Upasana-Ram Charan: ಉಪಾಸನಾ ಧರಿಸಿದ್ದ ಸಿಲ್ಕ್ ಸೀರೆ ಹಾಗೂ 400 ಕ್ಯಾರೆಟ್ ಮಾಣಿಕ್ಯದ ನೆಕ್ಲೇಸ್​ನ ಬೆಲೆ ಎಷ್ಟು? ಕೇಳಿದ್ರೆ ಶಾಕ್ ಆಗ್ತೀರಾ!

ಆಸ್ಕರ್ ಸಮಾರಂಭದಲ್ಲಿ ಭಾಗಿಯಾಗಲೂ ಉಪಾಸನಾ ರಾಮ್ ಚರಣ್ ಅಮೆರಿಕಾಗೆ ತೆರಳಿದ್ರು. ಈ ವೇಳೆ ಅಮೆರಿಕಾದಲ್ಲಿ ಪತಿ ಜೊತೆ ಟ್ರಿಪ್ ಮಾಡಿ ಎಂಜಾಯ್ ಮಾಡಿದ್ದಾರೆ. ಬಳಿಕ ಆಸ್ಕರ್ ಸಮಾರಂಭದಲ್ಲಿ ವೈಟ್ ಕಲರ್ ಸೀರೆಯುಟ್ಟು ಎಲ್ಲರ ಗಮನ ಸೆಳೆದಿದ್ದಾರೆ.

95ನೇ ಅಕಾಡೆಮಿ ಪ್ರಶಸ್ತಿಗಳಲ್ಲಿ, ನಾಟು ನಾಟು ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಈ ಸಮಾರಂಭದಲ್ಲಿ ರಾಮ್ ಚರಣ್, ಎನ್ ಟಿಆರ್, ರಾಜಮೌಳಿ, ಕೀರವಾಣಿ ಮತ್ತು ಅವರ ಕುಟುಂಬದ ಸದಸ್ಯರು ಭಾರತೀಯ ಸಾಂಪ್ರದಾಯಿಕ ಉಡುಪನ್ನೇ ಧರಿಸಿದ್ದರು. ಫೋಟೋ: Instagram

ಆಸ್ಕರ್ ಕಾರ್ಯಕ್ರಮದಲ್ಲಿ ಉಪಾಸನಾ ಕೊನಿಡೇಲ ವಿಶೇಷ ಆಕರ್ಷಣೆಯಾಗಿದ್ದರು. ಕಾರ್ಯಕ್ರಮದಲ್ಲಿ ವೈಟ್ ಸೀರೆಯನ್ನು ಧರಿಸಿದ್ದರು. ಸೀರೆಯ ಬೆಲೆ ಹಾಗೂ ಆಕೆ ಕತ್ತಿಗೆ ಧರಿಸಿದ್ದ ಫ್ಯಾಷನ್ ನೆಕ್ ಪೀಸ್ ಬಗ್ಗೆಯೇ ಇದೀಗ ಭಾರೀ ಚರ್ಚೆ ಆಗ್ತಿದೆ. ಸೋಶಿಯಲ್ ಮೀಡಿಯಾದಲ್ಲಿ ಫೋಟೋಗಳು ಹರಿದಾಡ್ತಿದೆ. ಫೋಟೋ: Instagram

ಈ ಉಪಾಸನಾ ಉಟ್ಟ ಸೀರೆಯನ್ನು ಹೈದರಾಬಾದಿನ ಪ್ರಸಿದ್ಧ ವಿನ್ಯಾಸಕಿ ಜಯಂತಿ ರೆಡ್ಡಿ ತಯಾರಿಸಿದ್ದಾರೆ. ಸೀರೆಯನ್ನು ಮರುಬಳಕೆಯ ಸ್ಕ್ರ್ಯಾಪ್​ಗಳಿಂದ ತಯಾರಿಸಲಾಗಿದೆ ಕೈಯಿಂದ ನೇಯ್ದ ರೇಷ್ಮೆ ಮತ್ತು ನೂಲುವ ಬಟ್ಟೆಯಿಂದ ಮಾಡಲ್ಪಟ್ಟಿದೆ ಎಂದು ಉಪಾಸನಾ ಸೋಶಿಯಲ್ ಮೀಡಿಯಾದಲ್ಲಿ ತಿಳಿಸಿದ್ದಾರೆ. ಫೋಟೋ: Instagram

