Year Ender 2022: ಈ ವರ್ಷದ ಲಕ್ಕಿ ಹೀರೋಯಿನ್ಸ್ ಇವ್ರೇ! ಗ್ಲಾಮರಸ್ ನಟಿಯರಿಗೆ ಒಲಿಯಿತು ಅದೃಷ್ಟ!

ಈ ವರ್ಷ ಅನೇಕ ನಾಯಕಿಯರ ಪಾಲಿಗೆ ಲಕ್ಕಿ ಇಯರ್ ಆಗಿದೆ. 2022ರಲ್ಲಿ ಮಿಂಚಿದ ನಟಿ ಮಣಿಯರು ಯಾರ್ಯಾರು ಎಂದು ತಿಳಿದುಕೊಳ್ಳೋಣ

ರಶ್ಮಿಕಾ ಮಂದಣ್ಣ, ಪೂಜಾ ಹೆಗ್ಡೆ, ಸಾಯಿ ಪಲ್ಲವಿ ಮತ್ತು ಕೀರ್ತಿ ಸುರೇಶ್ ಈ ವರ್ಷ ಹೆಚ್ಚು ಗಮನಸೆಳೆದ ನಾಯಕಿಯರ ಪಟ್ಟಿಯಲ್ಲಿದ್ದಾರೆ. ಟಾಪ್ ಸ್ಟಾರ್ ಗಳಾದ ಸಮಂತಾ, ನಯನತಾರಾ, ಅನುಷ್ಕಾ ಹವಾ ಕೊಂಚ ಕಡಿಮೆಯಾದ್ರು ಈ ನಟಿಯರ ಟ್ರೆಂಡ್ ಮುಂದುವರೆದಿದೆ.

ಈ ವರ್ಷ ಮೃಗ ಸಿನಿಮಾ ಸೇರಿದಂತೆ 4 ಸಿನಿಮಾಗಳಲ್ಲಿ ಪೂಜಾ ಹೆಗಡೆ ಸದ್ದು ಮಾಡಿದ್ದಾರೆ. ಪೂಜಾ ಅಭಿನಯದ ಸರ್ಕಸ್, ರಾಧೆ ಶ್ಯಾಮ್, ಮೃಗ, ಆಚಾರ್ಯ ಮುಂತಾದ ಎಲ್ಲಾ ಚಿತ್ರಗಳು ಬಾಕ್ಸ್ ಆಫೀಸ್ ನಲ್ಲಿ ಸದ್ದು ಮಾಡಿಲ್ಲ. ಹೀಗಾಗಿ ಈ ನಟಿ ಬ್ಯಾಡ್ ಲಕ್ ಲಿಸ್ಟ್ ನಲ್ಲಿದ್ದಾರೆ.

ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣಗೆ ಈ ವರ್ಷ ಕೊಂಚ ಮಟ್ಟಿಗೆ ಲಕ್ಕಿ ಇಯರ್ ಆಗಿದೆ. ಬಾಲಿವುಡ್​ಗೆ ಎಂಟ್ರಿ ಕೊಟ್ಟ ರಶ್ಮಿಕಾಗೆ ಜನಪ್ರಿಯತೆ ಹೆಚ್ಚಾಗಿದೆ. ಅಮಿತ್ ಜೊತೆ ನಟಿಸಿದ ರಶ್ಮಿಕಾ ಗುಡ್ ಬೈ ಸಿನಿಮಾ ಹೆಚ್ಚೇನು ಸದ್ದು ಮಾಡಿಲ್ಲ. ಸೀತಾರಾಮಂ ಸಿನಿಮಾದಲ್ಲೂ ರಶ್ಮಿಕಾ ನಟಿಸಿದ್ರು. ಸಿನಿಮಾ ಕೂಡ ಸೂಪರ್ ಹಿಟ್ ಆಗಿದೆ.

ನ್ಯಾಚುರಲ್ ಬ್ಯುಟಿ ಸಾಯಿ ಪಲ್ಲವಿಗೆ ಈ ವರ್ಷ ಲಕ್ಕಿ ಇಯರ್ ಆಗಿದೆ. ರಾಣಾ ಜೊತೆ ವಿರಾಟಪರ್ವಂ ಸಿನಿಮಾ ಮಾಡಿದ್ರು. ಆದ್ರೆ ಈ ಸಿನಿಮಾ ಕಮರ್ಷಿಯಲ್ ಆಗಿ ಯಶಸ್ಸು ಕಾಣದಿದ್ದರೂ ಸಾಯಿ ಪಲ್ಲವಿ ತಮ್ಮ ರೇಂಜ್ ಹೆಚ್ಚಿಸಿಕೊಂಡಿದ್ದಾರೆ. .

ಯಶೋದಾ ಸಿನಿಮಾ ಸಕ್ಸಸ್ ಆಗಿದ್ದು, ಸಮಂತಾಗೆ ಒಳ್ಳೆ ಹೆಸರು ತಂದುಕೊಟ್ಟಿದೆ. ಸಮಂತಾ ಅಭಿನಯದ ಶಾಕುಂತಲಂ ಚಿತ್ರ 2023ರಲ್ಲಿ ಬಿಡುಗಡೆಯಾಗಲಿದೆ. ಸ್ಯಾಮ್ ಸದ್ಯ ವಿಜಯ್ ದೇವರಕೊಂಡ ಜೊತೆ ಖುಷಿ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಆದರೆ ಈ ವರ್ಷ ಮಯೋಟಿಟಿಸ್ ಎಂಬ ಅಪರೂಪದ ಕಾಯಿಲೆಯಿಂದ ಬಳಲುವಂತಾಗಿದೆ.

ಲೇಡಿ ಸೂಪರ್ ಸ್ಟಾರ್ ನಯನತಾರಾ 2022ರಲ್ಲಿ ಬೆಳ್ಳಿತೆರೆ ಮೇಲೆ ಮಿಂಚಲಿಲ್ಲ. ಮದುವೆ ಹಾಗೂ ಮಕ್ಕಳ ವಿಚಾರದಲ್ಲೇ ನಯನತಾರಾ ಹೆಚ್ಚು ಸುದ್ದಿಯಾಗಿದ್ದರು. ನಯನತಾರಾ, ಚಿರಂಜೀವಿ ಜೊತೆ ಗಾಡ್ ಫಾದರ್ ಸಿನಿಮಾದಲ್ಲಿ ನಟಿಸಿದ್ದರು. ಈ ಸಿನಿಮಾ ಕೂಡ ಅಷ್ಟೇನು ಹಿಟ್ ಆಗಿಲ್ಲ

ನಟಿ ಶ್ರೀಲೀಲಾ ಅವರಿಗೆ ಈ ವರ್ಷ ಅದೃಷ್ಟದ ವರ್ಷವಾಗಿದೆ. ಆಕೆ ಅಭಿನಯಿಸಿದ ಧಮಾಕಾ ಚಿತ್ರ ಸೂಪರ್ ಹಿಟ್ ಆಗಿದೆ. ಇದರೊಂದಿಗೆ ಶ್ರೀಲೀಲಾ ಟಾಲಿವುಡ್ ನ ಟಾಪ್ ಹೀರೋಯಿನ್ ಆಗುವ ಸಾಧ್ಯತೆಗಳಿವೆ.