Ram Charan-Upasana: ಯಾವ ಮಗುವಿಗೆ ಜನ್ಮ ಕೊಡ್ತಾರೆ ಉಪಾಸನಾ? ಗಂಡು, ಹೆಣ್ಣಿನ ಚರ್ಚೆಯಲ್ಲಿ ಬಯಲಾಗಿದೆ ಸತ್ಯ!

ಮೆಗಾ ಪವರ್ ಸ್ಟಾರ್ ರಾಮ್ ಚರಣ್ ಪತ್ನಿ ಹಾಗೂ ಮೆಗಾ ಸ್ಟಾರ್ ಸೊಸೆ ಉಪಾಸನಾ , ಗರ್ಭಿಣಿಯಾಗಿದ್ದರೂ ತುಂಬಾ ಆ್ಯಕ್ಟಿವ್ ಆಗಿ ಕಾಣಿಸುತ್ತಿದ್ದಾರೆ. ಗರ್ಭಧಾರಣೆಗೆ ಸಂಬಂಧಿಸಿದ ವಿಷಯಗಳ ಬಗ್ಗೆ ಮುಕ್ತವಾಗಿ ಮಾತನಾಡುತ್ತಾ ಸದಾ ಸುದ್ದಿಯಲ್ಲಿರುತ್ತಾರೆ. ಇದರೊಂದಿಗೆ ಚೆರ್ರಿ-ಉಪಾಸನಾ ಜೋಡಿ ಫಾರಿನ್ ಟ್ರಿಪ್ ಮಾಡುತ್ತಾ ಎಂಜಾಯ್ ಮಾಡ್ತಾರೆ.

ಇದೀಗ ಉಪಾಸನಾಗೆ ಹುಟ್ಟುವ ಮಗುವಿನ ಬಗ್ಗೆ ಚರ್ಚೆ ಶುರುವಾಗಿದೆ. ಚಿರಂಜೀವಿ ಮತ್ತು ರಾಮ್ ಚರಣ್ ಅವರು ತಮ್ಮ ವಂಶ ಮುಂದುವರಿಸಲು ಉತ್ತರಾಧಿಕಾರಿ ಕನಸು ಕಾಣುತ್ತಿದ್ದಾರೆ ಎನ್ನಲಾಗ್ತಿದೆ. ಮೆಗಾ ಸ್ಟಾರ್ ಚಿರಂಜೀವಿ ಅವರೇ ಸೊಸೆ ಗರ್ಭಿಣಿ ಎನ್ನುವ ವಿಚಾರವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ರು.

ಉಪಾಸನಾಗೆ ಯಾವ ಮಗು ಜನಿಸುತ್ತೆ ಎನ್ನುವ ಚರ್ಚೆ ಶುರುವಾಗಿದೆ. ರಾಮ್ ಚರಣ್-ಉಪಾಸನಾಗೆ ಮಗಳು ಜನಿಸುತ್ತಾಳೆ ಎಂದು ನೆಟ್ಟಿಗರು ಊಹೆ ಮಾಡ್ತಿದ್ದಾರೆ. ಇದಕ್ಕೆ ನೆಟ್ಟಿಗರು ಸಾಕ್ಷಿ ಕೂಡ ಹುಡುಕಿದ್ದಾರೆ.

ರಾಮ್ ಚರಣ್ ಮತ್ತು ಉಪಾಸನಾ ದಂಪತಿಗಳು ಅನೇಕ ಸಂದರ್ಶನಗಳಲ್ಲಿ ಮಾಡಿದ ಕಾಮೆಂಟ್​ಗಳನ್ನು ನೋಡಿದರೆ ಉಪಾಸನಾಗೆ ಹೆಣ್ಣು ಮಗು ಜನಿಸೋದು ಪಕ್ಕಾ ಎಂದು ನೆಟ್ಟಿಗರು ಹೇಳುತ್ತಿದ್ದಾರೆ. ಜೂನ್ ತಿಂಗಳಿನಲ್ಲಿ ಮೆಗಾ ಫ್ಯಾಮಿಲಿಗೆ ಮಹಾಲಕ್ಷ್ಮೀ ಬರುತ್ತಾಳೆ ಎನ್ನುವ ಕಮೆಂಟ್ ಭಾರೀ ವೈರಲ್ ಆಗಿದೆ.

