Amrutha Varshini: ತುಂತುರು ಅಲ್ಲಿ ನೀರ ಹಾಡು... 25 ವರ್ಷಗಳಿಂದಲೂ ಮೊಳಗುತ್ತಲೇ ಇದೆ ಅಮೃತವರ್ಷಿಣಿ ಗಾನಸುಧೆ!

`ತುಂತುರು', `ಭಲೇ ಭಲೇ ಚಂದದ ಚೆಂದುಳ್ಳಿ ಹೆಣ್ಣು ನೀನು', `ಈ ಸುಂದರ ಬೆಳದಿಂದಳ' ಈ ಹಾಡುಗಳ ಈಗಲೂ ನಿಮ್ಮನ್ನು ಬಿಡದೇ ಕಾಡುವಂತಹ ಹಾಡುಗಳಿವು. 25 ವರ್ಷಗಳಿಂದಲೂ ಅಮೃತವರ್ಷಿಣಿ ಗಾನಸುಧೆ ಮೊಳಗುತ್ತಲೇ ಇದೆ.

1997 ರಲ್ಲಿ ಬಿಡುಗಡೆ ಆದ ಸೂಪರ್ ಹಿಟ್ ಸಿನಿಮಾ 'ಅಮೃತ ವರ್ಷಿಣಿ'. ದಿನೇಶ್ ಬಾಬು ನಿರ್ದೇಶನದ 'ಅಮೃತ ವರ್ಷಿಣಿ' ಹೆಸರು ಕೇಳಿದ ಕೂಡಲೆ ಥಟ್ ಅಂತ ನೆನಪಾಗುವುದೇ ಈ ಹಾಡುಗಳು.

ಅಷ್ಟರ ಮಟ್ಟಿಗೆ 'ಅಮೃತ ವರ್ಷಿಣಿ' ಚಿತ್ರದ ಹಾಡುಗಳು ಸಿನಿಪ್ರಿಯರ ಮನಸ್ಸಿ ಛಾಪು ಹೊತ್ತಿವೆ. ಇತಿಹಾಸದ ಪುಟದಲ್ಲಿ ದಾಖಲೆ ಬರೆದ ಈ ಅಮೃತ ವರ್ಷಿಣಿ ಚಿತ್ರಕ್ಕೆ 25 ವರ್ಷ.

ರಮೇಶ್ ಅರವಿಂದ್ ವೃತ್ತಿ ಬದುಕಿಗೂ ದೊಡ್ಡ ತಿರುವು ಕೊಟ್ಟ 'ಅಮೃತ ವರ್ಷಿಣಿ' ರಾಜ್ಯ ಪ್ರಶಸ್ತಿ ಹಾಗೂ ಫಿಲ್ಮ್ ಫೇರ್ ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ಈ ಚಿತ್ರ ತೆರೆಕಂಡು 25 ವರ್ಷ ತುಂಬಿದೆ.

ಈ ಚಿತ್ರ ನಟ ರಮೇಶ್‌ ಅವರ ಸಿನಿಮಾ ಜರ್ನಿಗೆ ತಿರುವು ಕೊಟ್ಟ ಸಿನಿಮಾ. ತ್ಯಾಗರಾಜ ಅಂತಲೇ ಕರೆಯಿಸಿಕೊಳ್ಳುತ್ತಿದ್ದ, ರಮೇಶ್ ಅರವಿಂದ್ ಈ ಸಿನಿಮಾದಲ್ಲಿ ನೆಗೆಟಿವ್ ಶೇಡ್​ನಲ್ಲಿ ಕಾಣಿಸಿಕೊಂಡಿದ್ದರು.

ಈ ಚಿತ್ರದಲ್ಲಿ ರಮೇಶ್‌ ಅರವಿಂದ್ ಅವರು ನೆಗೆಟಿವ್ ಪಾತ್ರ ಮಾಡಿದ್ದರೂ ಕೂಡ ಸಾಕಷ್ಟು ಮೆಚ್ಚುಗೆ ಗಳಿಸಿದರು,'ಅಮೃತ ವರ್ಷಿಣಿ' ಕನ್ನಡ ಮಾತ್ರವಲ್ಲ ತೆಲುಗು, ತಮಿಳು ಹಾಗೂ ಮಲಯಾಳಂ ಭಾಷೆಗೆ ಡಬ್ ಆಗಿ ಸೂಪರ್​ ಹಿಟ್​ ಎನಿಸಿಕೊಂಡಿತ್ತು.