SS Rajamouli: ಭದ್ರತೆ ಹೆಚ್ಚಿಸ್ಕೊಳ್ಳಿ, ನಿಮ್ಮ ಕೊಲೆಗೆ ಸ್ಕೆಚ್ ಹಾಕಿದ್ದಾರೆ! ರಾಜಮೌಳಿಗೆ ಆರ್​ಜಿವಿ ಎಚ್ಚರಿಕೆ

ಸೋಷಿಯಲ್ ಮೀಡಿಯಾದಲ್ಲಿ ಆ್ಯಕ್ಟಿವ್ ಆಗಿರುವ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರು ಪ್ರತಿನಿತ್ಯ ನಡೆಯುವ ಘಟನೆಗಳ ಬಗ್ಗೆ ಕಮೆಂಟ್ ಮಾಡುತ್ತಾರೆ. ಅದು ಜನರ ಮಧ್ಯೆ ಹಾಟ್ ಟಾಪಿಕ್ ಆಗುತ್ತದೆ. ಯಾರು ಏನೇ ಅಂದುಕೊಂಡರೂ ಡೋಂಟ್ ಕೇರ್ ಎನ್ನುವ ನಿರ್ದೇಶಕ ಎಲ್ಲವನ್ನೂ ಮುಕ್ತವಾಗಿ ಹೇಳುತ್ತಾರೆ. ಇತ್ತೀಚೆಗಷ್ಟೇ ರಾಜಮೌಳಿ ಕುರಿತು ಅವರು ಮಾಡಿದ ಟ್ವೀಟ್‌ಗಳು ಸಂಚಲನ ಮೂಡಿಸಿವೆ.

ನಿರ್ದೇಶಕ ರಾಜಮೌಳಿ ನಿರ್ದೇಶನದ, RRR ಸಿನಿಮಾ ಅಂತರಾಷ್ಟ್ರೀಯ ಮಟ್ಟದಲ್ಲಿ ಪಿರಿಯಾಡಿಕ್ ಆ್ಯಕ್ಷನ್ ಡ್ರಾಮಾವಾಗಿ ಬಿಡುಗಡೆಯಾಯಿತು. ದೊಡ್ಡಮಟ್ಟದಲ್ಲಿ ಯಶಸ್ಸನ್ನೂ ಗಳಿಸಿತು. ಈ ಸಿನಿಮಾ ಪ್ರಶಸ್ತಿಗಳನ್ನು ಬಾಚಿಕೊಳ್ಳುತ್ತಿದೆ. ಅಂತರಾಷ್ಟ್ರೀಯ ಮಟ್ಟದಲ್ಲಿ ಮಿಂಚುತ್ತಿದೆ. ಇದಕ್ಕೆ ಸಂಬಂಧಿಸಿದ ವಿಡಿಯೋವನ್ನು ಟ್ವಿಟರ್ ನಲ್ಲಿ ಶೇರ್ ಮಾಡಿರುವ ವರ್ಮಾ ಶಾಕಿಂಗ್ ಕಮೆಂಟ್ ಮಾಡಿದ್ದಾರೆ.

ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ಒಬ್ಬ ಭಾರತೀಯ ಸಿನಿಮಾ ನಿರ್ದೇಶಕನ ಜೀವನದಲ್ಲಿ ಇಂತಹ ಕ್ಷಣಗಳು ಎದುರಾಗುತ್ತವೆ ಎಂದು ಯಾರೂ ಊಹಿಸಿರಲಿಲ್ಲ. ತಕ್ಷಣವೇ ರಾಜಮೌಳಿ ಅವರ ಭದ್ರತೆಯನ್ನು ಹೆಚ್ಚಿಸಬೇಕು ಎಂದು ಮತ್ತೊಂದು ಟ್ವೀಟ್ ಮಾಡಿದ್ದಾರೆ.

ದೇಶದ ಕೆಲವು ನಿರ್ದೇಶಕರು ಅಸೂಯೆಯಿಂದ ರಾಜಮೌಳಿ ಅವರನ್ನು ಕೊಲ್ಲಲು ತಯಾರಾಗುತ್ತಿದ್ದಾರೆ. ಅವರಲ್ಲಿ ನಾನೂ ಒಬ್ಬ. ನಾನು ನಾಲ್ಕು ಪೆಗ್ ಹಾಕಿ ಈ ವಿಷಯವನ್ನು ರಿವೀಲ್ ಮಾಡುತ್ತಿದ್ದೇನೆ ಎಂದು ತಮಾಷೆಯಾಗಿ ಟ್ವೀಟ್ ಮಾಡಿದ್ದಾರೆ.

ಇದರೊಂದಿಗೆ ವರ್ಮಾ ಮಾಡಿರುವ ಈ ಟ್ವೀಟ್ ಸಂಚಲನ ಮೂಡಿಸುತ್ತಿದೆ. ರಾಮ್ ಗೋಪಾಲ್ ವರ್ಮಾ ಬಗ್ಗೆ ನೆಟ್ಟಿಗರು ಹಲವಾರು ಕಮೆಂಟ್‌ಗಳನ್ನು ಮಾಡಿದ್ದಾರೆ. ರಾಜಮೌಳಿ ಬಗ್ಗೆ ಆರ್‌ಜಿವಿ ಮಾಡಿದ ಟ್ವೀಟ್‌ಗಳು ಸಂಚಲನ ಮೂಡಿಸಿವೆ.

ಈ ಹಿಂದೆಯೂ ನಿರ್ದೇಶಕ ರಾಜಮೌಳಿ ಬಗ್ಗೆ ಆರ್‌ಜಿವಿ ಕಮೆಂಟ್ ಮಾಡಿದ ಉದಾಹರಣೆಗಳಿವೆ. ರಾಜಮೌಳಿಯಂತಹ ನಿರ್ದೇಶಕ ಪ್ರೇಕ್ಷಕರ ಮನಸ್ಸನ್ನು ಬದಲಾಯಿಸಿಬಿಟ್ಟರು ಎಂಬ ವರ್ಮಾ ಕೊಟ್ಟ ಹೇಳಿಕೆ ಬಿಸಿ ಬಿಸಿ ಚರ್ಚೆಗೆ ಗ್ರಾಸವಾಗಿತ್ತು.

ಆರ್‌ಆರ್‌ಆರ್ ಮತ್ತು ಕೆಜಿಎಫ್‌ಗಿಂತ ದೊಡ್ಡ ರೇಂಜ್‌ನಲ್ಲಿ ಸಿನಿಮಾ ಇರಬೇಕು ಎಂದು ಪ್ರೇಕ್ಷಕರು ಯೋಚಿಸುವ ದಿನಗಳು ಬಂದಿವೆ ಎಂದು ಆರ್‌ಜಿವಿ ಹೇಳಿದ್ದಾರೆ. ಇದಕ್ಕೆಲ್ಲ ರಾಜಮೌಳಿ ಕಾರಣ ಎಂದು ರಾಮ್ ಗೋಪಾಲ್ ವರ್ಮಾ ಪ್ರತಿಕ್ರಿಯಿಸಿದ್ದಾರೆ.

ಬಾಹುಬಲಿ ಚಿತ್ರದೊಂದಿಗೆ ರಾಜಮೌಳಿ ಅವರ ಕ್ರೇಜ್ ಹೆಚ್ಚಾಗಿದೆ. ನಿರ್ದೇಶಕ ಟಾಲಿವುಡ್ ನಿಂದ ಪ್ಯಾನ್ ಇಂಡಿಯಾ ಸಿನಿಮಾಗಳ ಟ್ರೆಂಡ್ ಶುರು ಮಾಡಿದರು.