ಇತ್ತೀಚೆಗಷ್ಟೇ ಉಪಾಸನಾ ಸೀಮಂತ ಸಮಾರಂಭ ಅದ್ಧೂರಿಯಾಗಿ ನಡೆಯಿತು. ಬೇಬಿ ಶವರ್ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ಈ ಫೋಟೋಗಳಲ್ಲಿ ಉಪಾಸನಾ ಗುಲಾಬಿ ಬಣ್ಣದ ಡ್ರೆಸ್ ಧರಿಸಿದ್ದಾರೆ. ಆದರೆ, ಈ ಪಿಂಕ್ ಡ್ರೆಸ್ ಹೆಣ್ಣು ಮಗುವಿನ ಸಂಕೇತವಾಗಿದ್ದು, ಹೆಣ್ಣು ಮಗು ಎನ್ನುವ ಕಾರಣಕ್ಕೆ ಉಪಾಸನಾ ಪಿಂಕ್ ಡ್ರೆಸ್ ತೊಟ್ಟಿದ್ದಾರೆ ಎನ್ನುವ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ರಾಮ್ ಚರಣ್ ಮತ್ತು ಉಪಾಸನಾ ಮದುವೆ ಜೂನ್ 14, 2012 ರಂದು ಹೈದರಾಬಾದ್ನಲ್ಲಿ ಅದ್ದೂರಿಯಾಗಿ ನಡೆಯಿತು. ಉಪಾಸನಾ ಅಪೋಲೋ ಆಸ್ಪತ್ರೆಯ ಅಧ್ಯಕ್ಷ ಪ್ರತಾಪ್ ರೆಡ್ಡಿ ಅವರ ಮೊಮ್ಮಗಳು, ಸೋಭಾನಾ ಮತ್ತು ಅನಿಲ್ ಕಾಮಿನೇನಿ ಅವರ ಪುತ್ರಿ ಆಗಿದ್ದಾರೆ. ಸದ್ಯ ಉಪಾಸನಾ ಅಪೋಲೋ ಚಾರಿಟಿಯ ಉಪಾಧ್ಯಕ್ಷರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ರಾಮ್ ಚರಣ್ 15ನೇ ಸಿನಿಮಾಗೆ ಗೇಮ್ ಚೇಂಜರ್ ಎಂಬ ಟೈಟಲ್ ಫಿಕ್ಸ್ ಮಾಡಿದ್ದು, ಫಸ್ಟ್ ಲುಕ್ ಕೂಡ ರಿಲೀಸ್ ಆಗಿದೆ. ಫಸ್ಟ್ ಲುಕ್​ಗೆ ಉತ್ತಮ ಪ್ರತಿಕ್ರಿಯೆ ಕೂಡ ಸಿಕ್ಕಿದೆ. RRR ನಂತರ ರಾಮ್ ಚರಣ್ ನಿರ್ದೇಶಕ ಶಂಕರ್ ಜೊತೆ ಸಿನಿಮಾ ಮಾಡುತ್ತಿದ್ದು, ಈ ಸಿನಿಮಾ ಸದ್ಯ ಶೂಟಿಂಗ್ ಹಂತದಲ್ಲಿದೆ.

ಈ ಚಿತ್ರದಲ್ಲಿ ಕಿಯಾರಾ ಅಡ್ವಾಣಿ ನಾಯಕಿಯಾಗಿ ನಟಿಸುತ್ತಿದ್ದು, ಸಿನಿಮಾಗೆ ಥಮನ್ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ. ಮುಂದಿನ ವರ್ಷದ ಗೇಮ್ ಚೇಂಜರ್ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆಯಂತೆ. ಮಾರ್ಚ್ 21, 2024 ರಂದು ಚಿತ್ರವನ್ನು ಬಿಡುಗಡೆ ಮಾಡಲು ಚಿತ್ರತಂಡ ಪ್ಲಾನ್ ಮಾಡಿದೆ.