನಟಿಯ ಮೊದಲ ತಮಿಳು ಸಿನಿಮಾ ಸುಲ್ತಾನ್​ಗೆ ಹೋಲಿಸಿದರೆ ಇದು ಸಖತ್ ಹಿಟ್ ಆಗಿದೆ.

ದಳಪತಿ ವಿಜಯ್ ಹೀರೋ ಆಗಿ ನಟಿಸಿದ್ದು ರಶ್ಮಿಕಾಗೆ ಇಲ್ಲಿ ಬಂಪರ್ ಅವಕಾಶ ಸಿಕ್ಕಿದೆ. ವಿಜಯ್ ಮಾಸ್ ಸಿನಿಮಾಗಳ ನಂತರ ಬಹಳ ದಿನಗಳ ನಂತರ ಫ್ಯಾಮಿಲಿ ಎಂಟರ್​ಟೈನರ್ ಸಿನಿಮಾ ಕೊಟ್ಟಿದ್ದಾರೆ.

ಈ ಸಿನಿಮಾದಲ್ಲಿ ರಶ್ಮಿಕಾ ಅವರ ಪಾತ್ರ ಭರ್ಜರಿಯಾಗಿ ವೈರಲ್ ಆಗಿದೆ. ರಂಜಿತಮೆ ಹಾಡಂತೂ ಎಲ್ಲರ ಬಾಯಲ್ಲಿಯೂ ಕೇಳಿ ಬರುತ್ತಿದೆ. ಅಷ್ಟರಮಟ್ಟಿಗೆ ಈ ಕಾಂಬೋ ಪ್ರೇಕ್ಷಕರಿಗೆ ಇಷ್ಟವಾಗಿದೆ.

ಆದರೆ ಇಷ್ಟೆಲ್ಲ ಆದರೂ ಕೂಡಾ ನಟಿ ರಶ್ಮಿಕಾ ಅವರಿಗೆ ಸಮಾಧಾನವಿಲ್ಲ. ನಟಿಗೆ ಸಿನಿಮಾ ಬಗ್ಗೆ ತೀವ್ರ ಅಸಮಾಧಾನ ಆಗಿದೆಯಂತೆ. ಈ ಬಗ್ಗೆ ನಟಿ ಆಪ್ತರ ಜೊತೆ ಮಾತನಾಡಿದ್ದಾರೆ.

ವಾರಿಸು ಬಿಡುಗಡೆಯಾದಲ್ಲಿ ರಶ್ಮಿಕಾ ಪಾತ್ರ ಚಿಕ್ಕದಾಗಿದೆ. ರಶ್ಮಿಕಾ ಪಾತ್ರ 20 ನಿಮಿಷವೂ ಇಲ್ಲ. ಪಾತ್ರ ಹೈಲೈಟ್ ಪಾತ್ರದ ವ್ಯಾಪ್ತಿ ತುಂಬಾ ಚಿಕ್ಕದು ಎನ್ನುವುದು ರಶ್ಮಿಕಾ ಮಾತು.

ಎಡಿಟಿಂಗ್‌ನಲ್ಲಿ ತನ್ನ ಪಾತ್ರಕ್ಕೆ ಸಂಬಂಧಿಸಿದ ಚಿತ್ರೀಕರಣವನ್ನು ಅಳಿಸಿದ್ದಕ್ಕಾಗಿ ದಿಲ್ ರಾಜು ಮತ್ತು ನಿರ್ದೇಶಕ ವಂಶಿ ಪೈಡಿಪಲ್ಲಿ ಬಗ್ಗೆ ರಶ್ಮಿಕಾ ಅವರು ಸ್ವಲ್ಪ ಅಸಮಾಧಾನಗೊಂಡಿದ್ದಾರೆ. ಈ ವಿಷಯವನ್ನು ಆಪ್ತ ಗೆಳೆಯರ ಬಳಿ ಹೇಳಿಕೊಂಡಿದ್ದಾರಂತೆ. ಹಾಗಾಗಿಯೇ ಅವರು ಈ ಸಿನಿಮಾದ ಪ್ರಚಾರದಿಂದ ದೂರ ಉಳಿದಿದ್ದಾರೆ ಎಂದು ವರದಿಯಾಗಿದೆ.

ವಾರಿಸು ಸಿನಿಮಾ ಈಗ ಭರ್ಜರಿ ಕಲೆಕ್ಷನ್ ಮಾಡಿಕೊಂಡು ಭರ್ಜರಿಯಾಗಿ ಓಡುತ್ತಿದೆ. ಎಲ್ಲಾ ಭಾಷೆಗಳಲ್ಲಿಯೂ ಈ ಸಿನಿಮಾ ಹಾಗೂ ಅದರ ಹಾಡುಗಳು ಹಿಟ್ ಆಗಿವೆ.