Ram Charan-Upasana: ಬೆಳ್ಳಿ ಸ್ಪೂನ್ ಅಲ್ಲ, ಚಿನ್ನದ ಸ್ಪೂನ್​ನಲ್ಲಿ ತಿಂದು ಬೆಳೆದೋಳು ನಾನು! RRR ನಟ ರಾಮ್​ ಚರಣ್ ಪತ್ನಿ ಹೀಗಂದಿದ್ದೇಕೆ?

ಸೂಪರ್ ಸ್ಟಾರ್ ರಾಮ್ ಚರಣ್ ಮತ್ತು ಅವರ ಪತ್ನಿ ಉಪಾಸನಾ ಕಾಮಿನೇನಿ ದಕ್ಷಿಣದ ಅತ್ಯಂತ ಜನಪ್ರಿಯ ಜೋಡಿ. ಅವರ ನಡುವಿನ ಬಾಂಧವ್ಯವು ಅದ್ಭುತವಾಗಿದೆ. ಅವರ ಮದುವೆಯಾಗಿ ಒಂದು ದಶಕಕ್ಕೂ ಹೆಚ್ಚು ಸಮಯ ಕಳೆದಿದೆ. ಮಕ್ಕಳಿಲ್ಲದಿದ್ದರೂ ಈ ಜೋಡಿ ಇಲ್ಲಿವರೆಗೂ ಸಖತ್ತಾಗಿಯೇ ಬದುಕಿ ತೋರಿಸಿದ್ದಾರೆ.

ಇಲ್ಲಿಯವರೆಗೆ ಅವರು ಪೋಷಕರಾಗದೆಯೂ ಪರಸ್ಪರ ಸಂತೋಷವಾಗಿದ್ದಾರೆ ಎನ್ನುವುದು ವಿಶೇಷ. ಆದರೆ, ಈಗ ಇಬ್ಬರೂ ತಮ್ಮ ಮೊದಲ ಮಗುವಿನ ಆಗಮನಕ್ಕಾಗಿ ಕಾತರದಿಂದ ಕಾಯುತ್ತಿದ್ದಾರೆ. ಇತ್ತೀಚೆಗಷ್ಟೇ ಮೆಗಾಸ್ಟಾರ್ ಪತ್ನಿ ರಾಮ್ ಚರಣ್ ಜೊತೆಗಿನ ತಮ್ಮ ಸುಖೀ ದಾಂಪತ್ಯ ಜೀವನದ ಸೀಕ್ರೆಟ್ ರಿವೀಲ್ ಮಾಡಿದ್ದಾರೆ.

ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಪತ್ನಿ ಉಪಾಸನಾ ಉದ್ಯಮಿ. ಅವರು ಯಾವಾಗಲೂ ಸಮಾಜ ಕಲ್ಯಾಣಕ್ಕಾಗಿ ಶ್ರಮಿಸಿದ್ದಾರೆ. ಇತ್ತೀಚೆಗಷ್ಟೇ ಕಾರ್ಯಕ್ರಮವೊಂದರಲ್ಲಿ ತಮ್ಮ ಭಾಷಣದ ಮೂಲಕ ಎಲ್ಲರನ್ನೂ ಆಕರ್ಷಿಸಿದ್ದರು.

ಕಾರ್ಯಕ್ರಮದ ವೇಳೆ ರಾಮ್ ಚರಣ್ ಜೊತೆಗಿನ ಯಶಸ್ವಿ ದಾಂಪತ್ಯದ ರಹಸ್ಯವನ್ನು ಉಪಾಸನಾ ಬಹಿರಂಗಪಡಿಸಿದ್ದಾರೆ. ರಾಮ್ ಚರಣ್ ಅವರನ್ನು ಮದುವೆಯಾದ ನಂತರ ತನ್ನ ಗುರಿಯನ್ನು ಸಾಧಿಸಲು ಹೇಗೆ ಸ್ಫೂರ್ತಿ ಪಡೆದಿದ್ದಾರೆ ಎಂದು ಸ್ಟಾರ್ ಪತ್ನಿ ಜನರಿಗೆ ತಿಳಿಸಿದರು.

ವ್ಯಕ್ತಿಯಲ್ಲಿ ಶಿಸ್ತು ಇದ್ದಾಗ ಮಾತ್ರ ಅವರು ತಮ್ಮ ಜೀವನದ ಪ್ರತಿಯೊಂದು ವಿಚಾರದಲ್ಲಿ ಮುನ್ನಡೆಯುತ್ತಾರೆ ಎಂದು ಉಪಾಸನಾ ಹೇಳಿದ್ದಾರೆ. ಚರಣ್ ಅವರನ್ನು ಮದುವೆಯಾದ ನಂತರ, ನಾನು ಒಬ್ಬ ವ್ಯಕ್ತಿಯಾಗಿ ಹೆಚ್ಚು ಬೆಳೆದಿದ್ದೇನೆ. ಏಕೆಂದರೆ ನನ್ನ ಗುರಿಗಳ ಬಗ್ಗೆ ನನಗೆ ಸ್ಪಷ್ಟತೆ ಇದೆ. ನಾನು ಏನು ಮಾಡಬೇಕೆಂದು ನನಗೆ ತಿಳಿದಿದೆ ಎಂದಿದ್ದಾರೆ.

