Rashmika Mandanna: ನಾನು ಏನೇ ಮಾತನಾಡಿದ್ರೂ ವಿವಾದ ಮಾಡ್ತಾರೆ! ಸೌತ್ ಸಿನಿಮಾ ಸಾಂಗ್ ಕಾಂಟ್ರವರ್ಸಿ ಬಗ್ಗೆ ರಶ್ಮಿಕಾ ಸ್ಪಷ್ಟನೆ

ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಇದೀಗ ಬಾಲಿವುಡ್ ನಲ್ಲಿ ಬ್ಯುಸಿ ನಟಿಯಾಗಿದ್ದಾರೆ. ಮಿಷನ್ ಮಜ್ನು ಸಿನಿಮಾ ಶೀಘ್ರದಲ್ಲೇ ರಿಲೀಸ್ ಆಗಲಿದ್ದು, ಚಿತ್ರ ಪ್ರಚಾರದಲ್ಲು ಬ್ಯುಸಿ ಆಗಿದ್ದಾರೆ.

ಸಿನಿಮಾ ಪ್ರಚಾರದ ವೇಳೆ ಸಂದರ್ಶನದಲ್ಲಿ ಮಾತಾಡಿದ ನಟಿ ರಶ್ಮಿಕಾ ಮಂದಣ್ಣ, ನಾನು ಏನೇ ಮಾತಾಡಿದ್ರು ಅದನ್ನು ತಪ್ಪಾಗಿ ಅರ್ಥೈಸಲಾಗ್ತಿದೆ. ನಾನು ಮಾತಾಡೋದನ್ನೇ ಕಲಿಯಬೇಕಿದೆ ಎಂದು ರಶ್ಮಿಕಾ ಹೇಳಿದ್ದಾರೆ.

ಸೌತ್ ಸಿನಿಮಾಗಳು ರೊಮ್ಯಾಂಟಿಕ್ ಇಲ್ಲ ಎಂದು ಹೇಳಲು ನಾನು ಮೂರ್ಖಳಲ್ಲ ಎಂದು ನಟಿ ರಶ್ಮಿಕಾ ಮಂದಣ್ಣ ಹೇಳಿದ್ದಾರೆ.

ನಾನು ಏನು ಮಾತಾಡಿದ್ರು ಅದನ್ನು ವಿವಾದವಾಗಿ ಮಾಡ್ತಿದ್ದಾರೆ ಎಂದು ನಟಿ ರಶ್ಮಿಕಾ ಟ್ರೋಲಿಗರ ವಿರುದ್ಧ ಕಿಡಿಕಾರಿದ್ದಾರೆ.

ಸೌತ್ ಸಿನಿಮಾ ಮೂಲಕವೇ ಫಿಲ್ಮಂ ಇಂಡಸ್ಟ್ರಿಗೆ ಬಂದು ದಕ್ಷಿಣ ಚಿತ್ರರಂಗದ ಬಗ್ಗೆ ಮಾತಾಡಿದ್ದಕ್ಕೆ ರಶ್ಮಿಕಾ ಮಂದಣ್ಣ ಟ್ರೋಲ್ ಆಗಿದ್ರು. ಸೌತ್ ಸಿನಿಮಾ ಹಾಡುಗಳನ್ನು ನಾನು ಅಲ್ಲಗೆಳೆದಿಲ್ಲ ಎಂದು ಸ್ವತಃ ನಟಿ ರಶ್ಮಿಕಾ ಮಂದಣ್ಣ ಸ್ಪಷ್ಟನೆ ನೀಡಿದ್ದಾರೆ.

ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಸ್ಯಾಂಡಲ್ವುಡ್ ನ ಕಿರಿಕ್ ಪಾರ್ಟಿ ಚಿತ್ರದಿಂದ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟು, ಟಾಲಿವುಡ್ ಸಿನಿಮಾಗಳಲ್ಲಿ ನಟಿಸಿ ದುಪ್ಪಟ್ಟು ಜನಪ್ರಿಯತೆ ಪಡೆದ್ರು. ಇದೀಗ ಬಾಲಿವುಡ್ಗೆ ಹಾರಿರೋ ರಶ್ಮಿಕಾ, ಸೌತ್ ಸಿನಿಮಾ ಬಗ್ಗೆ ಟ್ರೋಲ್ ಆಗುವಂತಹ ಹೇಳಿಕೆ ನೀಡಿದ್ದರು.

ಸಿನಿಮಾ ಪ್ರಚಾರದ ವೇಳೆ ರಶ್ಮಿಕಾ, ರೊಮ್ಯಾಂಟಿಕ್ ಹಾಡುಗಳನ್ನು ತೋರಿಸುವಲ್ಲಿ ಬಾಲಿವುಡ್ ಬೆಸ್ಟ್ ಎಂದು ಹೇಳಿದ್ದರು, ಸೌತ್ ಸಿನಿಮಾಗಳು ಆಗಲ್ಲ, ಸೌತ್ ನಲ್ಲಿ ಮಾಸ್ ಮಸಾಲಾ ಮತ್ತು ಐಟಂ ಸಾಂಗ್ ಗಳೇ ಹೆಚ್ಚಾಗಿರುತ್ತೆ ಎಂದು ರಶ್ಮಿಕಾ ಹೇಳಿಕೆ ನೀಡಿದ್ದು, ಸೌತ್ ಸಿನಿಮಾ ಫ್ಯಾನ್ಸ್ ಕೆಂಗಣ್ಣಿಗೆ ಗುರಿಯಾಗಿದ್ದರು.

ಇತ್ತೀಚಿಗಷ್ಟೇ ರಶ್ಮಿಕಾ ವಿರುದ್ಧ ನಟ ಸುದೀಪ್ ಕೂಡ ಗರಂ ಆಗಿದ್ರು. ದಕ್ಷಿಣದ ಸಿನಿಮಾಗಳಿಂದಲೇ ಬೆಳೆದು ಸೌತ್ ಸಿನಿಮಾ ಬಗ್ಗೆ ಮಾತಾಡಿದ ನಟಿ ರಶ್ಮಿಕಾ ವಿರುದ್ಧ ನಟ ಸುದೀಪ್ ಕಿಡಿಕಾರಿದ್ರು.