Rashmika Mandanna: ಒಂದು ಸಾಂಗ್​​ಗೆ 5 ಕೋಟಿ ಬೇಡಿಕೆ ಇಟ್ಟ ರಶ್ಮಿಕಾ!

ನಟಿ ರಶ್ಮಿಕಾ ಮಂದಣ್ಣ ಅವರಿಗೆ ಅವಕಾಶಗಳಿಗೆ ಕೊರತೆ ಇಲ್ಲ. ಪುಷ್ಪಾ ನಟಿಗೆ ಕನ್ನಡದಲ್ಲಿ ಬೇಡಿಕೆ ಇಲ್ಲದಿದ್ದರೂ ಬೇರೆ ಭಾಷೆಗಳಲ್ಲಿ ಡಿಮ್ಯಾಂಡ್​ಗೆ ಕೊರತೆ ಇಲ್ಲ.

ಪುಷ್ಪಾ 2, ವಾರಿಸು ಸಿನಿಮಾಗಳಲ್ಲಿ ಸಖತ್ ಬ್ಯುಸಿಯಾಗಿರುವ ರಶ್ಮಿಕಾ ಅವರು ಸದ್ಯ ಬಾಲಿವುಡ್​ನಲ್ಲಿಯೂ ಆಫರ್ ಗಿಟ್ಟಿಸಿಕೊಳ್ಳುತ್ತಿದ್ದಾರೆ. ಆದರೆ ಅವರ ಗುಡ್ ಬೈ ಸಿನಿಮಾ ಫ್ಲಾಪ್ ಆಗಿದೆ.

ಈ ಮಧ್ಯೆ ರಶ್ಮಿಕಾ ಅವರು ಸ್ಪೆಷಲ್ ಸಾಂಗ್​​ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿ ಕೇಳಿ ಬಂದಿತ್ತು. ಟಾಪ್ ನಟಿಯರು ಐಟಂ ಸಾಂಗ್ ಮಾಡುವುದು ಟ್ರೆಂಡ್ ಆಗಿ ಬದಲಾಗಿದೆ.

ಹೀಗಿರುವಾಗ ನಟಿ ರಶ್ಮಿಕಾ ಅವರು ಐಟಂ ಸಾಂಗ್​ನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ವಿಶೇಷವೇನಲ್ಲ. ಆದರೆ ಈ ಬಗ್ಗೆ ಇನ್ನೂ ಸ್ಪಷ್ಟನೆ ಸಿಕ್ಕಿಲ್ಲ.

ಇದೀಗ ರಶ್ಮಿಕಾ ಮಂದಣ್ಣ ಅವರು ಮಹೇಶ್ ಹಾಗೂ ತ್ರಿವಿಕ್ರಮ್ ಅವರ ಸಿನಿಮಾದಲ್ಲಿ ಸಾಂಗ್ ಮಾಡೋದಕ್ಕೆ 5 ಕೋಟಿ ಸಂಭಾವನೆ ಕೇಳಿದ್ದಾರೆ ಎನ್ನಲಾಗಿದೆ.

ನಟಿ ಪುಷ್ಪಾ ಸಿನಿಮಾ ಸಕ್ಸಸ್ ನಂತರ ಸಂಭಾವನೆ ಹೆಚ್ಚಿಸಿಕೊಂಡಿದ್ದಾರೆ. ಅದೇ ರೀತಿ ಆ ಸಿನಿಮಾದಲ್ಲಿ ನಟಿಸಿದ್ದವರ ಸಂಭಾವನೆ ಹೆಚ್ಚಾಗಿದೆ.

ಆದರೆ ದಿಢೀರ್ ಆಗಿ ನಟಿ ಸಾಂಗ್ ಒಂದಕ್ಕೆ 5 ಕೋಟಿ ಕೇಳಿರೋದು ಸ್ವಲ್ಪ ಶಾಕಿಂಗ್ ಆಗಿದೆ ಎನ್ನುವ ವಿಚಾರ ಕೇಳಿಬಂದಿದೆ. ಈ ಬಗ್ಗೆ ಇನ್ನಷ್ಟೇ ಸ್ಪಷ್ಟನೆ ಸಿಗಬೇಕಾಗಿದೆ.

ಸದ್ಯ ನಟಿ ಕನ್ನಡ ಚಿತ್ರರಂಗದಲ್ಲಿ ಬಾಯ್ಕಾಟ್ ಭೀತಿ ಎದುರಿಸುತ್ತಿದ್ದು ಕಝಾನಾ ಜ್ಯುವೆಲ್ಲರಿ ಬ್ರಾಂಡ್ ಅಂಬಾಸಿಡರ್ ಸ್ಥಾನದಿಂದಲೂ ವಜಾಗೊಂಡಿದ್ದಾರೆ.