ನಾನು ಅವರ ಶೂಟಿಂಗ್ ಶೆಡ್ಯೂಲ್​ಗೆ ಹೊಂದಿಕೊಳ್ಳಲು ಪ್ರಯತ್ನಿಸುತ್ತೇನೆ. ಇದರಿಂದ ನಾವು ಒಟ್ಟಿಗೆ ಗುಣಮಟ್ಟದ ಸಮಯವನ್ನು ಕಳೆಯಬಹುದು. ಚರಣ್ ಯಾವಾಗಲೂ ನೀವು ಪ್ರೀತಿಯಲ್ಲಿ ಬೆಳೆಯಬೇಕು, ಬೀಳಬಾರದು ಎಂದು ನಂಬುತ್ತಾರೆ ಎಂದಿದ್ದಾರೆ.

ಪ್ರೀತಿ ಸಮಯದೊಂದಿಗೆ ಬೆಳೆಯುತ್ತದೆ. ಗೌರವವು ಬೆಳೆಯುತ್ತಲೇ ಇರುತ್ತದೆ. ಆದ್ದರಿಂದ ನೀವು ನಿಮ್ಮ ಸಂಬಂಧದಲ್ಲಿ ಕೆಲವು ಶಿಸ್ತನ್ನು ಇಟ್ಟುಕೊಳ್ಳಿ. ನಿಮ್ಮನ್ನೇ ನೀವು ವಿಮರ್ಶೆ ಮಾಡಿಕೊಳ್ಳಿ ಎಂದಿದ್ದಾರೆ.

ಚರಣ್ ಅವರ ಪತ್ನಿ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಬರುವ ನೆಗೆಟಿವ್ ಕಮೆಂಟ್ಸ್ ಬಗ್ಗೆ ಮಾತನಾಡಿದ್ದಾರೆ. ನಾನು ಚಿನ್ನದ ಚಮಚದೊಂದಿಗೆ ಹುಟ್ಟಿದೆ. ಆದರೆ ನನ್ನ ಪೋಷಕರು ನಾನು ವಜ್ರದ ಸ್ಪೂನ್​ನೊಂದಿಗೆ ಹುಟ್ಟಲು ಶ್ರಮಿಸಿದ್ದರು ಎಂದಿದ್ದಾರೆ.

ರಾಮ್ ಚರಣ್ ಮತ್ತು ನಾನು ನಮ್ಮ ಮಕ್ಕಳಿಗಾಗಿ ಅದೇ ರೀತಿ ಮಾಡುತ್ತೇವೆ. ಶ್ರಮದ ಮೌಲ್ಯವನ್ನು ಅರ್ಥಮಾಡಿಕೊಳ್ಳಲು ಮತ್ತು ಸಮಾಜಕ್ಕೆ ಹಿಂತಿರುಗಿಸಲು ನಮಗೆ ಹೇಳಿಕೊಟ್ಟಿದ್ದಾರೆ. ಆದ್ದರಿಂದ ದಯವಿಟ್ಟು ನನ್ನ ಬಗ್ಗೆ ನೆಗೆಟಿವ್ ಆಗಿ ಬರೆದು ನೆಗೆಟಿವಿಟಿ ಹರಡಬೇಡಿ ಎಂದಿದ್ದಾರೆ.

ರಾಮ್ ಚರಣ್ ಮತ್ತು ಉಪಾಸನಾ 2012ರಲ್ಲಿ ಮದುವೆಯಾಗಿದ್ದಾರೆ. ಗ್ರಾಮೀಣ ಭಾರತದ ಸುಧಾರಣೆಗಾಗಿ ಕೆಲಸ ಮಾಡುವ ಉಪಾಸನಾ ಫೌಂಡೇಶನ್ ಸೇರಿದಂತೆ ಹಲವಾರು ಸಾಮಾಜಿಕ ಉಪಕ್ರಮಗಳಲ್ಲಿ ಈ ಜೋಡಿ ತೊಡಗಿಸಿಕೊಂಡಿದ್ದಾರೆ. ಅವರು ಕೊರೋನಾ ಪರಿಹಾರ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.

ಅವರು ಕೊರೋನಾ ಸಮಯದಲ್ಲಿ ಅಗತ್ಯವಿರುವವರಿಗೆ ಪರಿಹಾರ ಮತ್ತು ಸಹಾಯವನ್ನು ಒದಗಿಸಿದ್ದಾರೆ. ವೈದ್ಯಕೀಯ ಸಿಬ್ಬಂದಿಗೆ ಪಿಪಿಇ ಕಿಟ್‌ಗಳು, ಮಾಸ್ಕ್ ಮತ್ತು ಇತರ ಅಗತ್ಯ ವಸ್ತುಗಳನ್ನು ಒದಗಿಸಲು ಸಹಾಯ ಮಾಡಿದ್ದಾರೆ.

ರಾಮ್ ಚರಣ್ ಮತ್ತು ಉಪಾಸನಾ