Rani Mukherjee: ಎರಡನೇ ಮಗುವಿನ ಕನಸು ನೆರವೇರಲಿಲ್ಲ! ರಾಣಿ ಮುಖರ್ಜಿ ನೋವಿನ ಮಾತುಗಳು

ರಾಣಿ ಮುಖರ್ಜಿ ಅವರು ತನ್ನ ಪ್ರಭಾವಶಾಲಿ ನಟನೆ, ಬೆರಗುಗೊಳಿಸುವ ಸೌಂದರ್ಯ ಮತ್ತು ಮುಗ್ಧ ನಗುವಿನ ಮೂಲಕ ಬಾಲಿವುಡ್ ಅನ್ನು ಆಳಿದ್ದಾರೆ. ಅವರ ಸಿನಿಮಾಗಳು ಸೂಪರ್ ಹಿಟ್ ಆಗಿವೆ.

ರಾಣಿ ಮುಖರ್ಜಿ ಅವರ ಅಭಿಮಾನಿಗಳು ಯಾವಾಗಲೂ ಅವರ ಖಾಸಗಿ ಜೀವನದ ಬಗ್ಗೆ ತಿಳಿದುಕೊಳ್ಳಲು ಬಯಸುತ್ತಾರೆ. ಆದರೆ ನಟಿ ಯಾವಾಗಲೂ ತನ್ನ ಕುಟುಂಬ ಜೀವನವನ್ನು ಮೈನ್ ಸ್ಟ್ರೀಮ್​ನಿಂದ ದೂರವಿಟ್ಟಿದ್ದಾರೆ.

ರಾಣಿ ಮುಖರ್ಜಿಯವರ ಹಳೆಯ ಸಂದರ್ಶನವೊಂದು ಪ್ರಸ್ತುತ ಸಾಕಷ್ಟು ಚರ್ಚೆಯಲ್ಲಿದೆ. ಇದರಲ್ಲಿ ನಟಿ ತನ್ನ ಎರಡನೇ ಗರ್ಭಧಾರಣೆಯ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ಆಗ ಆದ ಅನುಭವಗಳ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ.

ಈ ಸಂದರ್ಶನದಲ್ಲಿ ರಾಣಿ ತಾನು ನಿಜ ಜೀವನದಲ್ಲಿ ಎರಡು ಮಕ್ಕಳ ತಾಯಿಯಾಗಬೇಕೆಂದು ಬಯಸಿದ್ದೆ ಎನ್ನುವುದನ್ನು ರಿವೀಲ್ ಮಾಡಿದ್ದಾರೆ. ನಟಿ ಎರಡನೇ ಮಗುವನ್ನು ಹೊಂದಲು ಬಯಸಿದ್ದರು ಎಂದು ಹೇಳಿದ್ದಾರೆ.

ಆದರೆ ಆಕೆಯ ಕನಸು ಈಗ ಅಪೂರ್ಣವಾಗಿದೆ ಎಂದು ಹೇಳಿದರು. ಎರಡನೇ ಮಗುವನ್ನು ಹೊಂದುವ ರಾಣಿ ಮುಖರ್ಜಿ ಅವರ ಕನಸು ಈಡೇರಲಿಲ್ಲ ಎನ್ನುವುದು ರಿವೀಲ್ ಆಗಿದೆ.

ಈ ಕುರಿತು ಮಾತನಾಡಿರುವ ರಾಣಿ ಮುಖರ್ಜಿ ಅವರು ಎರಡನೇ ಗರ್ಭಧಾರಣೆಯನ್ನು ಮೊದಲೇ ಪ್ಲ್ಯಾನ್ ಮಾಡಬೇಕಾಗಿತ್ತು. ಆದರೆ ಈಗ ತಡವಾಗಿದೆ. ವಯಸ್ಸು ಹೆಚ್ಚಾಗಿದೆ ಎಂದಿದ್ದಾರೆ ಬಾಲಿವುಡ್ ನಟಿ.

ರಾಣಿ ಮುಖರ್ಜಿ ಅವರ ಮಗಳು ಆದಿರಾಗೆ ಈಗ ಒಂಬತ್ತರಿಂದ ಹತ್ತು ವರ್ಷ. ಎರಡನೇ ಮಗುವನ್ನು ಹೊಂದುವ ನಟಿಯ ಕನಸು ಅಪೂರ್ಣವಾಗಿದೆ. ಆದರೆ ಬಾಲಿವುಡ್​ನಲ್ಲಿ ಬಹಳಷ್ಟು ಮಂದಿ ಸರೋಗಸಿ ಮೂಲಕ ಎರಡನೇ ಮಗುವನ್ನು ಪಡೆದಿದ್ದಾರೆ.

ಕೆಲವು ವರ್ಷಗಳ ಕಾಲ ಸಿನಿಮಾದಿಂದ ದೂರವಿದ್ದ ನಟಿ ರಾಣಿ ಮುಖರ್ಜಿ ಅವರು ಈಗ ಮತ್ತೆ ಸಿನಿಮಾಗಳನ್ನು ಮಾಡುತ್ತಾ ಅಭಿಮಾನಿಗಳಿಗೆ ಖುಷಿ ಕೊಡುತ್ತಿದ್ದಾರೆ. ರಾಣಿ ಮುಖರ್ಜಿ ಅವರಿಗೆ ಅಪಾರ ಫ್ಯಾನ್ ಫಾಲೋಯಿಂಗ್ ಇದೆ.