ಸೀರೆ ಜೊತೆಗೆ ಉಪಾಸನ ಧರಿಸಿರುವ ನೆಕ್ ಪೀಸ್ ಸಹ ಹಲವು ವಿಶೇಷತೆಗಳನ್ನು ಒಳಗೊಂಡಿದೆ. ಮುಂಬೈ ಮೂಲದ ಪ್ರಸಿದ್ಧ ಆಭರಣ ವಿನ್ಯಾಸಕಿ ಬೀನಾ ಗೋಯೆಂಕಾ ಇದನ್ನು ತಯಾರಿಸಿದ್ದಾರೆ. ಈ ನೆಕ್ ಪೀಸ್ ತಯಾರಿಸಲು 4 ವರ್ಷ ತೆಗೆದುಕೊಂಡಿದ್ದಾರೆ. ನೈಸರ್ಗಿಕ ರತ್ನಗಳು ಮತ್ತು ಅತ್ಯುನ್ನತ ಗುಣಮಟ್ಟದ ಮುತ್ತುಗಳನ್ನು ಬಳಸಿ ನೆಕ್ಲೇಸ್ ತಯಾರಿಸಲಾಗಿದೆ. ಸುಮಾರು 400 ಕ್ಯಾರೆಟ್ ಗುಣಮಟ್ಟದ ಮಾಣಿಕ್ಯ ನೆಕ್ಲೇಸ್ ನಲ್ಲಿದೆ. ಇದು ಕೋಟಿ ಕೋಟಿ ಬೆಲೆ ಬಾಳುತ್ತದೆ. ಫೋಟೋ: Instagram

ಉಪಾಸನಾ ರಾಮ್ ಚರಣ್ ಅವರ ಪತ್ನಿಯಾಗಿದ್ದು, ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಜೊತೆಗೆ ಉದ್ಯಮಿಯಾಗಿಯೂ ಒಳ್ಳೆ ಹೆಸರು ಮಾಡಿದ್ದಾರೆ. ಸಮಾಜ ಸೇವೆ ಮೂಲಕ ಕೂಡ ಉಪಾಸನಾ ಗುರುತಿಸಿಕೊಂಡಿದ್ದಾರೆ. ಫೋಟೋ: Instagram

ರಾಮ್ ಚರಣ್ ಹಾಗೂ ಉಪಾಸನಾ ಅಮೆರಿಕಾದಲ್ಲಿ ಆಸ್ಕರ್ ಪ್ರಶಸ್ತಿಯಲ್ಲಿ ಪಾಲ್ಗೊಳ್ಳುವುದರ ಜೊತೆಗೆ US ಟ್ರಿಪ್ ಮಾಡಿ ಎಂಜಾಯ್ ಮಾಡಿದ್ದಾರೆ. ಆಸ್ಕರ್ನಲ್ಲಿ ಬೇಬಿ ಬಂಪ್ ನೊಂದಿಗೆ ಕಾಣಿಸಿಕೊಂಡಿದ್ದು ಎಲ್ಲರ ಗಮನಸೆಳೆದಿದ್ದಾರೆ. ಇಬ್ಬರ ಫೋಟೋ ನೋಡಿದ ಅಭಿಮಾನಿಗಳು ಜೋಡಿ ಸೂಪರ್ ಎಂದು ಕಮೆಂಟ್ ಮಾಡ್ತಿದ್ದಾರೆ.

ಉಪಾಸನಾಗೆ ಈಗ 6 ತಿಂಗಳು ಎಂದು ಆಸ್ಕರ್ ಕಾರ್ಯಕ್ರಮದ ವೇಳೆ ನಟ ರಾಮ್ ಚರಣ್ ತಿಳಿಸಿದ್ದಾರೆ. ಮೆಗಾ ದಂಪತಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದು, ಆಸ್ಕರ್ ಗೆದ್ದ ಖುಷಿಯನ್ನು ಚೆರ್ರಿ ಹಾಗೂ ಉಪಾಸನಾ ಎಂಜಾಯ್ ಮಾಡ್ತಿದ್ದಾರೆ.