Rana Daggubati: ಫ್ಯಾಮಿಲಿ ಜೊತೆ ಈ ಸೀರಿಸ್ ನೋಡ್ಬೇಡಿ ಎಂದಿದ್ದು ಇದಕ್ಕೇನಾ? 'ರಾಣಾ ನಾಯ್ಡು' ಬಗ್ಗೆ ನಟಿ ವಿಜಯ ಶಾಂತಿ ಶಾಕಿಂಗ್​ ಕಮೆಂಟ್​

ರಾಣಾ ನಾಯ್ಡು ವೆಬ್ ಸೀರಿಸ್ನಲ್ಲಿ ಹಿರಿಯ ನಾಯಕ ವೆಂಕಟೇಶ್ ಮತ್ತು ಯುವ ನಾಯಕ ರಾಣಾ ದಗ್ಗುಬಾಟಿ ಅಭಿನಯಿಸಿದ್ದಾರೆ. ಮಾರ್ಚ್ 10 ರಂದು ಜನಪ್ರಿಯ OTT ಪ್ಲಾಟ್​ ಫಾರ್ಮ್ ನೆಟ್​ಫ್ಲಿಕ್​ನಲ್ಲಿ ಸೀರಿಸ್ ಬಿಡುಗಡೆಯಾಗಿದ್ದು, ರಿಲೀಸ್ ಆದಾಗಿನಿಂದಲೂ ಭಾರೀ ಚರ್ಚೆಯಲ್ಲಿದೆ.

ಇಂತಹ ಸಂಭಾಷಣೆಗಳು ವೆಂಕಟೇಶ್ ಅವರಂತಹ ಕ್ಲೀನ್ ಇಮೇಜ್ ಇರುವ ಹೀರೋ ಬಾಯಿಂದ ಬಂದರೆ ಅರಗಿಸಿಕೊಳ್ಳುವುದು ಕಷ್ಟ ಎನ್ನುವ ಮಾತುಗಳು ಇದೀಗ ಕೇಳಿ ಬರ್ತಿದೆ. ಆದರೆ ರಾಣಾ ನಾಯ್ಡು ಚಿತ್ರದ ಟ್ರೇಲರ್ ರಿಲೀಸ್ ಆದಾಗಿನಿಂದಲು ಭಾರೀ ಚರ್ಚೆ ಆಗ್ತಿದೆ. ಈ ಸರಣಿಯು ಕೆಟ್ಟ ಜೋಕ್ಗಳಿಂದ ತುಂಬಿದೆ ಎಂದು ನಟಿ ಹೇಳಿದ್ದಾರೆ.

ಅಮೆರಿಕದ ಹಿಟ್ ಸರಣಿ ರೇ ಡೊನೊವನ್ ರೂಪಾಂತರವಾಗಿರುವ ಈ ರಾಣಾ ನಾಯ್ಡು ವೆಬ್ ಸರಣಿಯ ಬಗ್ಗೆ ಅನೇಕರು ಕಮೆಂಟ್ ಮಾಡಿದ್ದಾರೆ. ಇದರಲ್ಲಿ ಹೆಚ್ಚು ಅಶ್ಲೀಲತೆ ಇದೆ ಎಂದು ಕಿಡಿಕಾರಿದ್ದಾರೆ. ಇದೀಗ ನಟಿ ವಿಜಯಶಾಂತಿ ಕೂಡ ರಾಣಾ ನಾಯ್ಡು ಅವರ ಮೇಲೆ ಪರೋಕ್ಷವಾಗಿ ಕಮೆಂಟ್ ಮಾಡಿರುವುದು ಸಂಚಲನ ಮೂಡಿಸಿದೆ.

