Sourav Ganguly Biopic: ಸೌರವ್ ಗಂಗೂಲಿ ಬಯೋಪಿಕ್​ಗೆ ಹೀರೋ ಫಿಕ್ಸ್; ದಾದಾ ಆಗಿ ಮಿಂಚಲಿದ್ದಾರೆ ರಣಬೀರ್ ಕಪೂರ್

ಸೌರವ್ ಗಂಗೂಲಿ ಬಯೋಪಿಕ್ ಕುರಿತು ಬಹಳ ದಿನಗಳಿಂದ ಚರ್ಚೆ ನಡೆದಿದ್ದು, ದಾದಾ ಪಾತ್ರಕ್ಕಾಗಿ ಹುಡುಕಾಟ ನಟಿಸಲಾಗ್ತಿತ್ತು. ಈ ಪಾತ್ರಕ್ಕೆ ಹೃತಿಕ್ ರೋಷನ್ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ಸೇರಿದಂತೆ ಹಲವಾರು ಹೆಸರು ಕೇಳಿಬಂದಿತ್ತು. ಆದರೆ ಇದೀಗ ಈ ಪ್ರಾಜೆಕ್ಟ್ ರಣಬೀರ್ ಕೈ ಸೇರಿದೆ ಎಂದು ಇ-ಟೈಮ್ಸ್ ವರದಿ ಮಾಡಿದೆ.

ಬ್ರಹ್ಮಾಸ್ತ್ರ ನಟ ರಣಬೀರ್ ಕಪೂರ್ ಸಿನಿಮಾ ತಯಾರಿಗಾಗಿ ಶೀಘ್ರದಲ್ಲೇ ಕೋಲ್ಕತ್ತಾಗೆ ಭೇಟಿ ನೀಡಲಿದ್ದಾರೆ ಎಂದು ಮನರಂಜನಾ ಪೋರ್ಟಲ್ ತಿಳಿಸಿದೆ. ಸಿನಿಮಾ ಶೂಟಿಂಗ್ ಪ್ರಾರಂಭವಾಗುವ ಮೊದಲು ರಣಬೀರ್ ಕೆಲ ತಯಾರಿಗಳನ್ನು ಮಾಡಿಕೊಂಡಿದ್ದಾರೆ.

ಕೊಲ್ಕಾತ್ತಾಗೆ ಭೇಟಿ ನೀಡಲಿರುವ ರಣಬೀರ್ ಮೊದಲು ಈಡನ್ ಗಾರ್ಡನ್, ಸಿಎಬಿ ಕಚೇರಿ ಮತ್ತು ಸೌರವ್ ಗಂಗೂಲಿ ಅವರ ಮನೆಗೆ ಭೇಟಿ ನೀಡಲಿದ್ದಾರೆ. ಇದುವರೆಗೆ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಹೊರಬಂದಿಲ್ಲ

ಸೌರವ್ ಗಂಗೂಲಿಯವರ ಬಯೋಪಿಕ್ ತಯಾರಿಸುವ ಬಗ್ಗೆ 2019ರಲ್ಲಿ ಘೋಷಿಸಲಾಗಿತ್ತು. ಕಳೆದ ತಿಂಗಳು ಮಾಜಿ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ಪತ್ನಿ ಡೋನಾ ಗಂಗೂಲಿ ಬಹುನಿರೀಕ್ಷಿತ ಬಯೋಪಿಕ್ ಬಗ್ಗೆ ಮಾತನಾಡಿದ್ದರು. ಬಯೋಪಿಕ್ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ರು.

ಸೌರವ್ ಗಂಗೂಲಿಯವರ ಬಯೋಪಿಕ್​ ಯಾವ ನಾಯಕರಿದ್ರೆ ಬೆಸ್ಟ್​ ಎಂದು ಡೋನಾ ಗಂಗೂಲಿಯವರನ್ನು ಇ-ಟೈಮ್​ಗೆ ಪ್ರಶ್ನೆ ಮಾಡಿತ್ತು. ಇದಕ್ಕೆ ಉತ್ತರಿಸಿ ಡೋನಾ ಅವರು ಈ ಪ್ರಶ್ನೆಗೆ ಅತ್ಯುತ್ತಮ ಉತ್ತಮ ನೀಡಬಲ್ಲವರು ನಿರ್ದೇಶಕರು ಹಾಗೂ ನಿರ್ಮಾಪಕರು ಮಾತ್ರ ಎಂದು ಹೇಳಿದ್ರು.

ಆನ್-ಸ್ಕ್ರೀನ್ ಸೌರವ್ ಆಗಿ ಯಾರನ್ನು ನೋಡಲು ಬಯಸುತ್ತೀರಿ ಎಂದು ಕೇಳಿದಾಗ, ಡೋನಾ ಅವರು ನೀವು ನನ್ನ ಅಭಿಪ್ರಾಯ ಕೇಳಿದ್ರೆ ನಾನು ಅಮಿತಾಬ್ ಬಚ್ಚನ್ ಅಥವಾ ಶಾರುಖ್ ಖಾನ್ ಎಂದು ಹೆಸರಿಸು ಹೇಳುತ್ತೇನೆ ಎಂದು ಹೇಳಿದ್ರು.

ಆದರೆ ಅಮಿತಾಬ್ ಹಾಗೂ ಶಾರುಖ್ ವಯಸ್ಸಿಗೆ ತಕ್ಕಂತೆ 24 ವರ್ಷದ ಸೌರವ್ ಗಂಗೂಲಿಯಂತೆ ತೆರೆ ಮೇಲೆ ಕಾಣಲು ಸಾಧ್ಯವಿಲ್ಲ ಎಂದು ಸಹ ಅವರೇ ಹೇಳಿದ್ರು. ಚಿತ್ರದ ಬಹುತೇಕ ಭಾಗ ಹಾಗೂ ಕಥೆ ಕೂಡ ಈ ಸಮಯದ ಚೌಕಟ್ಟಿನ ಸುತ್ತ ಸುತ್ತುತ್ತದೆ. ಆದ್ದರಿಂದ, ಆ ವಯಸ್ಸಿಗೆ ಅನುಗುಣವಾಗಿ ಉತ್ತಮವಾಗಿ ಅಗತ್ಯ ಎಂದು ಹೇಳಿದ್ರು.

ಇನ್ನು ರಣಬೀರ್ ಕಪೂರ್ ಸಹ ಸೌರವ್ ಗಂಗೂಲಿ ಪಾತ್ರ ಕಾಣಿಸಿಕೊಳ್ಳಲು ಬಹಳ ಉತ್ಸುಕರಾಗಿದ್ದಾರೆ. ರಣಬೀರ್ ಕಪೂರ್ ಅವರ ತೂ ಜೂತಿ ಮೈನ್ ಮಕ್ಕರ್ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ಇದರಲ್ಲಿ ಶ್ರದ್ಧಾ ಕಪೂರ್ ನಾಯಕಿಯಾಗಿ ನಟಿಸಿದ್ದಾರೆ. ಲವ್ ರಂಜನ್ ನಿರ್ದೇಶನ ಮಾಡಿದ್ದು ಮಾರ್ಚ್ 8 ಹೋಳಿ ಹಬ್ಬದ ದಿನ ಸಿನಿಮಾ ತೆರೆಗೆ ಬರಲಿದೆ.