ಲೇಡಿ ಸೂಪರ್ ಸ್ಟಾರ್ ವಿಜಯ ಶಾಂತಿ ಸೋಶಿಯಲ್ ಮೀಡಿಯಾ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ. ಒಟಿಟಿ ಕಂಟೆಂಟ್​ಗೆ ಸೆನ್ಸಾರ್ ಶಿಪ್ ಕಡ್ಡಾಯ ಮಾಡ್ಬೇಕು ಎಂದು ಪೋಸ್ಟ್ ಮಾಡಿದ್ದು, ಇದೀಗ ವೈರಲ್ ಆಗಿದೆ. ಸಾರ್ವಜನಿಕರು ಮತ್ತು ಮಹಿಳೆಯರ ವಿರೋಧದ ಮೊದಲು OTT ಯಲ್ಲಿ ರಿಲೀಸ್​ ಆಗುವ ಚಿತ್ರಕ್ಕರ ಸೆನ್ಸಾರ್ ಶಿಪ್ ಅನ್ನು ಕಡ್ಡಾಯಗೊಳಿಸಬೇಕು ಎಂದು ಅವರು ಒತ್ತಾಯಿಸಿದರು.

ಇತ್ತೀಚೆಗೆ ಬಿಡುಗಡೆಯಾದ ತೆಲುಗು ವೆಬ್ ಸರಣಿಯನ್ನು ಅನೇಕ ಜನರು, ವಿಶೇಷವಾಗಿ ಮಹಿಳೆಯರು ಟೀಕಿಸುತ್ತಿದ್ದಾರೆ ಎಂದು ವಿಜಯಶಾಂತಿ ಹೇಳಿದ್ದಾರೆ. ಜನರು ತಮ್ಮ ಭಾವನೆಗಳ ಆಧಾರದ ಮೇಲೆ ನಾನು ಹೇಳುವುದನ್ನು ಅರ್ಥಮಾಡಿಕೊಳ್ಳಬೇಕು. ಈ ವಿಚಾರವನ್ನು ತೀವ್ರ ಮಹಿಳಾ ವಿರೋಧಿ ಚಳುವಳಿಗಳಿಗೆ ತೆಗೆದುಕೊಳ್ಳಬೇಡಿ ಎಂದು ಹೇಳಿದರು.

ರಾಣಾ ನಾಯ್ಡು ಸೀರಿಸ್ ಅಶ್ಲೀಲವಾದ ಸಂಭಾಷಣೆಗಳಿಂದ ಕೂಡಿದೆ. ಮಹಿಳೆಯರಿಗೆ ಅವಮಾನ ಮಾಡುವಂತೆ ಮಾತಾಡಿದ್ದಾರೆ. ಇಂತಹ ಡೈಲಾಗ್ನಿಂದ ಅನೇಕರಿಗೆ ಕಿರಿಕಿರಿಯಾಗುತ್ತಿದೆ ಎನ್ನುವ ಚರ್ಚೆಗಳು ಹೆಚ್ಚಾಗಿದೆ.

ಸುಪ್ರಣ್ ವರ್ಮಾ ಮತ್ತು ಕರಣ್ ಅಂಶುಮಾನ್ ನಿರ್ದೇಶನದ ರಾಣಾ ನಾಯ್ಡು ವೆಬ್ ಸೀರಿಸ್ಗೆ ಎದುರಾದ ವಿರೋಧಕ್ಕೆ ಸ್ವತಃ ರಾಣಾ ಪ್ರತಿಕ್ರಿಯಿಸಿದ್ದಾರೆ. ಕುಟುಂಬ ಸಮೇತ ಈ ವೆಬ್ ಸೀರೀಸ್ ನೋಡಬೇಡಿ ಎಂದಿದ್ದಾರೆ. ಎಲ್ಲರೂ ಒಂಟಿಯಾಗಿ ನೋಡಿ ಎಂದು ಹೇಳಿದ್ದಾರೆ.

ಒಳ್ಳೆ ಇಮೇಜ್ ಹೊಂದಿರುವ ವೆಂಕಟೇಶ್ ಮತ್ತು ರಾಣಾ ಇಂತಹ ಬೋಗಸ್ ವೆಬ್ ಸೀರಿಸ್ ಯಾಕೆ ಮಾಡುತ್ತಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ಶುರುವಾಗಿದೆ.